ಬೀ-ಹ್ಯೂಮನ್ ಸಂಸ್ಥೆಯ ವತಿಯಿಂದ ಮೂಡಬಿದ್ರಿ ಸರ್ಕಾರಿ ಆಸ್ಪತ್ರೆಗೆ ಕುಡಿಯುವ ನೀರಿನ ಯಂತ್ರ, ಟಿವಿ ಮತ್ತು ಕುರ್ಚಿ ದೇಣಿಗೆ

ಮಂಗಳೂರು: ಬೀ-ಹ್ಯೂಮನ್ ಸಂಸ್ಥೆಯ ವತಿಯಿಂದ ಇತ್ತೀಚೆಗೆ ಮೂಡಬಿದ್ರಿ ಸರ್ಕಾರಿ ಆಸ್ಪತ್ರೆಗೆ ಶುದ್ಧ ಕುಡಿಯುವ ನೀರಿನ ವಿತರಣಾ ಯಂತ್ರ, ಟಿವಿ ಮತ್ತು ಕುರ್ಚಿಗಳನ್ನು ದೇಣಿಗೆ ನೀಡಲಾಯಿತು.

ಆರೋಗ್ಯ ಕ್ಷೇತ್ರದಲ್ಲಿ ಮಹತ್ವಪೂರ್ಣ ಹೆಜ್ಜೆಗಳನ್ನು ಹಾಕುತ್ತಿರುವ ಬೀ-ಹ್ಯೂಮನ್ ಸಂಸ್ಥೆಯು, ಪ್ರತಿ ತಿಂಗಳು ಸುಮಾರು 90 ರೋಗಿಗಳಿಗೆ ಉಚಿತ 1000 ಡಯಾಲಿಸಿಸ್ ಸೇವೆಗಳನ್ನು ಒದಗಿಸುತ್ತಿದೆ. ಡಯಾಲಿಸಿಸ್ ರೋಗಿಗಳ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು, ಆಸ್ಪತ್ರೆಯ ಆರೋಗ್ಯ ಸೇವೆಗಳ ಸುಧಾರಣೆಯನ್ನು ಕೇಂದ್ರೀಕರಿಸಿ, ನೀರಿನ ವಿತರಣಾ ಯಂತ್ರ, ಟಿವಿ ಮತ್ತು ಕುರ್ಚಿಗಳನ್ನು ಉಚಿತವಾಗಿ ಆಸ್ಪತ್ರೆಗೆ ಹಸ್ತಾಂತರಿಸಲಾಯಿತು.

ಈ ಕಾರ್ಯಕ್ರಮವನ್ನು ಬೀ-ಹ್ಯೂಮನ್ ನ ಟ್ರಸ್ಟೀ ಶರೀಫ್ ಬೋಳಾರ್ (ವೈಟ್‌ಸ್ಟೋನ್) ಮತ್ತು ಅಬುಲಾಲ ಪುತ್ತಿಗೆ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಅಬುಲಾಲ ಪುತ್ತಿಗೆ, ಬೀ-ಹ್ಯೂಮನ್ ಸಂಸ್ಥೆಯ ಕಾರ್ಯವೈಖರಿ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದರು. ಮುಂದಿನ ದಿನಗಳಲ್ಲಿ ನಾವು ಎಲ್ಲರೂ ಬೀ-ಹ್ಯೂಮನ್ ಸಂಸ್ಥೆಯೊಂದಿಗೆ ಕೈಜೋಡಿಸಿ ಸಂಸ್ಥೆಯ ಏಳಿಗೆಗೆ ಶ್ರಮಿಸೋಣ ಎಂದರು.

ಆಸ್ಪತ್ರೆಯ ಮುಖ್ಯಸ್ಥೆ ಡಾ. ಅಕ್ಷತಾ ರವರು ಮಾತನಾಡಿ, ಬೀ-ಹ್ಯೂಮನ್ ತಂಡಕ್ಕೆ ಧನ್ಯವಾದಗಳನ್ನು ತಿಳಿಸಿದರು.

ಸಂಸ್ಥೆಯ ಸಂಸ್ಥಾಪಕರಾದ ಆಸೀಫ್ ಡೀಲ್ಸ್ ಅವರು ಮಾತನಾಡಿ, ಮೂಡಬಿದ್ರಿ ತಂಡದ ಪ್ರಾಮಾಣಿಕ ಬೆಂಬಲಕ್ಕೆ ಧನ್ಯವಾದಗಳನ್ನು ಸಲ್ಲಿಸಿದರು. ಬೀ-ಹ್ಯೂಮನ್ ಸಂಸ್ಥೆಯೊಂದಿಗೆ ಸಹಕರಿಸಲು ಇಚ್ಛಿಸುವವರನ್ನು ತಂಡದಲ್ಲಿ ಸೇರಿಕೊಳ್ಳಲು ಆಹ್ವಾನಿಸಿದರು.

ಕಾರ್ಯಕ್ರಮದಲ್ಲಿ ವೈಧ್ಯಾಧಿಕಾರಿ ಡಾ. ಅಕ್ಷತಾ, ಮುಸ್ಲಿಂ ಸೆಂಟ್ರಲ್ ಕಮಿಟಿ ಅಧ್ಯಕ್ಷರಾದ ಅಬ್ದುಲ್ ಸಲಾಂ ತೋಡಾರು, ಬೀ-ಹ್ಯೂಮನ್ ನ ಟ್ರಸ್ಟೀ ಶರೀಫ್ ಬೋಳಾರ್ (ವೈಟ್‌ಸ್ಟೋನ್), ಇಮ್ರಾನ್ ಹಸನ್ (Team NRI Co-Ordinator), ನವಾಜ್ (ವೈಟ್‌ಸ್ಟೋನ್), ಇಮ್ತಿಯಾಜ್ ಗೋಲ್ಡನ್, ಅಬುಲಾಲ ಪುತ್ತಿಗೆ, ಹನೀಫ್ ರಹ್ಮಾನಿಯಾ, ಮಾಲಿಕ್ ಅಝೀಝ್, ಅಝ್ವೀರ್, ಅಲ್‌ ಫುರ್ಖಾನ್ ಶಿಕ್ಷಣ ಸಂಸ್ಥೆಯ ಮುಖ್ಯಸ್ಥರಾದ ಶಾಹಮ್, ಅಶ್ರಫ್ ಮರೋಡಿ, ಶಾಫಿ ಪಡ್ಡಂದಡ್ಕ, ಬೀ-ಹ್ಯೂಮನ್ ಮೆಡಿಕಲ್ ಇಂಚಾರ್ಜ್ ಹನೀಫ್ ತೋಡಾರು, ಯಾಸೀರ್ ಹುಸೈನ್, ಅಡ್ವಕೇಟ್ ಎನ್ ಜಿ ಇರ್ಷಾದ್, ಕೆ ಎಸ್ ಅಬೂಬಕ್ಕರ್, ಆಸ್ಪತ್ರೆಯ ಸಿಬ್ಬಂದಿ ರೇಖಾ ಮತ್ತು ಡಯಾಲಿಸಿಸ್ ಸೆಂಟರ್ ಇಂಚಾರ್ಜ್ ರಕ್ಷಿತ್ ಕೆ.ಜಿ ಹಾಗೂ ಬೀ-ಹ್ಯೂಮನ್ ಸಂಸ್ಥೆಯ ಸಂಸ್ಥಾಪಕ ಆಸೀಫ್ ಡೀಲ್ಸ್ ಉಪಸ್ಥಿತರಿದ್ದರು.