'ಜಾಮಿಯಾ ಮಿಲ್ಲಿಯಾ' ಎಲ್‌ಎಲ್‌ಎಂ ಪ್ರವೇಶ ಪರೀಕ್ಷೆಯಲ್ಲಿ ಮಂಗಳೂರಿನ ನಿಹಾಲ್ ಗೆ 7ನೇ ರ‍್ಯಾಂಕ್

ಮಂಗಳೂರು: ದಿಲ್ಲಿಯ ಪ್ರತಿಷ್ಠಿತ ಜಾಮಿಯಾ ಮಿಲ್ಲಿಯಾ ಇಸ್ಲಾಮಿಯಾ ಕೇಂದ್ರೀಯ ವಿಶ್ವ ವಿದ್ಯಾಲಯ ನಡೆಸಿದ ಎಲ್ ಎಲ್ ಎಂ ಸ್ನಾತಕೋತ್ತರ ಪದವಿಯ ಪ್ರವೇಶ ಪರೀಕ್ಷೆಯಲ್ಲಿ ಮಂಗಳೂರಿನ ನಿಹಾಲ್ ಮುಹಮ್ಮದ್ ರಾಷ್ಟ್ರ ಮಟ್ಟದಲ್ಲಿ ಏಳನೇ ರ‍್ಯಾಂಕ್ ಪಡೆದು ಸರಕಾರಿ ಕೋಟಾದ ಸೀಟ್ ಗೆ ಆಯ್ಕೆಯಾಗಿದ್ದಾರೆ. ‌

ನಗರದ ಕುದ್ರೋಳಿಯ ಅಬ್ದುಲ್ ನಿಝಾರ್ ಹಾಗು ಖಾಲಿಸ ನಿಝಾರ್ ಅವರ ಸುಪುತ್ರ ನಿಹಾಲ್ ಮುಹಮ್ಮದ್ ನಗರದ ಸಂತ ಅಲೋಶಿಯಸ್ ಕಾಲೇಜಿನಲ್ಲಿ ಪಿಯು ಬಳಿಕ ಆಲಿಗಡ್ ಮುಸ್ಲಿಂ ವಿಶ್ವವಿದ್ಯಾಲಯದಿಂದ ಎಲ್ ಎಲ್ ಬಿ ಪದವಿ ಪಡೆದಿದ್ದಾರೆ. ಎಸ್ ಐ ಒ ವಿದ್ಯಾರ್ಥಿ ಸಂಘಟನೆಯ ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷರಾಗಿದ್ದರು.