ದ.ಕ. ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಷನ್: ಅಧ್ಯಕ್ಷರಾಗಿ ಶಾಸಕ ವೇದವ್ಯಾಸ ಕಾಮತ್ ಆಯ್ಕೆ

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಶನ್‌ನ ನೂತನ ಅಧ್ಯಕ್ಷರಾಗಿ ಮಂಗಳೂರು ನಗರ ದಕ್ಷಿಣ ಕ್ಷೇತ್ರದ ಶಾಸಕ ವೇದವ್ಯಾಸ ಕಾಮತ್ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಮಂಗಳೂರಿನ ಲಯನ್ಸ್ ಸೇವಾ ಮಂದಿರದ ಸಭಾಂಗಣದಲ್ಲಿ ಮಂಗಳವಾರ ನಡೆದ 2023-2024ನೇ ಸಾಲಿನ ವಾರ್ಷಿಕ ಮಹಾಸಭೆಯಲ್ಲಿ ನೂತನ ಕಾರ್ಯಕಾರಿ ಸಮಿತಿಗೆ ಆಯ್ಕೆ ನಡೆಯಿತು.

ಆಯ್ಕೆಯಾಗಿರುವ ಪದಾಧಿಕಾರಿಗಳ ವಿವರ ಇಂತಿವೆ:

ಉಪಾಧ್ಯಕ್ಷರುಗಳಾಗಿ ಅವಿನಾಶ್ ಸುವರ್ಣ ಮತ್ತು ಐವನ್ ಪತ್ರಾವೊ,ಗೌರವ ಕಾರ್ಯದರ್ಶಿಯಾಗಿ ಆರ್ ಶ್ರೀನಿವಾಸ್ ಬಾಳಿಗ, ಗೌರವ ಜೊತೆ ಕಾರ್ಯದರ್ಶಿಗಳಾಗಿ ಎ. ಎಸ್. ವೆಂಕಟೇಶ್, ವಿನಯ್ ಕುಮಾರ್, ಐವನ್ ಪಿಂಟೊ, ಗೌರವ ಖಜಾಂಚಿಯಾಗಿ ದಯಾನಂದ ಪಿ. ಎಸ್, ಚುನಾಯಿತ ಸದಸ್ಯರಾಗಿ ಪ್ರವೀಣ್ ಕುಮಾರ್ ಬಂಗೇರ, ಗಣೇಶ್ ಪ್ರಸಾದ್ ಕೆ., ಸುರೇಶ್ ಎಚ್. ಪಿ. ಆಯ್ಕೆಗೊಂಡರು. ಚುನಾವಣಾ ಅಧಿಕಾರಿಯಾಗಿ ಯನ್. ಜೆ. ಗೋಪಾಲ್ ಕಾರ್ಯ ನಿರ್ವಹಿಸಿದರು.