ಜೂಜು ಅಡ್ಡಗೆ ಪೊಲೀಸ್ ದಾಳಿ: 9 ಮಂದಿಯ ಬಂಧನ

ಹಳೆಯಂಗಡಿ: ಇಲ್ಲಿನ ಕೊಪ್ಪಳ ಎಂಬಲ್ಲಿನ ಜೂಜು ಅಡ್ಡಗೆ ಮುಲ್ಕಿ ಪೊಲೀಸರು ದಾಳಿ ಮಾಡಿ 9 ಮಂದಿಯನ್ನು ಬಂಧಿಸಿರುವ ಘಟನೆ ರವಿವಾರ ಮಧ್ಯಾಹ್ನ ವರದಿಯಾಗಿದೆ.

ಬಂಧಿತರನ್ನು ಶರಣಪ್ಪ, ಮಾರುತಿ, ಎಂ.ಎಸ್. ಶರಣಪ್ಪ‌ ರವಿ ಕೋಳಿ, ಗುರಪಾದಪ್ಪ, ಸ್ವಾರಪ್ಪ, ಶಿವಾನಂದ, ಶರಣಪ್ಪ ಮಲ್ಲನಗೌಡ, ಮಾಂತೇಂಶ್ ಇವರೆಲ್ಲರೂ ಉತ್ತರ ಕರ್ನಾಟಕದವರಾಗಿದ್ದು, ಮುಲ್ಕಿಯ ಕೊಲ್ನಾಡು ಎಂಬಲ್ಲಿನ ನಿವಾಸಿಗಳು ಎಂದು ತಿಳಿದು ಬಂದಿದೆ‌.

ಆರೋಪಿಗಳು ಮುಲ್ಕಿ ಪೊಲೀಸ್ ಠಾಣಾ ವ್ಯಾಪ್ತಿಯ ಹಳೆಯಂಗಡಿ ಕೊಪ್ಪಳ ರೈಲ್ವೇ ಮಾರ್ಗದ ಬಳಿಯ ಬಯಲು ಪ್ರದೇಶದಲ್ಲಿ ಹಣವನ್ನು ಪಣವಾಗಿಟ್ಟು ಆಡುತ್ತಿದ್ದರು ಎಂದು ತಿಳಿದು ಬಂದಿದೆ.

ಸಾರ್ವಜನಿಕರಿಂದ ದೂರು ಬಂದ ಕಾರಣ ಪೊಲೀಸರು ಸ್ಥಳಕ್ಕೆ ದಾಳಿ ಮಾಡಿ ಆರೋಪಿಗಳನ್ನು ಬಂಧಿಸಿದ್ದು, ಬಂಧಿತರಿಂದ ಆಟಕ್ಕೆ ಪಣವಾಗಿಟ್ಟಿದ್ದ ನಗದು ವಶಕ್ಕೆ ಪಡೆದುಕೊಂಡಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಈ ಸಂಬಂಧ ಮುಲ್ಕಿ ಪೊಲೀಸರು ಪ್ರಕರಣ ದಾಖಲಿಸಿಕೊಂದ್ದಾರೆ.