ಬಿಹಾರ | ವಿದ್ಯಾರ್ಥಿ ಗುಂಪುಗಳ ಹೊಡೆದಾಟದಲ್ಲಿ ಓರ್ವನ ಸಾವು

ಪಾಟ್ನಾ : ಬಿಹಾರದ ಮುಝಫ್ಫರ್‌ಪುರ ಜಿಲ್ಲೆಯ ಶಾಲೆಯೊಂದರಲ್ಲಿ ವಿದ್ಯಾರ್ಥಿಗಳ ಎರಡು ಗುಂಪುಗಳು ಪರಸ್ಪರ ಹೊಡೆದಾಡಿಕೊಂಡಿದ್ದು, 11ನೇ ತಗರಗತಿಯ ವಿದ್ಯಾರ್ಥಿಯೋರ್ವ ಕೊಲ್ಲಲ್ಪಟ್ಟಿದ್ದಾನೆ.

ತುರ್ಕಿ ಪ್ರೌಢಶಾಲೆಯಲ್ಲಿ ಈ ಘಟನೆ ನಡೆದಿದ್ದು,ಎರಡು ವಿದ್ಯಾರ್ಥಿ ಗುಂಪುಗಳು ಕ್ಷುಲ್ಲಕ ಕಾರಣದಿಂದ ಹೊಡೆದಾಡಿಕೊಂಡಿವೆ. ಒಂದು ಗುಂಪಿನಲ್ಲಿ ಸೌರಭ್ ಕುಮಾರ್ ಮತ್ತು ಆತನ ಗೆಳೆಯರಿದ್ದರೆ, ಆರೋಪಿಗಳು ಇನ್ನೊಂದು ಗುಂಪಿಗೆ ಸೇರಿದ್ದರು. ಹೊಡೆದಾಟದ ವೇಳೆ ಎದುರಾಳಿ ಗುಂಪಿನ ಆರೋಪಿಯೋರ್ವ ಸೌರಭ್ ಕುಮಾರ್ ತಲೆಗೆ ದಪ್ಪ ಬಿದಿರಿನಿಂದ ಹೊಡೆದ ಪರಿಣಾಮ ಆತ ತೀವ್ರವಾಗಿ ಗಾಯಗೊಂಡಿದ್ದ. ತಕ್ಷಣ ಆಸ್ಪತ್ರೆಗೆ ದಾಖಲಿಸಲಾಗಿತ್ತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾನೆ ಎಂದು ಮುಝಫ್ಫರ್‌ಪುರ ಗ್ರಾಮೀಣ ಎಸ್‌ಪಿ ವಿದ್ಯಾಸಾಗರ್ ತಿಳಿಸಿದರು.