ಉಕ್ರೇನ್ ಯೋಜನೆಗಳನ್ನು ಕಾರ್ಯಗತಗೊಳಿಸುವ ವಿಶ್ವಾಸ: ಪುಟಿನ್‌

ಮಾಸ್ಕೊ: ಉಕ್ರೇನ್ ರಲ್ಲಿ ನಡೆಸಲಾಗುತ್ತಿರುವ ‘‘ವಿಶೇಷ ಸೇನಾ ಕಾರ್ಯಾಚರಣೆ’’ಗೆ ಸಂಬಂಧಿಸಿದ ತನ್ನ ಯೋಜನೆಗಳನ್ನು ಕಾರ್ಯಗತಗೊಳಿಸುವ ಬಗ್ಗೆ ರಶ್ಯ ವಿಶ್ವಾಸ ಹೊಂದಿದೆ ಎಂದು ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ರವಿವಾರ ಹೇಳಿದ್ದಾರೆ.

ಸರಕಾರಿ ಟೆಲಿವಿಶನ್ ಗೆ ನೀಡಿದ ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ಈ ನಿಟ್ಟಿನಲ್ಲಿ ತಾನು ರಕ್ಷಣಾ ಸಚಿವಾಲಯದೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದೇನೆ ಎಂದು ಹೇಳಿದರು.

ಪುಟಿನ್ ಕ್ರೆಮ್ಲಿನ್ ವರದಿಗಾರ ಪವೆಲ್ ಝರುಬಿನ್ ಗೆ ನೀಡಿರುವ ಸಂದರ್ಶನವು ರಶ್ಯ ಸರಕಾರಿ ಟೆಲಿವಿಶನ್ ನಲ್ಲಿ ಪ್ರಸಾರವಾಯಿತು.