ʼಧೂಮ್ʼ ನಿರ್ದೇಶಕ ಸಂಜಯ್ ಗಧ್ವಿ ನಿಧನ

ಮುಂಬೈ : ʼಧೂಮ್ʼ ಸರಣಿಯ ಚಿತ್ರಗಳಿಂದ ಹೆಸರು ಮಾಡಿದ್ದ ಚಲನಚಿತ್ರ ನಿರ್ದೇಶಕ ಸಂಜಯ್ ಗಧ್ವಿ ನಿಧನರಾದರು. ಅವರಿಗೆ 57 ವರ್ಷ ವಯಸ್ಸಾಗಿತ್ತು.

ಲೋಖಂಡವಾಲಾದಲ್ಲಿ ಬೆಳಗ್ಗೆ ವಾಕಿಂಗ್ ತೆರಳುತ್ತಿದ್ದಾಗ ಸಂಜಯ್ ಅವರಿಗೆ ಎದೆನೋವು ಕಾಣಿಸಿಕೊಂಡಿತು. ತೀವ್ರವಾಗಿ ಬೆವರುತ್ತಿದ್ದ ಅವರನ್ನು ತಕ್ಷಣವೇ ಕೋಕಿಲಾಬೆನ್ ಅಂಬಾನಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ಅವರು ಮೃತಪಟ್ಟಿದ್ದಾರೆ ಎಂದು ವೈದ್ಯರು ಘೋಷಿಸಿದರು ಎಂದು ತಿಳಿದು ಬಂದಿದೆ.

2000 ರಲ್ಲಿ ತೇರೆ ಲಿಯೆ ಚಿತ್ರದ ಮೂಲಕ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡಿದ್ದ ಸಂಜಯ್ ಗಧ್ವಿ ಅವರು 2004 ರಲ್ಲಿ ಧೂಮ್ ಮತ್ತು 2006 ರಲ್ಲಿ ಧೂಮ್ 2 ಅನ್ನು ನಿರ್ದೇಶಿಸಿದ್ದರು. ʼಆಪರೇಷನ್ ಪರಿಂದೆʼ ಯೊಂದಿಗೆ 2020 ರಲ್ಲಿ OTT ಗೆ ಅವರು ಪಾದಾರ್ಪಣೆ ಮಾಡಿದ್ದರು.