ತಮಿಳುನಾಡು| ಪಟಾಕಿ ತಯಾರಿಕಾ ಘಟಕದಲ್ಲಿ ಸ್ಫೋಟ: ನಾಲ್ವರು ಮೃತ್ಯು

ವಿರುಧುನಗರ: ಶನಿವಾರ ಪಟಾಕಿ ತಯಾರಿಕಾ ಘಟಕದಲ್ಲಿ ಸಂಭವಿಸಿರುವ ಸ್ಫೋಟದಲ್ಲಿ ನಾಲ್ವರು ಕಾರ್ಮಿಕರು ಮೃತಪಟ್ಟಿರುವ ಘಟನೆ ತಮಿಳುನಾಡಿನ ವಿರುಧನಗರ ಜಿಲ್ಲೆಯಲ್ಲಿ ನಡೆದಿದೆ.

ಬಂಡುವರ್ಪಟ್ಟಿ ಗ್ರಾಮದಲ್ಲಿರುವ ಗುರು ಸ್ಟಾರ್ ಫೈರ್‌ವರ್ಕ್ಸ್ ಘಟಕದಲ್ಲಿ ಈ ಸ್ಫೋಟ ಸಂಭವಿಸಿದೆ.

ಸತ್ತೂರಿನ ಅಚಂಕುಲಂ ಗ್ರಾಮದ ಸಗದೇವನ್ ಎಂಬುವವರು ಈ ಘಟಕದ ಮಾಲಕತ್ವ ಹೊಂದಿದ್ದರು ಎಂದು ಹೇಳಲಾಗಿದೆ.

ಜಿಲ್ಲಾ ಕಂದಾಯಾಧಿಕಾರಿಯಿಂದ ಪರವಾನಗಿ ಪಡೆದಿದ್ದ ಈ ಪಟಾಕಿ ತಯಾರಿಕಾ ಘಟಕದಲ್ಲಿ ಸುಮಾರು ಹತ್ತು ಶೆಡ್‌ಗಳಿದ್ದವು ಎನ್ನಲಾಗಿದೆ.