ʼಮ್ಯಾಟ್ರಿಮೋನಿʼ ಮೂಲಕ ಪರಿಚಯ ಮಾಡಿಕೊಂಡು 20 ಮಹಿಳೆಯರಿಗೆ ವಂಚನೆ: ಐಐಎಂ ಪದವೀಧರನ ಬಂಧನ

ಹೊಸದಿಲ್ಲಿ: ರಾಷ್ಟ್ರರಾಜಧಾನಿ ದಿಲ್ಲಿಯಲ್ಲಿ 20ಕ್ಕೂ ಹೆಚ್ಚು ಮಹಿಳೆಯರಿಗೆ ಪ್ರೀತಿಯ ಹೆಸರಿಲ್ಲಿ ಮೋಸ, ದುಬಾರಿ ವಸ್ತುಗಳನ್ನು ಸುಲಿಗೆ ಮಾಡಿ ಪರಾರಿಯಾಗುತ್ತಿದ್ದ ಆರೋಪಿ ಕೊನೆಗೂ ಪೊಲೀಸರ ಬಲೆಗೆ ಬಿದ್ದಿದ್ದಾನೆ.

ರಾಹುಲ್ ಚತುರ್ವೇದಿ ಬಂಧಿತ ಆರೋಪಿ. ಐಐಎಂ ಪದವೀಧರನಾಗಿರುವ ಈತನನ್ನು ಬಿಸ್ರಖ್ ಪೊಲೀಸರು ಬಂಧಿಸಿದ್ದಾರೆ.

ಲಕ್ನೋ ನಿವಾಸಿಯಾಗಿರುವ ರಾಹುಲ್ ಚತುರ್ವೇದಿ ತನ್ನ ವಂಚನೆಯ ಜಾಲಕ್ಕೆ ಮಹಿಳೆಯರನ್ನು ಬೀಳಿಸಿದ ನಂತರ ಅವರಿಂದ ಹಣ ಮತ್ತು ದುಬಾರಿ ವಸ್ತುಗಳನ್ನು ಸುಲಿಗೆ ಮಾಡುತ್ತಿದ್ದ ಎನ್ನುವುದು ತನಿಖೆಯಿಂದ ಬಯಲಾಗಿದೆ.

ರಾಹುಲ್ ಚತುರ್ವೇದಿ ಮ್ಯಾಟ್ರಿಮೋನಿ ಸೈಟ್ಗಳಾದ 'Jeevansathi.com' ಮತ್ತು 'Better Half' ನಲ್ಲಿ ವಿವಿಧ ಹೆಸರುಗಳಲ್ಲಿ ನಕಲಿ ಪ್ರೊಫೈಲ್ ಗಳನ್ನು ರಚಿಸಿದ್ದಾನೆ. ಈ ಖಾತೆಗಳ ಮೂಲಕ ಆತ ಮಹಿಳೆಯರನ್ನು ಪರಿಚಯ ಮಾಡಿಕೊಳ್ಳುತ್ತಿದ್ದ.

Rahul Chaturvedi is passed out from IIM Bangalore. He has been a regional manager at Wipro company.

Current business: Made a profile on a matrimonial site and befriended 17 women aged 35 years and duped them by promising marriage. pic.twitter.com/P10mQTxcB1 https://t.co/MdG6CGkXMQ

— زماں (@Delhiite_) September 24, 2024

Aug 04, 2024: Odisha Man Satyajit Mana Govind Samal (34) Who Married 5, Dated 49 Women for Money, Arrested.

- Accused youth fell in the Police Trap after a lady inspector posed herself as prospective bride.
- used to fly to Dubai after duping women to avoid arrest. https://t.co/cjM9bninma pic.twitter.com/EnTzj7x2sM

— زماں (@Delhiite_) September 14, 2024

ಮಹಿಳೆಯರನ್ನು ಪರಿಚಯ ಮಾಡಿಕೊಂಡು ಅವರ ಪೋನ್ ನಂಬರ್ ತೆಗೆದುಕೊಳ್ಳುತ್ತಿದ್ದ. ಬಳಿಕ ಕರೆ ಮಾಡಿ ಪ್ರೇಮದ ನಾಟಕವಾಡಿ ಮದುವೆಯಾಗುವ ಭರವಸೆ ನೀಡುತ್ತಿದ್ದ. ಕೊನೆಗೆ ಮಹಿಳೆಯರಿಂದ ಹಣ, ಐಫೋನ್ ಸೇರಿದಂತೆ ಬೆಲೆ ಬಾಳುವ ಮೊಬೈಲ್ ಫೋನ್ ಗಳು, ದುಬಾರಿ ವಸ್ತುಗಳನ್ನು ಸುಲಿಗೆ ಮಾಡಿ ನಂಬರ್ ಬ್ಲಾಕ್ ಮಾಡುತ್ತಿದ್ದ ಎನ್ನವುದು ತನಿಖೆಯ ವೇಳೆ ಬಯಲಾಗಿದೆ.

ಚತುರ್ವೇದಿ ತನಗೆ 2 ಲಕ್ಷ ರೂ. ವಂಚಿಸಿದ್ದಾನೆ ಮತ್ತು ನನ್ನ ಐಫೋನ್ ತೆಗೆದುಕೊಂಡು ಪರಾರಿಯಾಗಿದ್ದಾನೆಂದು ಸಂತ್ರಸ್ತೆ ಮಹಿಳೆಯೋರ್ವರು ಬಿಸ್ರಖ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ದೂರನ್ನು ಆಧರಿಸಿ ಪೊಲೀಸರು ಚತುರ್ವೇದಿಯನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ, ಈ ವೇಳೆ ತಾನು 20 ಮಹಿಳೆಯರಿಗೆ ವಂಚಿಸಿರುವುದಾಗಿ ಬಾಯ್ಬಿಟ್ಟಿದ್ದಾನೆ. ತಾನು ವಿಪ್ರೋ ಕಂಪೆನಿಯಲ್ಲಿ ಉನ್ನತ ಹುದ್ದೆಯಲ್ಲಿದ್ದೇನೆಂದು ಸುಳ್ಳು ಹೇಳುತ್ತಿದ್ದ ಈತ ವಿಪ್ರೊ ಕಂಪನಿಯ ನಕಲಿ ಸ್ಯಾಲರಿ ಚೀಟಿಗಳನ್ನು ಕೂಡ ಸೃಷ್ಟಿಸಿದ್ದ.

ಮಹಿಳೆಯರಿಗೆ ವಂಚಿಸಿದ ಬಳಿಕ ಅವರ ಮೊಬೈಲ್ ನಂಬರ್ ಗಳನ್ನು ಬ್ಲಾಕ್ ಮಾಡಿ ಪರಾರಿಯಾಗುತ್ತಿದ್ದ ರಾಹುಲ್ ಚತುರ್ವೇದಿ 35ರ ಹರೆಯದ ಮಹಿಳೆಯರನ್ನು ಹೆಚ್ಚಾಗಿ ಗುರಿ ಮಾಡುತ್ತಿದ್ದ ಎನ್ನುವುದು ತನಿಖೆಯ ವೇಳೆ ಬಯಲಾಗಿದೆ.