ಬಿಜೆಪಿ ಸಂಸದರ 'ಭಾರತ್‌ ಮಾತಾ ಕಿ ಜೈ' ಘೋಷಣೆಗಳ ನಡುವೆ ಲೋಕಸಭೆ ಪ್ರವೇಶಿಸಿದ ಪ್ರಧಾನಿ ಮೋದಿ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಇಂದು ಲೋಕಸಭೆಗೆ ಬಿಜೆಪಿ ಸಂಸದರ “ಭಾರತ್‌ ಮಾತಾ ಕಿ ಜೈ” ಘೋಷಣೆಗಳ ನಡುವೆ ಆಗಮಿಸಿದರು. ಸರ್ಕಾರದ ವಿರುದ್ಧದ ಅವಿಶ್ವಾಸ ನಿರ್ಣಯದ ಮೇಲಿನ ಚರ್ಚೆಗಳು ನಡೆಯುತ್ತಿರುವಂತೆಯೇ ಈ ಬೆಳವಣಿಗೆ ನಡೆದಿದೆ.

ಪ್ರಧಾನಿ ಮೋದಿ ಇಷ್ಟು ದಿನಗಳ ಕಾಲ ಸಂಸತ್ತಿಗೆ ಆಗಮಿಸದೇ ಇರುವುದಕ್ಕೆ ಕಾಂಗ್ರೆಸ್‌ ನಾಯಕ ಅಧೀರ್‌ ರಂಜನ್‌ ಚೌಧುರಿ ಆಕ್ಷೇಪಿಸಿ ಪ್ರಧಾನಿಯನ್ನು ಟೀಕಿಸಿದರಲ್ಲದೆ ವಿಪಕ್ಷದ ಅವಿಶ್ವಾಸ ನಿರ್ಣಯವೇ ಪ್ರಧಾನಿಗೆ ಅನಿವಾರ್ಯವಾಗಿ ಲೋಕಸಭೆಗೆ ಬರುವಂತೆ ಮಾಡಿತು ಎಂದರು.