250ಗ್ರಾಂ ಆಲೂಗಡ್ಡೆ ಕಳ್ಳತನವಾಗಿದೆಯೆಂದು ಪೊಲೀಸರಿಗೆ ದೂರು!

ಲಕ್ನೋ : ನನ್ನ ಮನೆಯಿಂದ 250 ಗ್ರಾಂ ಆಲೂಗಡ್ಡೆ ಕಳ್ಳತನವಾಗಿದೆಯೆಂದು ಪೊಲೀಸ್ ಸಹಾಯವಾಣಿಗೆ ಕರೆಮಾಡಿ ವ್ಯಕ್ತಿಯೋರ್ವ ದೂರು ನೀಡಿದ್ದು, ಈ ಕುರಿತು ವಿಡಿಯೋ ವೈರಲ್ ಆಗಿದೆ.

ಕೊತ್ವಾಲಿ ನಗರದ ಮನ್ನಾಪುರ ನಿವಾಸಿ ವಿಜಯ್ ವರ್ಮಾ ಎಂಬ ವ್ಯಕ್ತಿ ಕಳ್ಳತನದ ಬಗ್ಗೆ ಪೊಲೀಸ್ ಸಹಾಯವಾಣಿಗೆ ಕರೆ ಮಾಡಿ ದೂರು ನೀಡಿದ್ದಾನೆ. ಪೊಲೀಸರು ಸ್ಥಳಕ್ಕೆ ಬಂದಾಗ 250 ಗ್ರಾಂ ಆಲೂಗಡ್ಡೆ ಕಳ್ಳತನ ಮಾಡಲಾಗಿದೆ. ಅಡುಗೆಗಾಗಿ ಅಲೂಗಡ್ಡೆಯನ್ನು ಪಕ್ಕಕ್ಕೆ ಇಟ್ಟಿದ್ದೆ. ಆದರೆ ಅದು ಕಾಣೆಯಾಗಿದೆ ಎಂದು ದೂರು ನೀಡಿದ್ದಾನೆ. ಈ ಬಗ್ಗೆ ಯಾರಲ್ಲಾದರೂ ಸಂಶಯ ಇದೆಯಾ ಎಂದು ಪೊಲೀಸರು ಕೇಳಿದಾಗ ಅದನ್ನು ನೀವೇ ಪತ್ತೆ ಹಚ್ಚಬೇಕೆಂದು ದೂರುದಾರ ಹೇಳಿದ್ದಾರೆ.

ಪೋಲೀಸರು ಈ ಕುರಿತು ವಿಡಿಯೋವನ್ನು ರೆಕಾರ್ಡ್ ಮಾಡಿದ್ದು, ವಿಡಿಯೋದಲ್ಲಿ ಸಹಾಯವಾಣಿಗೆ ಕರೆ ಮಾಡಿರುವ ನಿರ್ಧಾರವನ್ನು ವಿಜಯ್ ವರ್ಮಾ ಸಮರ್ಥಿಸಿಕೊಂಡಿದ್ದಾರೆ. ಇಲ್ಲಿ ಸಮಸ್ಯೆ ನಾನು ಮದ್ಯಪಾನ ಮಾಡಿರುವುದಲ್ಲ. ಅಪರೂಪಕ್ಕೆ ನಾನು ಮದ್ಯಪಾನ ಮಾಡಿದ್ದೇನೆ. ಆದರೆ, ಇಲ್ಲಿನ ವಿಷಯ ಅದಲ್ಲ, ಆಲೂಗಡ್ಡೆಯನ್ನು ಪತ್ತೆ ಹಚ್ಚಬೇಕೆಂದು ಹೇಳಿದ್ದಾರೆ.

ಈ ವೀಡಿಯೋ ವೈರಲ್ ಆಗುತ್ತಿದ್ದಂತೆ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಟ್ರೋಲ್ ಗೆ ಒಳಗಾಗಿದೆ.