FACT-CHECK| ವೈರಲ್ ದೃಶ್ಯಗಳು ಯುಎಸ್ ಗಡೀಪಾರು ಮಾಡಿದ ಭಾರತೀಯರನ್ನು ತೋರಿಸುವುದಿಲ್ಲ

ಫ್ಯಾಕ್ಟ್ ಚೆಕ್ಸ್ : ತೀರ್ಪು (ಸಂದರ್ಭದಿಂದ ಹೊರಗಿಡಲಾಗಿದೆ)

ಭಾರತಕ್ಕೆ ವಿಮಾನವು ಹೊರಡುವ ಒಂದು ವಾರದ ಮೊದಲು ದೃಶ್ಯಗಳನ್ನು ಸೆರೆಹಿಡಿಯಲಾಗಿದೆ. ಜನರನ್ನು ಭಾರತಕ್ಕೆ ಅಲ್ಲ, ಗ್ವಾಟೆಮಾಲಾ ಮತ್ತು ಮೆಕ್ಸಿಕೋಗೆ ಕಳುಹುಸಿದ್ದನ್ನು ತೋರಿಸುತ್ತದೆ.

ಹೇಳಿಕೆ ಏನು?

ಜನರು ತಮ್ಮ ಕೈ ಹಾಗು ಕಾಲುಗಳನ್ನು ಕಟ್ಟಿದ್ದು ಮತ್ತು ಮುಖಕ್ಕೆ ಮಾಸ್ಕಗಳನ್ನು ಧರಿಸಿ ವಿಮಾನವನ್ನು ಹತ್ತುತ್ತಿರುವ ದೃಶ್ಯಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದೆ, ಇದು ಯುನೈಟೆಡ್ ಸ್ಟೇಟ್ಸ್‌ನಿಂದ ಗಡೀಪಾರು ಮಾಡಿದ ಭಾರತೀಯ ವಲಸಿಗರನ್ನು ತೋರಿಸುತ್ತದೆ ಎಂದು ಹೇಳಿಕೊಳ್ಳಲಾಗಿದೆ.

ವಲಸಿಗರನ್ನು ಮರಳಿ ಕರೆತಂದಿರುವ "ಅಮಾನವೀಯ" ಮಾರ್ಗಕ್ಕಾಗಿ ಭಾರತ ಸರ್ಕಾರವನ್ನು ಟೀಕಿಸುವ ಮೂಲಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಜನರನ್ನು ವಿಮಾನಕ್ಕೆ ಕರೆದೊಯ್ಯುವ ಮತ್ತು ಅವರ ಕೈ ಮತ್ತು ಕಾಲುಗಳನ್ನು ಕಟ್ಟಿ ಒಳಗೆ ಕುಳಿತಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.

ಸಮಾಜವಾದಿ ಪಕ್ಷದ ನಾಯಕ ಐಪಿ ಸಿಂಗ್ ಅವರು ತಮ್ಮ ಎಕ್ಸ್ ಖಾತೆಯಲ್ಲಿ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಫ್ಲೈಟ್ ಹತ್ತುವ ಈ ವೀಡಿಯೋವನ್ನು ಹಿಂದಿ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ, “ಪ್ರಧಾನಿ ಮೋದಿ ಅವರು 56 ಇಂಚಿನ ಎದೆ (ಧೈರ್ಯ ಎಂದರ್ಥ) ಹೊಂದಿದ್ದರೆ ಅವರ ಯುಎಸ್ ಭೇಟಿಯನ್ನು ಮುಂದೂಡಬೇಕು. ಕೈಕೋಳ, ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ತಲೆ ತಗ್ಗಿಸಿದ ಭಾರತೀಯರನ್ನು ಅಮೆರಿಕ ದೇಶದಿಂದ ಹೊರಹಾಕಿದೆ. ಮೋದಿ ಜಿ ಕನಿಷ್ಠ ಟ್ರಂಪ್ ಅವರೊಂದಿಗೆ ಮಾತನಾಡಬಹುದಿತ್ತು, ಇದರಿಂದಾಗಿ ಅವರ ನಾಗರಿಕರನ್ನು ಗೌರವದಿಂದ ಭಾರತಕ್ಕೆ ಕಳುಹಿಸಬಹುದು."

ಎಕ್ಸ್ ನಲ್ಲಿ ಹಂಚಿಕೊಳ್ಳಲಾದ ಅದೇ ರೀತಿಯ ಪೋಷ್ಟ್ ಗಳ ಆರ್ಕೈವ್ ಮಾಡಿದ ಆವೃತ್ತಿಗಳನ್ನು ಇಲ್ಲಿ, ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ವೀಕ್ಷಿಸಬಹುದು.

ಕಾಂಗ್ರೆಸ್ ನಾಯಕ ಪೃಥ್ವಿರಾಜ್ ಸಾಠೆ ಅವರು ತಮ್ಮ ಎಕ್ಸ್ ಖಾತೆಯಲ್ಲಿ ಎರಡು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ - ಒಂದು ವಿಮಾನದ ಒಳಗೆ ಜನರು ಕುಳಿತಿರುವುದನ್ನು ಮತ್ತು ಇನ್ನೊಂದು ಜನರು ಒಬ್ಬರ ಹಿಂದೆ ಒಬ್ಬರು ನಡೆಯುತ್ತಿರುವುದನ್ನು ತೋರಿಸುತ್ತದೆ. ಅದರ ಶೀರ್ಷಿಕೆ ಹೀಗಿದೆ, "200 ಕ್ಕೂ ಹೆಚ್ಚು ಭಾರತೀಯರನ್ನು ಅತ್ಯಂತ ಅಮಾನವೀಯ ರೀತಿಯಲ್ಲಿ ಅಮೇರಿಕಾದಿಂದ ಗಡೀಪಾರು ಮಾಡಲಾಗಿದೆ - ಕೈಕೋಳ, ಕಾಲಿಗೆ ಸರಪಳಿ, ಅಪರಾಧಿಗಳಂತೆ ನಡೆಸಿಕೊಳ್ಳಲಾಗಿದೆ. ದೀರ್ಘಾವಧಿಯ ವಿಮಾನಕ್ಕಾಗಿ ಒಂದು ಶೌಚಾಲಯ! @ಆಡಿSಎಚಿishಚಿಟಿಞಚಿಡಿ ಮೋದಿ ಸರ್ಕಾರಕ್ಕೆ ಕನಿಷ್ಠ ತನ್ನ ಸ್ವಂತ ನಾಗರಿಕರಿಗೆ ಗೌರವಾನ್ವಿತ ಸಾರಿಗೆ ವ್ಯವಸ್ಥೆ ಮಾಡಲು ಸಾಧ್ಯವಾಗಲಿಲ್ಲವೇ? ಜಾಗತಿಕ 'ವಿಶ್ವಗುರು' ಅಥವಾ ಜಾಗತಿಕ ಅವಮಾನ?" ಈ ಪೋಷ್ಟ್ ನ ಆರ್ಕೈವ್ ಅನ್ನು ಇಲ್ಲಿ ನೋಡಬಹುದು.

ಈ ದೃಶ್ಯಗಳನ್ನು ಇದೇ ರೀತಿಯ ಹೇಳಿಕೆಯೊಂದಿಗೆ ಇತರ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಆರ್ಕೈವ್ ಮಾಡಿದ ಆವೃತ್ತಿಗಳು ಇಲ್ಲಿ, ಇಲ್ಲಿ, ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ಲಭ್ಯವಿದೆ.

ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿರುವ ವೈರಲ್ ಪೋಷ್ಟ್ ಗಳ ಸ್ಕ್ರೀನ್‌ಶಾಟ್. (ಮೂಲ: ಎಕ್ಸ್/ಸ್ಕ್ರೀನ್‌ಶಾಟ್/ಲಾಜಿಕಲಿ ಫ್ಯಾಕ್ಟ್ಸ್‌ನಿಂದ ಮಾರ್ಪಡಿಸಲಾಗಿದೆ)

ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಧಿಕಾರ ವಹಿಸಿಕೊಂಡು, ವಲಸೆಯ ಮೇಲೆ ದಮನವನ್ನು ಪ್ರಾರಂಭಿಸಿದ ಸ್ವಲ್ಪ ಸಮಯದ ನಂತರ ಯುಎಸ್ ದಾಖಲೆರಹಿತ ವಲಸಿಗರನ್ನು ಗಡೀಪಾರು ಮಾಡಲು ಪ್ರಾರಂಭಿಸಿದಾಗ ಈ ಹೇಳಿಕೆ ಹೊರಹೊಮ್ಮಿದೆ. ಸಾಮೂಹಿಕ ಗಡೀಪಾರುಗಳ ಭಾಗವಾಗಿ, ಸುಮಾರು 104 ಭಾರತೀಯ ಪ್ರಜೆಗಳನ್ನು ಹೊತ್ತ ವಿಮಾನವು ಫೆಬ್ರವರಿ 4 ರಂದು ಟೆಕ್ಸಾಸ್‌ನಿಂದ ಹೊರಟು ಫೆಬ್ರವರಿ 5 ರಂದು ಭಾರತಕ್ಕೆ ಆಗಮಿಸಿತು.

ಆದರೆ, ಈ ದೃಶ್ಯಗಳಲ್ಲಿ ಕಂಡುಬರುವ ಜನರು ಯುಎಸ್‌ನಿಂದ ಗಡೀಪಾರು ಮಾಡಲಾದ ದಾಖಲೆರಹಿತ ಭಾರತೀಯರಲ್ಲ, ಈ ಎರಡೂ ದೃಶ್ಯಗಳು ಭಾರತೀಯರ ಗಡೀಪಾರು ಮಾಡುವ ಹಿಂದಿನದು ಎಂದು ನಾವು ಕಂಡುಕೊಂಡಿದ್ದೇವೆ.

ನಾವು ಏನು ಕಂಡುಕೊಂಡಿದ್ದೇವೆ?

ವಿಮಾನ ಹತ್ತುವ ಜನರ ವೀಡಿಯೋ

ವೈರಲ್ ವೀಡಿಯೋದ ರಿವರ್ಸ್ ಇಮೇಜ್ ಸರ್ಚ್, ಜನರು ಒಂದೊಂದಾಗಿ ತಮ್ಮ ಕೈಗಳನ್ನು ಕಟ್ಟಿಕೊಂಡು ಬರುತ್ತಿರುವುದನ್ನು ತೋರಿಸುತ್ತದೆ, ಇದು ಜನವರಿ 28, 2025 ರಂದು ದಿ ಇಂಡಿಪೆಂಡೆಂಟ್ ಪ್ರಕಟಿಸಿದ ವರದಿಗೆ ಕರೆದೊಯಿತು. ಈ ವರದಿಯಲ್ಲಿನ ವೀಡಿಯೋ ವೈರಲ್ ವೀಡಿಯೋದ ಫ್ರೇಮ್ ಗಳಿಗೆ ಹೊಂದಿಕೆಯಾಗುತ್ತದೆ. ಯು.ಎಸ್. ಕಸ್ಟಮ್ಸ್ ಮತ್ತು ಗಡಿ ಸಂರಕ್ಷಣೆಯೊಂದಿಗೆ ಸಮನ್ವಯಗೊಂಡ ಕಾರ್ಯಾಚರಣೆಯ ಭಾಗವಾಗಿ ಅಧಿಕಾರಿಗಳು ಜನವರಿ 23 ರಂದು ಟೆಕ್ಸಾಸ್‌ನ ಫೋರ್ಟ್ ಬ್ಲಿಸ್‌ನಲ್ಲಿ ಸಿ -17 ಗ್ಲೋಬ್‌ಮಾಸ್ಟರ್ III ಗೆ ಗುಂಪನ್ನು ಕರೆದೊಯ್ದರು ಎಂದು ಇಂಡಿಪೆಂಡೆಂಟ್ ವರದಿ ಮಾಡಿದೆ.

ವೈರಲ್ ಕ್ಲಿಪ್ ಮತ್ತು ದಿ ಇಂಡಿಪೆಂಡೆಂಟ್ ಹಂಚಿಕೊಂಡ ವೀಡಿಯೋ ನಡುವಿನ ಹೋಲಿಕೆ. (ಮೂಲ: ಎಕ್ಸ್ /ದಿ ಇಂಡಿಪೆಂಡೆಂಟ್)

CNBC-e (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಮತ್ತು WKYC ಚಾನೆಲ್ 3 (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಸೇರಿದಂತೆ ಹಲವು ಸುದ್ದಿವಾಹಿನಿಗಳು ಜನವರಿ ೨೮ ಮತ್ತು ೩೦ ರಂದು ವೀಡಿಯೋವನ್ನು ಪ್ರಕಟಿಸಿದವು. WKYC ಚಾನೆಲ್ 3 ನ ವಿವರಣೆಯು ವೀಡಿಯೋವನ್ನು ಜನವರಿ ೨೩ ರಂದು ಚಿತ್ರೀಕರಿಸಲಾಗಿದೆ ಮತ್ತು ಟೆಕ್ಸಾಸ್‌ನ ಫೋರ್ಟ್ ಬ್ಲಿಸ್‌ನಲ್ಲಿ ಗಡೀಪಾರು ಕಾರ್ಯಾಚರಣೆಯನ್ನು ಸೆರೆಹಿಡಿಯಲಾಗಿದೆ ಎಂದು ಹೇಳಿದೆ.

ಸಿಎನ್‌ಎನ್‌ನಿಂದ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ವೀಡಿಯೋ ವರದಿಯನ್ನು ನಾವು ಕಂಡುಕೊಂಡಿದ್ದೇವೆ, ಅದು ಇದೇ ರೀತಿಯ ದೃಶ್ಯಗಳನ್ನು ಪ್ರಕಟಿಸಿದೆ, ಅವುಗಳನ್ನು ವೈಟ್ ಹೌಸ್ ಪ್ರೆಸ್ ಸೆಕ್ರೆಟರಿ ಕರೋಲಿನ್ ಲೀವಿಟ್ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಗೆ ಕ್ರೆಡಿಟ್ ನೀಡಲಾಗಿದೆ. ಡಿಪಾರ್ಟ್‌ಮೆಂಟ್ ಆಫ್ ಹೋಮ್‌ಲ್ಯಾಂಡ್ ಸೆಕ್ಯುರಿಟಿಯನ್ನು ಉಲ್ಲೇಖಿಸಿ, ಜನವರಿ ೨೩ ರ ಮಧ್ಯಾಹ್ನ ೭೦ ರಿಂದ ೮೦ ಗ್ವಾಟೆಮಾಲನ್ನರನ್ನು ಹೊತ್ತ ಮಿಲಿಟರಿ ವಿಮಾನವು ಹೊರಟಿದೆ ಎಂದು ವರದಿ ಹೇಳಿದೆ. ವೀಡಿಯೋದಲ್ಲಿ ವರದಿಗಾರ "ಇವರು ಸುಮಾರು ೭೫ ರಿಂದ ೮೦ ಗ್ವಾಟೆಮಾಲನ್ನರು" ಎಂದು ಹೇಳುವುದನ್ನು ಕೇಳಬಹುದು.

ವಿಮಾನದೊಳಗೆ ಕುಳಿತ ಜನರ ಚಿತ್ರ

ವಿಮಾನದೊಳಗೆ ಕುಳಿತಿರುವ ಜನರ ಚಿತ್ರದ ರಿವರ್ಸ್ ಇಮೇಜ್ ಸರ್ಚ್ ನಮ್ಮನ್ನು, ಫೆಬ್ರವರಿ ೧, ೨೦೨೫ ರಂದು ಎಪಿ ನ್ಯೂಸ್ ಪ್ರಕಟಿಸಿದ ವರದಿಯೊಂದಕ್ಕೆ ಕರೆದೊಯಿತು. ವರದಿಯು ವೈರಲ್ ಚಿತ್ರಣವನ್ನು ಒಳಗೊಂಡಿತ್ತು, ಮತ್ತು ಅದರ ಶೀರ್ಷಿಕೆಯು ಫೋರ್ಟ್ ಬ್ಲಿಸ್, ಟೆಕ್ಸಾಸ್‌ನ ಎಲ್ ಪಾಸೊದಲ್ಲಿನ ಸೈನ್ಯದ ನೆಲೆಯಿಂದ ಜನವರಿ ೩೦, ೨೦೨೫ ರಂದು ೮೦ ಜನ ಗಡೀಪಾರು ಆದವರನ್ನು ಹೊತ್ತುಕೊಂಡು ಗ್ವಾಟೆಮಾಲಾಗೆ ತೆರಳಿದ ಮಿಲಿಟರಿ ವಿಮಾನವನ್ನು ತೋರಿಸುತ್ತದೆ ಎಂದು ಹೇಳಿದೆ. ಸುದ್ದಿ ಸಂಸ್ಥೆ ಈ ಚಿತ್ರವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ (ಇಲ್ಲಿ ಸಂಗ್ರಹಿಸಲಾಗಿದೆ) ಜನವರಿ ೩೧, ೨೦೨೫ ರಂದು ಹಂಚಿಕೊಂಡಿದೆ ಎಂದು ನಾವು ಕಂಡುಕೊಂಡಿದ್ದೇವೆ.

ಅದೇ ವೈರಲ್ ಪೋಷ್ಟ್ ನಲ್ಲಿ ಹಂಚಿಕೊಂಡ ಎರಡನೆಯ ಚಿತ್ರವೆಂದರೆ ಜನರು ಒಬ್ಬರ ಹಿಂದೆ ಒಬ್ಬರು ನಡೆಯುವ ಸ್ಕ್ರೀನ್‌ಶಾಟ್. ರಿವರ್ಸ್ ಇಮೇಜ್ ಸರ್ಚ್, ಜನವರಿ ೨೯, ೨೦೨೫ ರಂದು ಟಿಕ್ ಟಾಕ್ (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ನಲ್ಲಿ ಹಂಚಿಕೊಂಡ ವೀಡಿಯೋಗೆ ನಮ್ಮನ್ನು ಕರೆದೊಯ್ಯಿತು, ಶೀರ್ಷಿಕೆ: “ಇಂದು ಹಿಡಾಲ್ಗೊ ಸೇತುವೆಯಲ್ಲಿ (ಅನುವಾದಿಸಲಾಗಿದೆ).”

ಹೆಚ್ಚುವರಿಯಾಗಿ, ಕೀವರ್ಡ್ ಸರ್ಚ್, ಸ್ಥಳೀಯ ಸುದ್ದಿ KRGV (ಇಲ್ಲಿ ಆರ್ಕೈವ್ ಮಾಡಲಾಗಿದೆ) ಮತ್ತು ಡೈಲಿ ಮೇಲ್ನಲ್ಲಿನ ವೀಡಿಯೋ ವರದಿಗೆ ನಮ್ಮನ್ನು ಕರೆದೊಯ್ಯಿತು. ವೈರಲ್ ವೀಡಿಯೋ ಮತ್ತು ಈ ವರದಿಗಳಲ್ಲಿ ನಾವು ಅದೇ ಜನರನ್ನು ನೋಡಬಹುದು. ರಾಯಿಟರ್ಸ್‌ನಲ್ಲಿ ಚಿತ್ರ ಗ್ಯಾಲರಿಯನ್ನು ಸಹ ನಾವು ಕಂಡುಕೊಂಡಿದ್ದೇವೆ, ಇದರಲ್ಲಿ KRGV ವೀಡಿಯೋ ವರದಿಯಲ್ಲಿ ಕ್ಯೂನ ಆರಂಭದಲ್ಲಿ ಕಂಡುಬರುವ ಅದೇ ಗುಂಗುರು ಕೂದಲಿನ ವ್ಯಕ್ತಿಯ ಚಿತ್ರವಿದೆ.

ಈ ಜನರನ್ನು ಮೆಕ್ಸಿಕೊಕ್ಕೆ ಗಡೀಪಾರು ಮಾಡಲಾಗಿದೆ ಎಂದು ವರದಿಗಳು ತಿಳಿಸಿವೆ. KRGV ಪ್ರಕಾರ, “ಒಬ್ಬರು ಮೆಕ್ಸಿಕನ್ ಪ್ರಜೆ. ಇತರರು ಗ್ವಾಟೆಮಾಲಾ, ಎಲ್ ಸಾಲ್ವಡಾರ್, ಕ್ಯೂಬಾ ಮತ್ತು ಹೊಂಡುರಾಸ್ ಮೂಲದವರು. ”

ವೈರಲ್ ಕ್ಲಿಪ್, ಟಿಕ್ಟಾಕ್ ವೀಡಿಯೋ ಮತ್ತು KRGV ವರದಿಯ ನಡುವಿನ ಹೋಲಿಕೆ. (ಮೂಲ: ಎಕ್ಸ್/ಟಿಕ್ ಟಾಕ್/KRGV)

ಲಾಜಿಕಲ್ಯ್ ಫ್ಯಾಕ್ಟ್ಸ್, ಈಗ ವೈರಲ್ ದೃಶ್ಯಗಳು ಮತ್ತು ಅವರ ರಾಷ್ಟ್ರೀಯತೆಯಲ್ಲಿ ಕಂಡುಬರುವ ಜನರ ಬಗ್ಗೆ ಸ್ಪಷ್ಟೀಕರಣಕ್ಕಾಗಿ ಯು.ಎಸ್. ರಕ್ಷಣಾ ಇಲಾಖೆಗೆ ಸಂಪರ್ಕಿಸಿದೆ. ನಾವು ಪ್ರತಿಕ್ರಿಯೆಯನ್ನು ಸ್ವೀಕರಿಸಿದಾಗ ಮತ್ತು ಕಥೆಯನ್ನು ನವೀಕರಿಸಲಾಗುವುದು.

ಯು.ಎಸ್.ನಿಂದ ಗಡೀಪಾರು ಮಾಡಿದ ಭಾರತೀಯ ವಲಸಿಗರ ಚಿತ್ರಗಳು ಈ ಕಥೆ ಬರೆಯುವ ಸಮಯದಲ್ಲಿ ಸಾರ್ವಜನಿಕವಾಗಿ ಲಭ್ಯವಿಲ್ಲ. ಆದರೆ, ಮೇಲಿನ ಪುರಾವೆಗಳು ವೈರಲ್ ದೃಶ್ಯಗಳು ದಾಖಲೆರಹಿತ ಭಾರತೀಯ ವಲಸಿಗರನ್ನು ಯು.ಎಸ್.ನಿಂದ ಗಡೀಪಾರು ಮಾಡುವುದನ್ನು ಚಿತ್ರಿಸುವುದಿಲ್ಲ ಎಂದು ಸೂಚಿಸುತ್ತದೆ.

(ತಿದ್ದುಪಡಿ: 205 ವಲಸಿಗರನ್ನು ಯುಎಸ್ ನಿಂದ ಗಡೀಪಾರು ಮಾಡಲಾಗುತ್ತಿದೆ ಎಂದು ಹಿಂದಿನ ಆವೃತ್ತಿಯು ವರದಿ ಮಾಡಿತ್ತು, ಪಾರ್ಲಿಮೆಂಟ್‌ನಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್. ಜೈಶಂಕರ್ ನೀಡಿದ ಹೇಳಿಕೆಯ ನಂತರ ಪ್ಯಾರಾಗ್ರಾಫ್ ಏಳರಲ್ಲಿನ ಉಲ್ಲೇಖವನ್ನು 104 ಕ್ಕೆ ಬದಲಾಯಿಸಲಾಗಿದೆ.)

ಈ ಲೇಖನವನ್ನು ಮೊದಲು logicallyfacts.com ಪ್ರಕಟಿಸಿದೆ. ʼಶಕ್ತಿ ಕಲೆಕ್ಟಿವ್‌ʼನ ಭಾಗವಾಗಿ ವಾರ್ತಾ ಭಾರತಿ ಪ್ರಕಟಿಸಿದೆ.