ಮಣಿಪುರದಲ್ಲಿ ಪೋಲಿಸರು ಮತ್ತು ಉಗ್ರರ ನಡುವೆ ಗುಂಡಿನ ಕಾಳಗ

ಇಂಫಾಲ: ಭಾರತ-ಮ್ಯಾನ್ಮಾರ್ ಗಡಿಯಲ್ಲಿರುವ ಮೋರೆ ಪಟ್ಟಣದಲ್ಲಿ ಸೋಮವಾರ ಬೆಳಿಗ್ಗೆ ಮಣಿಪುರ ಪೋಲಿಸರು ಮತ್ತು ಉಗ್ರಗಾಮಿಗಳ ನಡುವೆ ಹೊಸದಾಗಿ ಗುಂಡಿನ ಕಾಳಗ ನಡೆದಿದ್ದು,ಯಾವುದೇ ಸಾವುನೋವು ವರದಿಯಾಗಿಲ್ಲ.

ಭದ್ರತಾ ಪಡೆಗಳು ಮೋರೆ ಪಟ್ಟಣದ ಕೆಲವು ಪ್ರದೇಶಗಳ ಮೂಲಕ ಸಾಗುತ್ತಿದ್ದಾಗ ಉಗ್ರರು ಅವರನ್ನು ಗುರಿಯಾಗಿಟ್ಟುಕೊಂಡು ದಾಳಿ ನಡೆಸಿದ್ದರು. ಈ ಸಂದರ್ಭದಲ್ಲಿ ಅವರು ಮಾರ್ಟರ್ ಶೆಲ್ ಗಳನ್ನು ಬಳಸಿದ್ದರು. ಉಭಯ ಕಡೆಗಳಲ್ಲಿ ಯಾವುದೇ ಸಾವುನೋವು ಸಂಭವಿಸಿಲ್ಲ ಎಂದು ಅಧಿಕಾರಿಗಳು ತಿಳಿಸಿದರು.

ರವಿವಾರ ರಾತ್ರಿ ವಾರ್ಡ್ 7 ಮತ್ತು ಮೋರೆ ಬಝಾರ್ನಲ್ಲಿ ಪೋಲಿಸರು ಮತ್ತು ಉಗ್ರರ ನಡುವೆ ಗುಂಡಿನ ಚಕಮಕಿ ನಡೆದಿತ್ತು. ಉಗ್ರರು ಭದ್ರತಾ ಪಡೆಗಳ ವಿರುದ್ಧ ಬಾಂಬ್ ಗಳನ್ನೂ ಬಳಸಿದ್ದರು ಎಂದರು.