*ನ.8ರ ನಂತರ ಶ್ರೀಮಂತರು
Update: 2016-11-20 18:50 GMT
*ನ.8ರ ನಂತರ ಶ್ರೀಮಂತರು ನಿದ್ದೆ ಕಳೆದುಕೊಂಡಿದ್ದಾರೆ. -ನರೇಂದ್ರ ಮೋದಿ, ಪ್ರಧಾನಿ
ಬಡವರು ಪ್ರಾಣ ಕಳೆದುಕೊಂಡಿದ್ದಾರೆ.
---------------------
ಹಿಲರಿ ಕ್ಲಿಂಟನ್ ಹಗೆ ಸಾಧಿಸುವುದಿಲ ್ಲ -ಡೊನಾಲ್ಡ್ ಟ್ರಂಪ್, ಅಮೆರಿಕ ಚುನಾಯಿತ ಅಧ್ಯಕ್ಷ
ಅಮೆರಿಕದ ವಿರುದ್ಧ ಹಗೆ ಸಾಧಿಸುವುದಕ್ಕೆ ನೀವೇ ಸಾಕು.
---------------------
2022ರ ವೇಳೆಗೆ ಈ ದೇಶದ ಪ್ರತಿಯೊಬ್ಬನೂ ಸ್ವಂತ ಮನೆ ಹೊಂದುವುದು ನಮ್ಮ ಆಶಯ - ನರೇಂದ್ರ ಮೋದಿ, ಪ್ರಧಾನಿ
ಅದಕ್ಕಾಗಿ ಈಗ ಇರುವ ಮನೆಯನ್ನು ದೇಶದ ಪ್ರತಿಯೊಬ್ಬನೂ ತ್ಯಜಿಸಬೇಕೇ?
---------------------
ನೋಟು ನಿಷೇಧದಿಂದ ನನಗೇನು ತೊಂದರೆಯಾಗಿಲ್ಲ -ಆಮಿರ್ ಖಾನ್, ನಟ
ಹೌದೌದು, ತೊಂದರೆಯೆಲ್ಲ ಕಪ್ಪು ಹಣ ಹೊಂದಿರುವ ಶ್ರೀಸಾಮಾನ್ಯರಿಗೆ, ರೈತರಿಗೆ.
---------------------
ಜೀವನದಲ್ಲಿ ಸಕಾರಾತ್ಮಕ ಗುಣಗಳನ್ನು ಬೆಳೆಸಿಕೊಳ್ಳುವುದು ಬಹಳ ಅವಶ್ಯ -ಬಾಬಾ ರಾಮ್‌ದೇವ್, ಯೋಗ ಗುರು
ಪತಂಜಲಿಯಿಂದ ಅದಕ್ಕೂ ಔಷಧಿ ಬಿಡುಗಡೆ ಮಾಡುವ ಆಲೋಚನೆಯೇ?
---------------------
ಕಬಡ್ಡಿ ಯುವಕರಿಗೆ ಪ್ರೋತ್ಸಾಹ ನೀಡುತ್ತದೆ - ಕೆ.ಈಶ್ವರಪ್ಪ, ಬಿಜೆಪಿ ನಾಯಕ
ಯಡಿಯೂರಪ್ಪರ ಜೊತೆಗೆ ನಿಮ್ಮ ಕಬಡ್ಡಿ ಎಲ್ಲಿಯವರೆಗೆ ಬಂತು?
---------------------
ನೋಟು ನಿಷೇಧ ಖಡಕ್ ಚಾ ಇದ್ದಂತೆ -ನರೇಂದ್ರ ಮೋದಿ, ಪ್ರಧಾನಿ
ಚಾ ಎಂದು ಕುಡಿದವರಿಗೆ ವಿಷವೆನ್ನುವುದು ಗೊತ್ತಾಗುವಾಗ ತಡವಾಗಿತ್ತು.
---------------------
ಶೇ.50ರಷ್ಟು ಕಪ್ಪು ಹಣ ಬಿಜೆಪಿಯವರ ಬಳಿ ಇದೆ -ಅರವಿಂದ್ ಕೇಜ್ರಿವಾಲ್, ದಿಲ್ಲಿ ಮುಖ್ಯಮಂತ್ರಿ
ಅವರ ಬಳಿಯೇ ನಿಮ್ಮ ಹಳೆ ನೋಟು ವಿನಿಮಯ ಮಾಡಿಸಿಕೊಳ್ಳಿ.
---------------------
ನಗುತ್ತಿದ್ದ ಪ್ರಧಾನಿ ಮೋದಿ ಈಗ ಅಳುತ್ತಿದ್ದಾರೆ -ರಾಹುಲ್ ಗಾಂಧಿ, ಕಾಂಗ್ರೆಸ್ ಉಪಾಧ್ಯಕ್ಷ
ನೀವೇನು ಮಾಡುತ್ತಿದ್ದೀರಿ ಅದನ್ನು ಹೇಳಿ.
---------------------
ಹಳೆಯ ನೋಟು ರದ್ದತಿ ಪರಿಣಾಮ ಕಾಶ್ಮೀರದಲ್ಲಿ ಗಲಭೆಕೋರರಿಗೆ ನಿರುದ್ಯೋಗ ಎದುರಾಗಿದೆ - ಮನೋಹರ್ ಪಾರಿಕ್ಕರ್, ಕೇಂದ್ರ ಸಚಿವ
ದೇಶದ ಸಣ್ಣ ಗುಡಿಕೈಗಾರಿಕೆಗಳೆಲ್ಲ ಕಾಶ್ಮೀರದ ಗಲಭೆಕೋರರಿಗೆ ಸೇರಿದ್ದು ಅನ್ನುತ್ತೀರಾ?
---------------------
ಕುಮಾರಸ್ವಾಮಿ ಹುಬ್ಬಳ್ಳಿಯಲ್ಲಿ ಮನೆ ಮಾಡುವುದರಿಂದ ಜೆಡಿಎಸ್‌ಗೆ ಆನೆ ಬಲ ಬಂದಂತಾಗಿದೆ - ಎನ್.ಎಚ್.ಕೋನರೆಡ್ಡಿ, ಶಾಸಕ
ಬಹುಶಃ ಆನೆ ಲಾಯವನ್ನೇ ನಿರ್ಮಾಣ ಮಾಡುತ್ತಿರಬೇಕು.
---------------------
ಸರ್ವರಿಗೂ ಸಮ ಪಾಲು, ಸಮ ಬಾಳು ಜೀವನಕ್ಕೆ ಪ್ರಧಾನಿ ಮೋದಿ ವಿಶೇಷ ಕಾನೂನು ತಂದರೆ ಮನೆಯಲ್ಲಿ ಅವರ ಪ್ರತಿಮೆ ಸ್ಥಾಪಿಸಿ ಪೂಜಿಸುತ್ತೇನೆ - ಡಿ.ಜಿ.ಶಾಂತನಗೌಡ, ಕಾಂಗ್ರೆಸ್ ಶಾಸಕ
ಸದ್ಯಕ್ಕೆ ಹೃದಯದೊಳಗಿಟ್ಟು ಪೂಜಿಸುತ್ತಿದ್ದೀರಿ ಎಂದು ಕಾಣುತ್ತದೆ.
---------------------
ಕಾನೂನು ಕೈಗೆತ್ತಿಕೊಳ್ಳುವವರ ವಿರುದ್ಧ ಪೊಲೀಸರು ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳಬೇಕು -ಯು.ಟಿ.ಖಾದರ್, ಸಚಿವ
ಸಚಿವರ ಭಯ ಎನ್ನುತ್ತಿದ್ದಾರೆ ಪೊಲೀಸರು.
---------------------
ಯಾವ ಪಕ್ಷ ಸೇರಬೇಕೆಂಬುದನ್ನು ನಾನು ಇನ್ನಷ್ಟೇ ನಿರ್ಧರಿಸಬೇಕಾಗಿದೆ - ಜಯಪ್ರಕಾಶ್ ಹೆಗ್ಡೆ, ಮಾಜಿ ಸಚಿವ
ನಿಮ್ಮನ್ನು ಸೇರಿಸಿಕೊಳ್ಳುವ ಬಗ್ಗೆ ಬಿಜೆಪಿಯೊಳಗೆ ಭಿನ್ನಾಭಿಪ್ರಾಯವಿರಬೇಕು.
---------------------
ಪ್ರಧಾನಿಗೂ ನನಗೂ ಹೋಲಿಕೆ ಮಾಡುವುದು ಸರಿಯಲ್ಲ - ಮನು ಬಳಿಗಾರ್, ಕಸಾಪ ಅಧ್ಯಕ್ಷ
ಯಾಕೆ, ನಿಮಗೆ ಅವಮಾನವಾಯಿತೆ?
---------------------
ಇಡೀ ಜಗತ್ತು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾಗ ಭಾರತವನ್ನು ಬಚಾವು ಮಾಡಿದ್ದು ಕಪ್ಪು ಹಣ -ಅಖಿಲೇಶ್ ಯಾದವ್, ಉ.ಪ್ರ. ಮುಖ್ಯಮಂತ್ರಿ
ನಿಮ್ಮನ್ನು ಮುಖ್ಯಮಂತ್ರಿ ಮಾಡಿದ್ದು ಕೂಡ.
---------------------
ಭಕ್ತಿ ದೀಕ್ಷೆ ಪಡೆದು ಮದ್ಯ, ಮಾಂಸ ತ್ಯಜಿಸಿದರೆ ಬ್ರಾಹ್ಮಣರಿಗೆ ಸಮ ಎಂದು ಮಧ್ವಾಚಾರ್ಯರು ಹೇಳಿದ್ದಾರೆ -ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ತಮ್ಮ ಪಂಕ್ತಿಯಲ್ಲಿ ಕೂತು ಅವರು ಊಟ ಮಾಡಬಹುದೇ?
---------------------
ನೋಟು ನಿಷೇಧದಿಂದ ಹೆಚ್ಚು ತೊಂದರೆಯಾಗಿದ್ದು ಕಾಂಗ್ರೆಸ್‌ಗೆ - ಆರ್.ಅಶೋಕ್, ಮಾಜಿ ಮುಖ್ಯಮಂತ್ರಿ
ನಿಮಗೂ ಕಡಿಮೆ ತೊಂದರೆ ಆಗಿದೆ ಅಂತಾಯಿತು.
---------------------
ಯಡಿಯೂರಪ್ಪ ಮತ್ತು ನರೇಂದ್ರ ಮೋದಿ ಇಬ್ಬರದ್ದೂ ಹೋರಾಟದ ಬದುಕು -ಭಾರತಿ ಶಟ್ಟಿ, ರಾಜ್ಯ ಬಿಜೆಪಿ ಮಹಿಳಾ ಮೋರ್ಚಾದ ಅಧ್ಯಕ್ಷೆ
ಮುಖ್ಯವಾಗಿ ಮಹಿಳೆಯ ಜೊತೆಗಿನ ಹೋರಾಟ.
---------------------
ಭಾರತ ವಿಶ್ವದ ನಂ.1 ಸ್ಥಾನದಲ್ಲಿರಬೇಕಾದರೆ ಯುವ ಜನರ ಪಾತ್ರ ಅತ್ಯಂತ ಮುಖ್ಯ -ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಯುವ ಜನರೆಲ್ಲ ಎಟಿಎಂ ಕ್ಯೂನಲ್ಲಿದ್ದಾರೆ.
---------------------
ಪ್ರಧಾನಿ ಮೋದಿಗೆ ತಾಕತ್ತಿದ್ದರೆ ತನ್ನ ಪುತ್ರಿಯ ಮದುವೆಗೆ 500 ಕೋಟಿ ರೂ. ಖರ್ಚು ಮಾಡಿದ ಜನಾರ್ದನ ರೆಡ್ಡಿಯನ್ನು ಬಂಧಿಸಲಿ - ಜನಾರ್ದನ ಪೂಜಾರಿ, ಕಾಂಗ್ರೆಸ್ ನಾಯಕ
ಜನಾರ್ದನ ಪೂಜಾರಿಯನ್ನು ಬಂಧಿಸಿದರೂ ಸಾಕು ಎನ್ನುತ್ತಿದ್ದಾರೆ ರಾಜ್ಯದ ಮುಖ್ಯಮಂತ್ರಿ
---------------------
ನೋಟು ನಿಷೇಧದಿಂದ ಬಡವರಿಗೆ ತೊಂದರೆ -ವಿನಯ್ ಕುಮಾರ್ ಸೊರಕೆ, ಶಾಸಕ
ಮೊದಲು ತಮಗಾಗಿರುವ ತೊಂದರೆಯನ್ನು ವಿವರಿಸಿ.
---------------------
ಡಾ.ಜಿ.ಪರಮೇಶ್ವರ್ ಮುಂದಿನ ಮುಖ್ಯಮಂತ್ರಿ - ಸೋಮಶೇಖರ್, ಶಾಸಕ
ಸದ್ಯಕ್ಕೆ ಈಗ ಅವರು ವಹಿಸಿಕೊಂಡಿರುವ ಸ್ಥಾನದ ಬಗ್ಗೆ ಅವರಿಗೆ ನೆನಪಿಸಿ.
---------------------
ದೇಶದಲ್ಲಿ ಆರ್ಥಿಕ ತುರ್ತು ಪರಿಸ್ಥಿತಿ ನಿರ್ಮಾಣವಾಗಿದೆ- ಡಾ.ಜಿ.ಪರಮೇಶ್ವರ್, ಸಚಿವ
ಪಕ್ಷಕ್ಕೆ ತುರ್ತಾಗಿ ಹಣ ಹೊಂದಿಸುವುದು ಕಷ್ಟವಾಗಿರಬೇಕಲ್ಲ?