ಭಟ್ಕಳ: ಪತ್ರಕರ್ತ ರಾಘವೇಂದ್ರ ಭಟ್ ನಿಧನ

ಭಟ್ಕಳ, ಮಾ.1: ಹಿರಿಯ ಪತ್ರಕರ್ತ ರಾಘವೇಂದ್ರ ಭಟ್ ಜಾಲಿ (52) ಬುಧವಾರ ಬೆಳಗ್ಗೆ ಹೃದಯಾಘಾತದಿಂದ ಶಿವಮೊಗ್ಗದಲ್ಲಿ ನಿಧನರಾಗಿದ್ದಾರೆ.

ಶಿವಮೊಗ್ಗದಲ್ಲಿ ತಂದೆ, ತಾಯಿ ವಾಸ್ತವ್ಯ ಇದ್ದುದರಿಂದ ಮಂಗಳವಾರ ಮಧ್ಯಾಹ್ನ ಅಲ್ಲಿಗೆ ತೆರಳಿದ್ದ ರಾಘವೇಂದ್ರ ಭಟ್ ಬುಧವಾರ ಬೆಳಗ್ಗೆ 8:30ಕ್ಕೆತೀವ್ರತರದ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ.

15 ವರ್ಷಕ್ಕೂ ಅಧಿಕ ಕಾಲ ಪ್ರಜಾವಾಣಿ ಪತ್ರಿಕೆಯ ವರದಿಗಾರರಾಗಿದ್ದ ಅವರು ಕಳೆದ ಒಂದೂವರೆ ವರ್ಷದಿಂದ ಕನ್ನಡ ಜನಾಂತರಂಗ ಪತ್ರಿಕೆಯ ವರದಿಗಾರರಾಗಿದ್ದರು.

ಮೃತರು ಪತ್ನಿ, ಅಪಾರ ಬಂಧುಮಿತ್ರರನ್ನು ಅಗಲಿದ್ದಾರೆ.