ಲೋಕಸಭಾ ಚುನಾವಣೆ: 11 ಗಂಟೆ ವೇಳೆ ರಾಜ್ಯದಲ್ಲಿ 24.48 ಶೇ. ಮತದಾನ

ಬೆಂಗಳೂರು, ಮೇ 7: ಮಧ್ಯ ಕರ್ನಾಟಕ, ಉತ್ತರ ಕರ್ನಾಟಕ, ಹೈದರಾಬಾದ್ ಕರ್ನಾಟಕ ಸೇರಿದಂತೆ ರಾಜ್ಯದ 14 ಲೋಕಸಭಾ ಕ್ಷೇತ್ರಗಳಿಗೆ 2ನೇ ಹಂತದಲ್ಲಿ ನಡೆಯುತ್ತಿರುವ ಚುನಾವಣೆಯಲ್ಲಿ 11 ಗಂಟೆಯ ವೇಳೆ 24.48 ಶೇ. ಮತದಾನವಾಗಿದೆ ಎಂದು ಚುನಾವಣಾ ಆಯೋಗದ ಪ್ರಕಟನೆ ತಿಳಿಸಿದೆ.

ಚಿಕ್ಕೋಡಿ ಲೋಕಸಭಾ ಕ್ಷೇತ್ರದಲ್ಲಿ 11 ಗಂಟೆ ವೇಳೆ 27.23 ಶೇ. ಮತದಾನವಾಗಿದ್ದರೆ, ಬೆಳಗಾವಿಯಲ್ಲಿ 23.91 ಶೇ., ಬಾಗಲಕೋಟೆಯಲ್ಲಿ 23.80 ಶೇ., ವಿಜಯಪುರದಲ್ಲಿ 23.91 ಶೇ., ಕಲಬುರಗಿಯಲ್ಲಿ 22.64 ಶೇ., ರಾಯಚೂರಿನಲ್ಲಿ 22.05 ಶೇ., ಬೀದರ್ ನಲ್ಲಿ 22.33 ಶೇ., ಕೊಪ್ಪಳದಲ್ಲಿ 24.64 ಶೇ., ಬಳ್ಳಾರಿಯಲ್ಲಿ 26.45 ಶೇ., ಹಾವೇರಿಯಲ್ಲಿ 24.24 ಶೇ., ಧಾರವಾಡದಲ್ಲಿ 24 ಶೇ., ಉತ್ತರ ಕನ್ನಡದಲ್ಲಿ 27.65 ಶೇ., ದಾವಣಗೆರೆಯಲ್ಲಿ 23.73 ಶೇ. ಹಾಗೂ ಶಿವಮೊಗ್ಗ ಲೋಕಸಭಾ ಕ್ಷೇತ್ರದಲ್ಲಿ 27.22 ಶೇ. ಮತದಾನವಾಗಿದೆ ಎಂದು ಚುನಾವಣಾ ಆಯೋಗ ಪ್ರಕಟನೆಯ ಮೂಲಕ ಮಾಹಿತಿ ನೀಡಿದೆ.