ಬೀದರ್ | ರಾಷ್ಟ್ರಕ್ಕೆ, ಕಾಂಗ್ರೆಸ್ಸಿಗೆ ಇಂದಿರಾಗಾಂಧಿ ಸೇವೆ ಅವಿಸ್ಮರಣೀಯ : ಬಸವರಾಜ್ ಜಾಬಶೆಟ್ಟಿ

ಬೀದರ್ : ಮಾಜಿ ಪ್ರಧಾನಿ ಇಂದಿರಾಗಾಂಧಿ ಅವರು ರಾಷ್ಟ್ರಕ್ಕೆ ಹಾಗೂ ಕಾಂಗ್ರೆಸ್ ಪಕ್ಷಕ್ಕೆ ಸಲ್ಲಿಸಿದ ಸೇವೆ ಅವಿಸ್ಮರಣೀಯವಾಗಿದೆ ಎಂದು ಜಿಲ್ಲಾ ಕಾಂಗ್ರೆಸ್ ಸಮಿತಿ ಅಧ್ಯಕ್ಷ ಬಸವರಾಜ್ ಜಾಬಶೆಟ್ಟಿ ಅವರು ಹೇಳಿದರು.

ಜಿಲ್ಲಾ ಕಾಂಗ್ರೆಸ್ ಸಮಿತಿಯ ಕಚೇರಿಯಲ್ಲಿ ಭಾರತದ ಮೊದಲ ಮಹಿಳಾ ಪ್ರಧಾನ ಮಂತ್ರಿ ಹಾಗೂ ಭಾರತ ರತ್ನ ದಿ.ಇಂದಿರಾಗಾಂಧಿಯವರ 107ನೇ ಜಯಂತಿ ಕಾರ್ಯಕ್ರಮದಲ್ಲಿ ಇಂದಿರಾಗಾಂಧಿ ಅವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ಮಾತನಾಡಿದ ಅವರು, ದೇಶ, ಜನರಿಗೆ ಮತ್ತು ಪಕ್ಷಕ್ಕಾಗಿ ಅವರ ಅಮೂಲ್ಯವಾದ ಮತ್ತು ಅವಿಸ್ಮರಣೀಯ ಸೇವೆ ಮತ್ತು ತ್ಯಾಗವನ್ನು ಸ್ಮರಿಸಿದರು.

ಜಿಲ್ಲಾ ಕಾಂಗ್ರೆಸ್ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಅಹ್ಸಾನ್ ಕಮಲ್ ಪರ್ವೇಝ್ ಅವರು ಕಾರ್ಯಕ್ರಮ ನಿರೂಪಿಸಿದರು.

ಈ ಸಂದರ್ಭದಲ್ಲಿ ಮಾಜಿ ಸಂಸದ ನರಸಿಂಗ್ ರಾವ್ ಸೂರ್ಯವಂಶಿ, ಖಾತರಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರದ ಅಮೃತ್ ಚಿಮ್ಕೋಡ್, ನಗರಸಭೆ ಸ್ಥಾಯಿ ಸಮಿತಿ ಅಧ್ಯಕ್ಷ ಪ್ರಶಾಂತ್ ದೊಡ್ಡಿ , ಪ್ರಧಾನ ಕಾರ್ಯದರ್ಶಿ ಅಹ್ಸಾನ್ ಕಮಲ್ ಪರ್ವೇಝ್, ಎಂ.ಎ. ಸಾಮಿ, ಡಿಸಿಸಿ ವಕ್ತಾರ ಜಾರ್ಜ್ ಫರ್ನಾಂಡಿಸ್, ಕಾರ್ಯದರ್ಶಿ ಸುನಿಲ್ ಬಚ್ಚನ್. ವಿಶಾಲ್ ದೊಡ್ಡಿ , ನಯೀಮ್ ಕಿರ್ಮಾನಿ, ರಾಜ್‍ಕುಮಾರ್ ಧನುರ್ಕರ್, ನಾಗನಾಥ ಪಟೇಲ್, ಡಿಸಿಸಿ ಎಸ್ ಟಿ ಸೆಲ್ ಅಧ್ಯಕ್ಷರು ರಾಕೇಶ ಕುರುಬಖೇಳಗಿ, ಅಧ್ಯಕ್ಷ ಡಿಸಿಸಿ ಆರ್ಮಿ ಸೆಲ್ ರಾಜ್‍ಕುಮಾರ್ ಲಡ್ಡೆ, ಡಿಸಿಸಿ ಸಾಮಾಜಿಕ ಜಾಲತಾಣ ಉಸ್ತುವಾರಿ ರವಿಂದ್ರ,  ತೇಜಮ್ಮ, ಲೋಕೇಶ್ ಅವರೂ ಸೇರಿದಂತೆ ಕಾಂಗ್ರೆಸ್ ಮುಖಂಡರು, ಕಾರ್ಯಕರ್ತರು ಉಪಸ್ಥಿತರಿದ್ದರು.