ಕಾಲುವೆ ಅಮೆರಿಕದ ಉಡುಗೊರೆಯಲ್ಲ: ಪನಾಮಾ ಅಧ್ಯಕ್ಷ ಮುಲಿನೊ

ಪನಾಮಾ ಸಿಟಿ : ಪನಾಮಾ ಕಾಲುವೆಯು ಅಮೆರಿಕದಿಂದ ಉಡುಗೊರೆ ಬಂದಿಲ್ಲ. ಅದು ಪನಾಮಾದ ಬಳಿಯೇ ಉಳಿಯುತ್ತದೆ ಎಂದು ಪನಾಮಾ ಅಧ್ಯಕ್ಷ ಜೋಸ್ ರೌಲ್ ಮುಲಿನೊ ಬುಧವಾರ ಹೇಳಿದ್ದಾರೆ.

ಕಾಲುವೆಯನ್ನು ನಾವು ಪನಾಮಾಕ್ಕೆ ನೀಡಿದ್ದೆವು. ಈಗ ಅದನ್ನು ವಾಪಾಸು ಪಡೆಯುತ್ತೇವೆ' ಎಂಬ ಟ್ರಂಪ್ ಹೇಳಿಕೆಗೆ ಪ್ರತಿಕ್ರಿಯಿಸಿದ ಮುಲಿನೊ ` ಟ್ರಂಪ್ ಹೇಳಿದ ಎಲ್ಲವನ್ನೂ ನಾವು ತಿರಸ್ಕರಿಸುತ್ತೇವೆ. ಪನಾಮಾ ಕಾಲುವೆ ಅಮೆರಿಕದಿಂದ ಬಂದ ಕೊಡುಗೆ ಅಥವಾ ಉಡುಗೊರೆಯಲ್ಲ. ಅದು ಪನಾಮಾಕ್ಕೆ ಸೇರಿದ್ದು' ಎಂದರು.

ಪನಾಮಾ ಕಾಲುವೆಯನ್ನು ಚೀನಾ ನಿರ್ವಹಿಸುತ್ತಿದೆ ಎಂಬ ಟ್ರಂಪ್ ಹೇಳಿಕೆಯ ಬಗ್ಗೆ ಪ್ರತಿಕ್ರಿಯಿಸಿರುವ ಚೀನಾ ವಿದೇಶಾಂಗ ಸಚಿವಾಲಯ `ಕಾಲುವೆಯ ನಿರ್ವಹಣೆ ಮತ್ತು ಕಾರ್ಯಾಚರಣೆಯಲ್ಲಿ ಚೀನಾ ಭಾಗವಹಿಸುವುದಿಲ್ಲ ಮತ್ತು ಕಾಲುವೆಯ ವ್ಯವಹಾರಗಳಲ್ಲಿ ಎಂದಿಗೂ ಹಸ್ತಕ್ಷೇಪ ಮಾಡುವುದಿಲ್ಲ' ಎಂದು ಹೇಳಿದೆ.