ಕಲಬುರಗಿ | ತಾಂತ್ರಿಕ ಕೌಶಲ್ಯಗಳು ಉದ್ಯಮಶೀಲತೆಗೆ ಅತ್ಯವಶ್ಯಕ : ಡಾ.ಸಂಜೀವ ರಸ್ತೋಗಿ

ಕಲಬುರಗಿ : ವ್ಯಾಪಾರ ಮಾರುಕಟ್ಟೆಯಲ್ಲಿ ನಡೆಯುತ್ತಿರುವ ಸ್ಪರ್ಧೆ ಮತ್ತು ಕ್ರಿಯಾತ್ಮಕ ವಾತಾವರಣದಿಂದಾಗಿ ತಾಂತ್ರಿಕ ಕೌಶಲಗಳು ಇಂದಿನ ಉದ್ಯಮಶೀಲತೆಗೆ ಅತ್ಯವಶ್ಯಕವಾಗಿವೆ ಎಂದು ಅಧಾನಿ ಗ್ರೂಪ್ ಗುಜರಾತ್ ಸಿಇಓ ಡಾ.ಸಂಜೀವ ರಸ್ತೋಗಿ ಹೇಳಿದ್ಧಾರೆ.

ಹೈದರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆಯ ಪೂಜ್ಯ ದೊಡ್ಡಪ್ಪ ಅಪ್ಪ ಇಂಜಿನಿಯರಿಂಗ್ ಕಾಲೇಜಿನ ನೇತೃತ್ವದಲ್ಲಿ ನಡೆದ ವಾಣಿಜ್ಯೋದ್ಯಮ ಕೌಶಲ್ಯಗಳ ಕುರಿತು 'ತಾಂತ್ರಿಕ ಮಾತುಕತೆಗಳು' ಎಂಬ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಇಂದು ವಾಣಿಜ್ಯೋದ್ಯಮಿಗಳು ವ್ಯಾಪಾರ ಉದ್ಯಮದ ಸೃಷ್ಟಿಕರ್ತರಾಗಿ ತಮ್ಮ ಖ್ಯಾತಿಯನ್ನು ಆನಂದಿಸುವುದಿಲ್ಲ, ಆದರೆ ಅವರು ತಮ್ಮ ಪರಿಣತಿಯನ್ನು ಉದ್ದಕ್ಕೂ ತೋರಿಸಬೇಕು. ಅವರು ಸದುಪಯೋಗಪಡಿಸಿಕೊಳ್ಳಲು ತಾಂತ್ರಿಕ ಕೌಶಲ್ಯಗಳು ಅತ್ಯಗತ್ಯ. ಏಕೆಂದರೆ ಅವರು ಉದಯೋನ್ಮುಖ ಉದ್ಯಮಿಗಳು ಎಲ್ಲರಿಗೂ ಮಾಸ್ಟರ್ ಆಗಲು ಸಹಾಯ ಮಾಡಿದ್ದಾರೆ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಹೈದರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆಯ ಆಡಳಿತ ಮಂಡಳಿ ಸದಸ್ಯರಾದ ಡಾ. ಶರಣಬಸಪ್ಪ ಹರವಾಳ ಮಾತನಾಡಿ, ಸರಳವಾಗಿ ಹೇಳುವುದಾದರೆ, ತಾಂತ್ರಿಕ ಕೌಶಲ್ಯಗಳು ಒಂದು ನಿರ್ದಿಷ್ಟ ರೀತಿಯ ಸಮಸ್ಯೆಯನ್ನು ಪರಿಹರಿಸಲು ಒಬ್ಬ ವ್ಯಕ್ತಿಯು ಬಳಸಿಕೊಳ್ಳುವ ಕೌಶಲ್ಯಗಳಾಗಿವೆ. ಸಮಸ್ಯೆಯ ಸ್ವರೂಪವನ್ನು ಅವಲಂಬಿಸಿ, ಈ ಕೌಶಲ್ಯಗಳು ಪರಸ್ಪರ ಭಿನ್ನವಾಗಿರುತ್ತವೆ. ಈ ಕೌಶಲ್ಯಗಳು ಬಹು ಮತ್ತು ವಿಭಿನ್ನ ಪ್ರದೇಶಗಳಿಗೆ ವಿಭಿನ್ನವಾಗಿ ಸೇರಿವೆ ಎಂದರು.

ಕಾರ್ಯಕ್ರಮದ ವೇದಿಕೆಯ ಮೇಲೆ ಅಧಾನಿ ಗ್ರೂಪ್ ನ ನೇಹಾ ಹುಕ್ಕೇರಿ, ಮಂಜುನಾಥ ಕಾಳೆ, ಆಸೀಫ್ ಹುಸೇನ್, ಉಪ ಪ್ರಾಚಾರ್ಯರಾದ ಡಾ.ಎಸ್ ಆರ್ ಹೊಟ್ಟಿ, ಡಾ.ಭಾರತಿ ಹರಸೂರ ಉಪಸ್ಥಿತರಿದ್ದರು. ಪಿಡಿಎ ಇಂಜಿನಿಯರಿಂಗ್ ಕಾಲೇಜಿನ ಪ್ರಾಚಾರ್ಯರಾದ ಡಾ ಸಿದ್ಧರಾಮ ಪಾಟೀಲ್ ಸ್ವಾಗತಿಸಿದರು. ಪೂರ್ವಿಕಾ ಕಾರ್ಯಕ್ರಮ ನಿರೂಪಿಸಿದರು. 12 ಪಾಯಿಂಟ್ ಸಂಯೋಜಕಿ ಡಾ. ಉಮಾರೇವೂರ ವಂದಿಸಿದರು.

Full View