ನೋಟಾದಷ್ಟೂ ಮತ ಪಡೆಯದ ನಟ, ಬಿಗ್ ಬಾಸ್ ಸ್ಪರ್ಧಿ ಅಜಾಝ್ ಖಾನ್!

ಮುಂಬೈ: ಬಿಗ್ ಬಾಸ್ 7 ಋತುವಿನ ಸ್ಪರ್ಧಿಯಾಗಿದ್ದ ನಟ ಅಜಾಝ್ ಖಾನ್ ಮಹಾರಾಷ್ಟ್ರದ ವೆರ್ಸೋವಾ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದು, ಅವರು ನೋಟಾಗಿಂತ ಕಡಿಮೆ ಮತಗಳನ್ನು ಪಡೆದು ಹಿನ್ನಡೆ ಅನುಭವಿಸುತ್ತಿದ್ದಾರೆ. 17 ನೇ ಸುತ್ತಿನ ಮತ ಎಣಿಕೆ ಬಳಿಕ ನೋಟಾಗೆ 900 ಕ್ಕೂ ಹೆಚ್ಚು ಮತಗಳು ಬಿದ್ದಿದ್ದರೆ, ನಟ ಅಜಾಝ್ ಖಾನ್ ಕೇವಲ 100 ಮತಗಳನ್ನು ಪಡೆದಿದ್ದಾರೆ.

ಆಝಾದ್ ಸಮಾಜ್ ಪಾರ್ಟಿ (ಕಾನ್ಷಿರಾಂ) ಅಭ್ಯರ್ಥಿಯಾಗಿ ಅಜಾಝ್ ಖಾನ್ ಸ್ಪರ್ಧಿಸಿದ್ದರು. ಉತ್ತರ ಪ್ರದೇಶದ ನಗೀನಾ ಲೋಕಸಭಾ ಕ್ಷೇತ್ರದಿಂದ ಸಂಸದರಾಗಿರುವ ಚಂದ್ರಶೇಖರ್ ಆಝಾದ್ , ಆಝಾದ್ ಸಮಾಜ್ ಪಕ್ಷದ ಮುಖ್ಯಸ್ಥರಾಗಿದ್ದಾರೆ.

ಈ ನಡುವೆ, ವೆರ್ಸೋವ ವಿಧಾನಸಭಾ ಕ್ಷೇತ್ರವು ಶಿವಸೇನೆ (ಉದ್ಧವ್ ಬಣ)ದ ಹರೂನ್ ಖಾನ್ ಹಾಗೂ ಬಿಜೆಪಿಯ ಭಾರತಿ ಲವೇಕರ್ ನಡುವಿನ ರೋಚಕ ಹಣಾಹಣಿಗೆ ಸಾಕ್ಷಿಯಾಗಿದೆ