ಪ್ರಜ್ಞಾನ್‌ ರೋವರ್‌ ಚಂದ್ರನ ಮೇಲೆ ಸುತ್ತುತ್ತಿರುವ ವೀಡಿಯೋ ಬಿಡುಗಡೆಗೊಳಿಸಿದ ಇಸ್ರೋ
Update: 2023-08-31 13:12 GMT
ಹೊಸದಿಲ್ಲಿ: ಚಂದ್ರನ ಮೇಲ್ಮೈಯಲ್ಲಿ ಪ್ರಜ್ಞಾನ್‌ ರೋವರ್‌ ಆಟವಾಡುವ ರೀತಿಯಲ್ಲಿ ಸಾಗುತ್ತಿರುವ ಚಂದ್ರಯಾನ-3 ಮಿಷನ್‌ನ ವೀಡಿಯೋವೊಂದನ್ನು ಇಂದು ಇಸ್ರೋ ಹಂಚಿಕೊಂಡಿದೆ. ಈ ವೀಡಿಯೋವನ್ನು ವಿಕ್ರಂ ಲ್ಯಾಂಡರ್‌ನ ಕ್ಯಾಮೆರಾ ಸೆರೆಹಿಡಿದಿದೆ. ಸುರಕ್ಷಿತ ಹಾದಿಯನ್ನು ಹುಡುಕುತ್ತಾ ರೋವರ್‌ ತಿರುಗುತ್ತಿರುವುದನ್ನು ವೀಡಿಯೋ ತೋರಿಸುತ್ತದೆ.
ಚಂದ್ರನ ಮೇಲ್ಮೈಯಲ್ಲಿ ರೋವರ್‌ಗೆ ಸದಾ ಹಾದಿ ಸುಗಮವಾಗಿಲ್ಲ ಎಂಬುದನ್ನು ಇಸ್ರೋ ವೀಡಿಯೋಗಳು ತೋರಿಸುತ್ತವೆ. ಸೋಮವಾರ ಪ್ರಜ್ಞಾನ್‌ ರೋವರ್‌ ತನ್ನ ಮುಂದೆ ದೊಡ್ಡ ಕುಳಿಯನ್ನು ಕಂಡುಕೊಂಡಿತ್ತು. ನಂತರ ಅದನ್ನು ಸುರಕ್ಷಿತವಾಗಿ ಬೇರೆ ಹಾದಿಯಲ್ಲಿ ಸಾಗುವಂತೆ ಮಾಡಲಾಗಿದ್ದನ್ನು ಇಲ್ಲಿ ಸ್ಮರಿಸಬಹುದು.
