ರಣಜಿ | ಮಾಧವ್, ಆರ್ಯನ್ ಶತಕ ; ಕರ್ನಾಟಕ ವಿರುದ್ಧ ಉತ್ತರಪ್ರದೇಶ 325/5

ಲಕ್ನೊ: ಮಾಧವ್ ಕೌಶಿಕ್(134 ರನ್, 274 ಎಸೆತ, 19 ಬೌಂಡರಿ)ಹಾಗೂ ನಾಯಕ ಆರ್ಯನ್ ಜುಯಲ್(109 ರನ್, 257 ಎಸೆತ, 8 ಬೌಂಡರಿ, 2 ಸಿಕ್ಸರ್)ಆಕರ್ಷಕ ಶತಕದ ಸಹಾಯದಿಂದ ಉತ್ತರಪ್ರದೇಶ ಕ್ರಿಕೆಟ್ ತಂಡ ಕರ್ನಾಟಕ ವಿರುದ್ಧ ರಣಜಿ ಟ್ರೋಫಿ ಸಿ ಗುಂಪಿನ ಐದನೇ ಸುತ್ತಿನ ಪಂದ್ಯದಲ್ಲಿ ತನ್ನ 2ನೇ ಇನಿಂಗ್ಸ್‌ನಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ 325 ರನ್ ಗಳಿಸಿದ್ದು, 139 ರನ್ ಮುನ್ನಡೆಯಲ್ಲಿದೆ.

1 ವಿಕೆಟ್ ನಷ್ಟಕ್ಕೆ 78 ರನ್‌ನಿಂದ ತನ್ನ 2ನೇ ಇನಿಂಗ್ಸ್ ಮುಂದುವರಿಸಿದ ಆತಿಥೇಯ ತಂಡದ ಪರ ಮಾಧವ್ ಹಾಗೂ ಆರ್ಯನ್ ಎರಡನೇ ವಿಕೆಟ್‌ಗೆ 246 ರನ್ ಜೊತೆಯಾಟ ನಡೆಸಿದರು. ಈ ಇಬ್ಬರನ್ನು ಮುಹ್ಸಿನ್ ಖಾನ್(2-70) ಬೇರ್ಪಡಿಸಿದರು. ಆ ನಂತರ ದೊಡ್ಡ ಜೊತೆಯಾಟ ಮೂಡಿ ಬರಲಿಲ್ಲ. ಸಮೀರ್ ರಿಝ್ವಿ 30 ರನ್ ಹಾಗೂ ಆದಿತ್ಯ ಶರ್ಮಾ ಔಟಾಗದೆ 24 ರನ್ ಗಳಿಸಿದ್ದಾರೆ.

ಕರ್ನಾಟಕದ ಪರ ಮುಹ್ಸಿನ್ ಖಾನ್ ಹಾಗೂ ಶ್ರೇಯಸ್ ಗೋಪಾಲ್(2-83)ತಲಾ ಎರಡು ವಿಕೆಟ್‌ಗಳನ್ನು ಪಡೆದರು.