‘ಇಹ್ತಿರಾಂ ಮುಅಲ್ಲಿಂ’ ಪ್ರಶಸ್ತಿ ಪುರಸ್ಕೃತ ನೇಜಾರ್ ಖತೀಬ್‌ಗೆ ಸನ್ಮಾನ

ಉಡುಪಿ: ಅಖಿಲ ಭಾರತ ಸುನ್ನೀ ವಿದ್ಯಾಭ್ಯಾಸ ಬೋರ್ಡ್ ಅಧೀನದಲ್ಲಿ ಧಾರ್ಮಿಕ ರಂಗದಲ್ಲಿ 25 ವರ್ಷ ಮತ್ತು ಒಂದೇ ಮಸೀದಿಯಲ್ಲಿ ಹತ್ತು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ಧಾರ್ಮಿಕ ವಿದ್ವಾಂಸರಿಗೆ ನೀಡುವ ಇಹ್ತಿರಾಂ -24 ಮುಅಲ್ಲಿಂ ಪ್ರಶಸ್ತಿ ಪಡೆದ ನೇಜಾರ್ ಜಾಮಿಯಾ ಮಸೀದಿ ಖತೀಬ್ ಉಸ್ಮಾನ್ ಮದನಿ ಸೆರ್ಕಳ ಅವರಿಗೆ ಗೌರವ ಸಲ್ಲಿಸಲಾಯಿತು.

ನೇಜಾರಿನ ಎನ್‌ಜಿಎ ಗ್ರೂಪ್ ವತಿಯಿಂದ ಶುಕ್ರವಾರ ಜುಮಾ ನಮಾಜಿನ ನಂತರ ಮಸೀದಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಖತೀಬರನ್ನು ಸನ್ಮಾನಿಸಲಾಯಿತು. ಉಡುಪಿ ಜಿಲ್ಲಾ ಸಂಯುಕ್ತ ಜಮಾಅತ್ ಅಧ್ಯಕ್ಷ ಅಬೂಬಕ್ಕರ್ ಹಾಜಿ, ಜಾಮಿಯಾ ಮಸೀದಿ ಅಧ್ಯಕ್ಷ ಅಯ್ಯೂಬ್ ನೇಜಾರ್, ಎನ್‌ಜಿಎ ಗ್ರೂಪ್ ಅಧ್ಯಕ್ಷ ಮುಹಮ್ಮದ್ ರಫೀಕ್ ನೇಜಾರ್, ಪ್ರಮುಖರಾದ ಮುಹಮ್ಮದ್ ಕಿರ್ಮಾನಿ, ಮುಹಮ್ಮದ್ ಆದಿಲ್, ಹರ್ಷದ್, ಮುಹಮ್ಮದ್ ಹಾರೂನ್ ನೇಜಾರ್ ಮೊದಲಾದವರು ಉಪಸ್ಥಿತರಿದ್ದರು.