*ಬಿಜೆಪಿಯನ್ನು ಅಧಿಕಾರಕ್ಕೆ ತರುವುದು, ಯಡಿಯೂರಪ್ಪರನ್ನು ಸಿಎಂ ಮಾಡುವುದು ಬ್ರಿಗೇಡ್ ಗುರಿ
*ಬಿಜೆಪಿಯನ್ನು ಅಧಿಕಾರಕ್ಕೆ ತರುವುದು, ಯಡಿಯೂರಪ್ಪರನ್ನು ಸಿಎಂ ಮಾಡುವುದು ಬ್ರಿಗೇಡ್ ಗುರಿ
- ಈಶ್ವರಪ್ಪ, ವಿ.ಪ.ವಿ.ನಾಯಕ
ಮತ್ತು ಸಂಗೊಳ್ಳಿರಾಯಣ್ಣನ ಚಾರಿತ್ರಕ್ಕೆ ಮಸಿ ಬಳಿಯೋದು.
---------------------
ಸಿಎಂ ಕುದ್ರೋಳಿ ದೇವಸ್ಥಾನಕ್ಕೆ ಬರುತ್ತಿದ್ದರೆ ಅವರನ್ನು ಸ್ವಾಗತಿಸಿ, ಮುಂದೆಯೂ ಅವರೇ ಮುಖ್ಯಮಂತ್ರಿ ಆಗಲೆಂದು ಪ್ರಾರ್ಥಿಸುತ್ತಿದ್ದೆ
-ಜನಾರ್ದನ ಪೂಜಾರಿ, ಕಾಂಗ್ರೆಸ್ ಮುಖಂಡ
ಮುಂದಿನ ಬಾರಿಯಾದರೂ ಸಂಸದನನ್ನಾಗಿ ಮಾಡಪ್ಪ ಎಂದು ನಿಮಗಾಗಿಯೇ ನೀವು ಪ್ರಾರ್ಥಿಸಿ.
---------------------
ಎತ್ತಿನಹೊಳೆ ತಿರುವು ಅಲ್ಲ, ಪ್ರವಾಹದ ನೀರು ಲಿಫ್ಟ್
-ಸಿದ್ದರಾಮಯ್ಯ, ಮುಖ್ಯಮಂತ್ರಿ
ಒಟ್ಟಿನಲ್ಲಿ ರಾಜಕಾರಣಿಗಳಿಗೆ ತಕ್ಷಣ ಲಿಫ್ಟ್ ಬೇಕಾಗಿದೆ.
---------------------
ಅಭಿವೃದ್ಧಿ ರಾಜಕಾರಣದಲ್ಲಿ ಮಾಯಾವತಿ ದೊಡ್ಡ ಸೊನ್ನೆ
-ಶ್ರೀಕಾಂತ್ ಶರ್ಮ, ಬಿಜೆಪಿ ಕಾರ್ಯದರ್ಶಿ
ಅಂತಹದೊಂದು ಸೊನ್ನೆ ಕೇಂದ್ರದಲ್ಲಿ ಪ್ರಧಾನಿಯೇ ಆಗಿರುವಾಗ....
---------------------
ನಾವು ಬೆಳಗ್ಗೆ ಎದ್ದು ವ್ಯಾಯಾಮ ಮಾಡಿದರೆ ನಮ್ಮ ನೆರೆಯವರು ಯಾಕೆ ಆತಂಕಗೊಳ್ಳಬೇಕು
-ನರೇಂದ್ರ ಮೋದಿ, ಪ್ರಧಾನಿ
ಅವರ ಅಂಗಳದಲ್ಲಿ ಹೋಗಿ ವ್ಯಾಯಾಮ ಮಾಡುವಾಗ ಸಮಸ್ಯೆಗಳು ಆರಂಭವಾಗುತ್ತವೆ.
---------------------
ಚುಟುಕು ಕವನಗಳಿಂದ ಹಗೆ ಪರಿಹಾರ
-ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಸದ್ಯಕ್ಕೆ ಉಡುಪಿ ತುಂಬಾ ಕುಟುಕು ಕವನಗಳೇ.
---------------------
ಮುಂದಿನ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಅಧಿಕಾರಕ್ಕೆ
-ಸದಾನಂದ ಗೌಡ, ಕೇಂದ್ರ ಸಚಿವ
ಯಾವ ರಾಜ್ಯದಲ್ಲಿ ಎನ್ನುವುದನ್ನಾದರೂ ಹೇಳಬಾರದೇ?
---------------------
ಭಾರತ ಈಗ ಜಗತ್ತಿನ ಕೇಂದ್ರ ಬಿಂದು
-ಅರುಣ್ ಜೇಟ್ಲಿ, ಕೇಂದ್ರ ಸಚಿವ
ಜಾತೀಯತೆ, ಕೋಮುಹಿಂಸೆ, ಗೋರಕ್ಷಕರು ಮೊದಲಾದ ಕಾರಣಗಳಿಗಾಗಿ.
---------------------
ಚುನಾವಣೆಯಲ್ಲಿ ವಿದ್ಯಾವಂತರು ಹಿಂದೆ ಸರಿಯುತ್ತಿರುವುದು ಪ್ರಜಾಪ್ರಭುತ್ವಕ್ಕೆ ಮಾರಕ
-ಆರ್.ಅಶೋಕ್, ಶಾಸಕ
ತಮ್ಮಂಥವರು ಅಧಿಕಾರಕ್ಕೆ ಬರಲು ಪೂರಕವಾಯಿತು ಬಿಡಿ.
ನಾವು ಎಷ್ಟೇ ಸಾಕ್ಷ ನೀಡಿದರೂ ಪಾಕ್ ತಾನು ಉಗ್ರ ಪೋಷಕ ರಾಷ್ಟ್ರ ಎಂದು ಒಪ್ಪಿಕೊಳ್ಳುವುದಿಲ್ಲ
-ಮೀನಾಕ್ಷಿ ಲೇಖಿ, ಬಿಜೆಪಿ ನಾಯಕಿ
ಆರೆಸ್ಸೆಸ್ ತನ್ನನ್ನು ತಾನು ಉಗ್ರ ಸಂಘಟನೆ ಎಂದು ಒಪ್ಪಿಕೊಳ್ಳುತ್ತಿಲ್ಲವಲ್ಲ, ಹಾಗೆಯೇ ಇದು ಇರಬೇಕು.
---------------------
ನಾವು ಯಾರು ಎನ್ನುದನ್ನು ನಮ್ಮ ಕೆಲಸ ತೋರಿಸುತ್ತದೆ
-ಬಾಬಾ ರಾಮ್‌ದೇವ್, ಯೋಗಗುರು
ಹೌದು. ನೀವು ಯಾರು ಎನ್ನುವುದು ನಿಮ್ಮ ನಕಲಿ ಔಷಧಗಳೇ ತೋರಿಸಿ ಕೊಡುತ್ತಿವೆ.
---------------------
ಎಸ್ಪಿ, ಕಾಂಗ್ರೆಸ್‌ಗೆ ಮತ ನೀಡಿದರೆ ಬಿಜೆಪಿಗೆ ಲಾಭ
-ಮಾಯಾವತಿ, ಬಿಎಸ್ಪಿ ಮುಖ್ಯಸ್ಥೆ
ಬಳಿಕ ಬಿಜೆಪಿಯೊಂದಿಗೆ ನೀವು ಹೊಂದಾಣಿಕೆ ಮಾಡಿಕೊಂಡರಾಯಿತು ಬಿಡಿ.
---------------------
ದೇಶದಲ್ಲಿ ಬಹುಸಂಖ್ಯಾತ ಒಳ್ಳೆಯ ಜನ ಗೋರಕ್ಷಣೆಯಲ್ಲಿ ತೊಡಗಿದ್ದಾರೆ
-ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ
ಗೋವುಗಳನ್ನು ಸಾಕುವ ರೈತರೇ ನಿಮ್ಮ ಪಾಲಿನ ಕೆಟ್ಟ ಗೋರಕ್ಷಕರಾಗಿರಬಹುದು.
---------------------
ಅಮೆರಿಕದ ಮಾಜಿ ಅಧ್ಯಕ್ಷ ಬಿಲ್ ಕ್ಲಿಂಟನ್ ಹೊಂಚು ಹಾಕಿ ಮಹಿಳೆಯರನ್ನು ಅತಿ ಹೆಚ್ಚು ದುರುಪಯೊಗ ಪಡಿಸಿಕೊಂಡಿದ್ದಾರೆ
-ಡೊನಾಲ್ಡ್ ಟ್ರಂಪ್
ದುರ್ಬಲರನ್ನು ದುರುಪಯೋಗ ಪಡಿಸಿಕೊಳ್ಳುವುದು ಅಮೆರಿಕನ್ ನಾಯಕರ ಹೆಗ್ಗಳಿಕೆಯಲ್ಲವೇ?
---------------------
ಯಾವುದೇ ತಪ್ಪು ಮಾಡದ ನನ್ನನ್ನು ಉದ್ದೇಶ ಪೂರ್ವಕ ಸಂಚು ಮಾಡಿ ಜೈಲಿಗೆ ಅಟ್ಟಲಾಯಿತು
-ಜನಾರ್ದನ ರೆಡ್ಡಿ, ಮಾಜಿ ಸಚಿವ
ತಪ್ಪು ಮಾಡಿದ್ದೆಲ್ಲ ಮತದಾರರು. ಅವರನ್ನೇ ಜೈಲಿಗಟ್ಟಬೇಕಾಗಿತ್ತೇ?
---------------------
ನನ್ನ ಜನ್ಮ ದಿನ ಉತ್ಸವವಲ್ಲ -ಅಮಿತಾಭ್ ಬಚ್ಚನ್, ನಟ
ಅದರಲ್ಲೂ ವ್ಯಾಪಾರವೇ?
ವಾಸ್ತು ಶಾಸ್ತ್ರ ಖಂಡಿತವಾಗಿಯೂ ಒಂದು ವಿಜ್ಞಾನ
-ರವಿಶಂಕರ್ ಗುರೂಜಿ, ಆರ್ಟ್ ಆಫ್ ಲಿವಿಂಗ್ ಸಂಸ್ಥಾಪಕ
ಮುಂದಿನ ಬಾರಿ ನೊಬೆಲ್‌ಗಾಗಿ ವಿಜ್ಞಾನ ಕ್ಷೇತ್ರದಲ್ಲಿ ಪ್ರಯತ್ನಿಸಿ.
---------------------
ವೀರಪ್ಪನ್ ನನ್ನ ಅಪಹರಣಕ್ಕೂ ಯತ್ನಿಸಿದ್ದ -ಸಿದ್ದರಾಮಯ್ಯ, ಸಿಎಂ
ಆದರೆ ಆರೋಪ ದೇವೇಗೌಡರ ಕುಟುಂಬದ ಮೇಲೆ ಬರುತ್ತಿತ್ತು.
---------------------
ನಾನು ಹುಟ್ಟಿದ್ದೂ ಬಿಜೆಪಿಯಲ್ಲಿ, ಸಾಯುವುದು ಬಿಜೆಪಿಯಲ್ಲೇ
-ಕೆ.ಎಸ್ ಈಶ್ವರಪ್ಪ, ವಿ.ಪ.ವಿ ನಾಯಕ
ಸಾಯಿಸುವುದಕ್ಕೆ ಬಿಜೆಪಿಯೊಳಗೇ ತುದಿಗಾಲಲ್ಲಿ ನಿಂತಿದ್ದಾರೆ.
---------------------
ಭಾರತದಲ್ಲಿ ಕಾಶ್ಮೀರದ ಕಲಾವಿದರಿಗೆ ನಿಷೇಧ ಹೇರಬೇಕು
-ಪುನೀತ್ ರಾಜ್‌ಕುಮಾರ್, ನಟ
ಅವರು ಡಬ್ಬಿಂಗ್ ಪರವಾಗಿದ್ದಾರೆಯೇ?
---------------------
ಸರಕಾರಿ ಶಾಲೆ ಮುಚ್ಚುವುದಿಲ್ಲ
-ತನ್ವೀರ್ ಸೇಠ್, ಸಚಿವ
ಮುಚ್ಚುವುದಕ್ಕೆ ಸರಕಾರಿ ಶಾಲೆಗಳಿಗೆ ಬಾಗಿಲೆಲ್ಲಿದೆ?
---------------------
ಆರೆಸ್ಸೆಸ್ ಚಡ್ಡಿ ಬಿಡಲು ರಾಬ್ರಿ ಕಾರಣ -
ಲಾಲೂ ಪ್ರಸಾದ್ ಯಾದವ್, ಆರ್‌ಜೆಡಿ ಅಧ್ಯಕ್ಷ
ಹಾಗೆಂದು ತಾವು ಚಡ್ಡಿ ಹಾಕುವುದನ್ನು ಬಿಟ್ಟು ಬಿಡಬೇಡಿ. ತಮಾಷೆಯಾದೀತು.
---------------------
‘ದೇವರ ನಾಡು’ ಎಂದು ಪ್ರಸಿದ್ಧಿಯಾಗಿರುವ ಕೇರಳ ‘ದೆವ್ವಗಳ ನಾಡು’ ಎಂದು ಬದಲಾಗಲಿದೆ
-ರಮೇಶ್ ಚೆನ್ನಿತ್ತಲ, ಕೇರಳ ವಿಪಕ್ಷ ನಾಯಕ
ಬಾರಿ ಬಿಜೆಪಿ ಒಂದು ಸ್ಥಾನವನ್ನು ತನ್ನದಾಗಿಸಿಕೊಂಡ ಪರಿಣಾಮವಿರಬಹುದು.
---------------------
ಮಠಕ್ಕೆ ಮುತ್ತಿಗೆ ಹಾಕಿದರೆ ಉಪವಾಸ ಕೂರುತ್ತೇನೆ
-ವಿಶ್ವೇಶ ತಿರ್ಥ ಸ್ವಾಮೀಜಿ, ಪೇಜಾವರ ಮಠ
ಉಪವಾಸ ಕೂತರೆ ಸಹಪಂಕ್ತಿ ಭೋಜನ ಮಾಡುವುದರಿಂದ ತಪ್ಪಿಸಿಕೊಳ್ಳಬಹುದು ಎಂಬ ಉಪಾಯವೇ?
---------------------
ಭಾರತಕ್ಕೆ ಹೊರಗಿನ ಶತ್ರುಗಳಿಗಿಂತಲೂ ಒಳಗಿನ ಶತ್ರುಗಳಿಂದಲೇ ಹೆಚ್ಚು ಅಪಾಯ
-ಶಿವಶಂಕರ್ ಮೆನನ್, ರಾಷ್ಟ್ರೀಯ ಭದ್ರತಾ ಮಾಜಿ ಸಲಹೆಗಾರ
ಒಳಗಿನ ಶತ್ರುಗಳು ಪ್ರಧಾನಮಂತ್ರಿಗಳ ಸಲಹೆಗಾರರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
