ಓ ಮೆಣಸೇ...
ಒಂದು ವರ್ಷದಲ್ಲಿ ದ.ಕ.ಜಿಲ್ಲೆ ಹೊಗೆ ಮುಕ್ತ
-ನಳಿನ್‌ಕುಮಾರ್ ಕಟೀಲು, ಸಂಸದ
ಬೆಂಕಿ ಮುಕ್ತವಾಗುವುದು ಯಾವಾಗ?
---------------------
ಕಾಂಗ್ರೆಸ್ ಪುನಶ್ಚೇತನಕ್ಕಾಗಿ ಪಕ್ಷ ಮಹಾಮೈತ್ರಿಗೆ ಹೆಚ್ಚಿನ ಮಹತ್ವ ನೀಡಿದೆ
- ಜೈರಾಮ್ ರಮೇಶ್, ಕಾಂಗ್ರೆಸ್ ಮುಖಂಡ
ಮೈತ್ರಿಯಲ್ಲಿ ಬಿಜೆಪಿಯನ್ನೂ ಸೇರಿಸಿಕೊಳ್ಳುವ ಯೋಜನೆ ಇದೆಯೇ?
---------------------
ನಮ್ಮದು ಶಾಂತಿಪ್ರಿಯ ರಾಷ್ಟ್ರ
-ವೆಂಕಯ್ಯ ನಾಯ್ಡು, ಎನ್‌ಡಿಎ ಉಪರಾಷ್ಟ್ರಪತಿ ಅಭ್ಯರ್ಥಿ
ಗುಂಪುಹಲ್ಲೆಗಳು, ಚೂರಿ ಇರಿತಗಳು ಶಾಂತಿಯ ಪ್ರತಿಬಿಂಬಗಳೇ?
---------------------
ಮುಂದಿನ ವಿಧಾನಸಭೆ ಚುನಾವಣೆಗೆ ನಾನು ಸ್ಪರ್ಧಿಸುವುದಿಲ್ಲ
-ಜನಾದರ್ನ ರೆಡ್ಡಿ, ಮಾಜಿ ಸಚಿವ
ಬಿಜೆಪಿ ಬಳಸಿ ಎಸೆದ ಬಾಳೆ ಎಲೆಯ ಆರ್ತನಾದ.
---------------------
ನೋಟುಗಳ ಅಮಾನ್ಯೀಕರಣ ನಕ್ಸಲರ ಭದ್ರ ಬುನಾದಿಯನ್ನೇ ಅಲುಗಾಡಿಸಿದೆ
-ಡಾ.ರಮಣಸಿಂಗ್, ಛತ್ತೀಸ್‌ಗಡ ಮುಖ್ಯಮಂತ್ರಿ
ಈ ದೇಶದ ಬಡಪಾಯಿ ಪ್ರಜೆಗಳೆಲ್ಲ ಇವರ ದೃಷ್ಟಿಯಲ್ಲಿ ನಕ್ಸಲರೇ ಇರಬೇಕು.
---------------------
ಮುಂದಿನ ವಿಧಾನಸಭೆ ಚುನಾವಣೆಯಲ್ಲಿ ಜೆಡಿಎಸ್‌ನಿಂದ ನಾನು ಮತ್ತು ಎಚ್.ಡಿ.ರೇವಣ್ಣ ಮಾತ್ರ ಸ್ಪರ್ಧೆ
-ಎಚ್.ಡಿ.ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಉಳಿದವರೆಲ್ಲ ಕಾಂಗ್ರೆಸ್, ಬಿಜೆಪಿಯಿಂದ ಸ್ಪರ್ಧಿಸಲಿದ್ದಾರೆಯೇ?
---------------------
ನಾನು ಅಹಿಂದ ಎನ್ನುವ ಟೀಕೆ ‘ಕಾಂಪ್ಲಿಮೆಂಟ್’ ಇದ್ದ ಹಾಗೆ
-ಸಿದ್ದರಾಮಯ್ಯ, ಮುಖ್ಯಮಂತ್ರಿ
ಆದರೆ ಅಹಿಂದ ವರ್ಗಕ್ಕೆ ಮಾತ್ರ ಯಾಕೋ ಇರುಸು ಮುರುಸಾಗುತ್ತಿದೆ.
---------------------
ನನ್ನನ್ನು ಸೃಷ್ಟಿಸಿದ್ದೇ ಸಂಸತ್.
-ಪ್ರಣವ್ ಮುಖರ್ಜಿ, ಮಾಜಿ ರಾಷ್ಟ್ರಪತಿ
ಮತ್ತೆ ತಿಂಗಳಿಗೊಮ್ಮೆ ತಿರುಪತಿಯಲ್ಲಿ ಬಟ್ಟೆ ಬಿಚ್ಚಿ ನಿಲ್ಲುತ್ತಿದ್ದುದು ಯಾಕೆ?
---------------------
ಸರಕಾರ ಹಿಂದುತ್ವದ ಪರ ಇರುವ ಅಧಿಕಾರಿಗಳನ್ನು ಗುರಿಯಾಗಿಸಿ ಶಿಕ್ಷೆ ನೀಡುವುದು ಸರಿಯಲ್ಲ
-ವಿಶ್ವೇಶತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಸ್ವಾಮೀಜಿಗಳನ್ನು ಗುರಿಯಾಗಿಸಿ ಶಿಕ್ಷೆ ಕೊಡುವುದಕ್ಕೆ ಅವಕಾಶ ಇಲ್ಲವಲ್ಲ?
---------------------
ಪಾಕ್ ಮತ್ತು ಚೀನಾಕ್ಕಿಂತಲೂ ಶಿವಸೇನೆಯೇ ತನ್ನ ಅತಿದೊಡ್ಡ ವೈರಿ ಎಂದು ಬಿಜೆಪಿ ಭಾವಿಸಿರುವುದು ದುರ್ದೈವ
-ಉದ್ಭವ್ ಠಾಕ್ರೆ, ಶಿವಸೇನೆ ನಾಯಕ
ಮಹಾರಾಷ್ಟ್ರ ಸರಕಾರದೊಳಗಿನ ಗಡಿ ವಿವಾದಕ್ಕಿರಬಹುದು.
---------------------
ರಾಜ್ಯ ಸರಕಾರಕ್ಕೆ ಕೆಟ್ಟ ಹೆಸರು ತರಲು ಬಿಜೆಪಿ ನಾಯಕರು ಪ್ರಯತ್ನಿಸುತ್ತಿದ್ದಾರೆ
-ದಿನೇಶ್ ಗುಂಡೂರಾವ್, ಕೆಪಿಸಿಸಿ ಕಾರ್ಯಾಧಕ್ಷರು
ಅದಕ್ಕಾಗಿ ಕಾಂಗ್ರೆಸ್‌ನಲ್ಲಿಯೇ ಬಹಳಷ್ಟು ನಾಯಕರು ಇದ್ದಾರಲ್ಲ?
---------------------
ಪರಪ್ಪನ ಅಗ್ರಹಾರ ಪಂಚತಾರಾ ಜೈಲು
-ಕಮಲ್ ಹಾಸನ್, ನಟ
ಮತ್ತೇಕೆ ತಡ, ತಾವೂ ಒಮ್ಮೆ ಹೋಗಿ ಬರಬಹುದಲ್ಲ?
---------------------
ದೇಶದ ಸಮಗ್ರತೆ ಕಾಪಾಡುವಷ್ಟು ಶಸ್ತ್ರಾಸ್ತ್ರ ಬಲ ನಮ್ಮ ಸೇನೆಯಲ್ಲಿದೆ
-ಅರುಣ್‌ಜೇಟ್ಲಿ, ಕೇಂದ್ರ ಸಚಿವ
ಸೈನಿಕರಿಗೆ ಒಳ್ಳೆಯ ಆಹಾರದ ಕೊರತೆ ಮಾತ್ರ, ಈಗಿನ ಸಮಸ್ಯೆ ಇರಬೇಕು.
---------------------
ಚಾಲಕ ರಹಿತ ಕಾರುಗಳಿಗೆ ಭಾರತದಲ್ಲಿ ಅವಕಾಶವಿಲ್ಲ
-ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಚಾಲಕರಿದ್ದೇ ರಸ್ತೆಗಳಲ್ಲಿ ರಕ್ತದ ಓಕುಳಿಯಾಗುತ್ತಿದೆ.
---------------------
ಚುನಾವಣೆ ಮಾತ್ರ ಮನಸ್ಸಿನಲ್ಲಿಟ್ಟುಕೊಂಡು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅಡ್ಡದಾರಿಯಲ್ಲಿ ನಡೆಯುತ್ತಿದ್ದಾರೆ
-ಕೆ.ಎಸ್.ಈಶ್ವರಪ್ಪ, ಬಿಜೆಪಿ ನಾಯಕ
ನೀವು ಯಡಿಯೂರಪ್ಪನವರನ್ನು ಮನಸ್ಸಿನಲ್ಲಿಟ್ಟುಕೊಂಡು ಮಾಡುತ್ತಿರುವುದು ಸರಿಯೇ?
---------------------
ಚೀನಾದ ಎಲ್ಲ ಉತ್ಪನ್ನಗಳನ್ನು ಭಾರತೀಯರು ಧಿಕ್ಕರಿಸಬೇಕು
-ಬಾಬಾ ರಾಮ್‌ದೇವ್, ಯೋಗಗುರು
ಬಳಿಕ ನಿಮ್ಮ ಕಳಪೆ ಉತ್ಪನ್ನಗಳನ್ನು ಬಳಸಿ ಆರೋಗ್ಯ ಕೆಡಿಸಿಕೊಳ್ಳಬೇಕೇ?
---------------------
ಮಹಾಮೈತ್ರಿ ಉಳಿಸಿಕೊಳ್ಳಲು ನಾನು ಸಾಕಷ್ಟು ಪ್ರಯತ್ನ ಪಟ್ಟೆ
-ನಿತೀಶ್‌ಕುಮಾರ್, ಬಿಹಾರ ಮುಖ್ಯಮಂತ್ರಿ ಕೊನೆಗೂ ನಿಮ್ಮ ಪ್ರಯತ್ನ ಫಲಿಸಿತು.
---------------------
ಬಿಹಾರ ಮುಖ್ಯಮಂತ್ರಿ ನಿತೀಶ್‌ಕುಮಾರ್ ನಯವಂಚಕ
-ರಾಹುಲ್ ಗಾಂಧಿ, ಎಐಸಿಸಿ ಉಪಾಧ್ಯಕ್ಷ
ಅಧಿಕಾರಕ್ಕಾಗಿ ಅಂತರಾತ್ಮವನ್ನು ಕೆಲವೊಮ್ಮೆ ಮಾರಿಕೊಳ್ಳುವುದು ಅನಿವಾರ್ಯ.
---------------------
ರಾಜ್ಯದಲ್ಲಿ ಜೆಡಿಎಸ್ ಅಧಿಕಾರಕ್ಕೆ ಬರುವವರೆಗೆ ವಿಶ್ರಮಿಸುವುದಿಲ್ಲ
-ಎಚ್.ವಿಶ್ವನಾಥ್, ಮಾಜಿ ಸಂಸದ
ಕಾಂಗ್ರೆಸ್‌ನಲ್ಲಿರುವಾಗ ವಿಶ್ರಮಿಸಿ ಸಾಕಾಯಿತೆಂದು ಕಾಣುತ್ತದೆ.
---------------------
ಬಿಹಾರದ ರಾಜಕೀಯ ಬೆಳವಣಿಗೆ ಇಷ್ಟೊಂದು ಕೀಳುಮಟ್ಟಕ್ಕೆ ಹೋಗುತ್ತದೆ ಎಂದು ನಾನು ಅಂದುಕೊಂಡಿರಲಿಲ್ಲ
-ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ
ಏನಿದ್ದರೂ ಜೆಡಿಸ್ ಬಿಜೆಪಿಯೊಂದಿಗೆ ಅಧಿಕಾರ ಹಂಚಿಕೊಂಡಷ್ಟು ಅಲ್ಲ
