ಪೊನ್ನಂಪೇಟೆ ಶ್ರೀರಾಮಕೃಷ್ಣ ಶಾರದಾಶ್ರಮದ ಶ್ರೀ ಜಗದಾತ್ಮಾನಂದ ಸ್ವಾಮಿ ವಿಧಿವಶ

ಮಡಿಕೇರಿ, ನ.15 : ಬದುಕಲು ಕಲಿಯಿರಿ ಪುಸ್ತಕದ ಖ್ಯಾತಿಯ ಪೊನ್ನಂಪೇಟೆ ಶ್ರೀರಾಮಕೃಷ್ಣ ಶಾರದಾಶ್ರಮದ ಸಂಸ್ಥಾಪಕ ಶ್ರೀಜಗದಾತ್ಮನಂದ ಸ್ವಾಮೀಜಿ (89) ವಿಧಿವಶರಾಗಿದ್ದಾರೆ.

ನ್ಯುಮೋನಿಯ ಖಾಯಿಲೆಯಿಂದ ಬಳಲುತ್ತಿದ್ದ ಸ್ವಾಮೀಜಿ ಕಳೆದ 1 ತಿಂಗಳಿನಿಂದ ಮೈಸೂರು ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಸ್ವಾಮೀಜಿ ಬರೆದಿರುವ 'ಬದುಕಲು ಕಲಿಯಿರಿ' ಪುಸ್ತಕ 9 ಭಾಷೆಗಳಲ್ಲಿ ಅನುವಾದಗೊಂಡು ವಿಶ್ವ ವಿಖ್ಯಾತಗೊಂಡಿತ್ತು. ಇಂದು ರಾತ್ರಿ 7.30ಕ್ಕೆ ಸ್ವಾಮೀಜಿ ವಿಧಿ ವಶರಾಗಿದ್ದು, ಅಂತ್ಯಕ್ರಿಯೆ ನ.16 ರಂದು ಪೊನ್ನಂಪೇಟೆಯಲ್ಲಿ ನಡೆಯಲಿದೆ.