ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರ: 1513231 ಮತದಾರರು
ಉಡುಪಿ, ಎ.11: ಇದೇ ಬರುವ ಎ.18ರಂದು ನಡೆಯುವ ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಚುನಾವಣೆಗೆ ಸಂಬಂಧಿಸಿದಂತೆ ಒಟ್ಟು 15,13,231 ಮಂದಿ ಅರ್ಹ ಮತದಾರರು ಇದ್ದಾರೆ ಎಂದು ಜಿಲ್ಲಾ ಚುನಾವಣಾಧಿಕಾರಿ ಕಚೇರಿಯಿಂದ ಬಿಡುಗಡೆಗೊಂಡಿರುವ ಚುನಾವಣಾ ಪೂರ್ವ ಅಂತಿಮ ಮತದಾರರ ಪಟ್ಟಿಯಲ್ಲಿ ತಿಳಿಸಲಾಗಿದೆ.
ವಿಧಾನಸಭಾ ಕ್ಷೇತ್ರವಾರು ಮತದಾರರ ವಿವರ ಹೀಗಿದೆ. ಕುಂದಾಪುರದ 222 ಮತಗಟ್ಟೆ ವ್ಯಾಪ್ತಿಯಲ್ಲಿ 97,692 ಪುರುಷರು, 1,05,585 ಮಹಿಳೆ ಯರು ಮತ್ತು ಇತರೆ 2 ಸೇರಿ ಒಟ್ಟು 2,03,279 ಮತದಾರರು, ಉಡುಪಿಯ 226 ಮತಗಟ್ಟೆ ವ್ಯಾಪ್ತಿಯಲ್ಲಿ 1,01,386 ಪುರುಷರು, 1,08,116 ಮಹಿಳೆಯರು ಮತ್ತು ಇತರೆ 2 ಸೇರಿ ಒಟ್ಟು 2,09,504 ಮತದಾರರು.
ಕಾಪು ವಿಧಾನಸಭಾ ಕ್ಷೇತ್ರದ 208 ಮತಗಟ್ಟೆ ವ್ಯಾಪ್ತಿಯಲ್ಲಿ 87,704 ಪುರುಷರು, 96,384 ಮಹಿಳೆಯರು ಮತ್ತು ಇತರೆ 13 ಸೇರಿ ಒಟ್ಟು 1,84,101 ಮತದಾರರು, ಕಾರ್ಕಳದ 209 ಮತಗಟ್ಟೆ ವ್ಯಾಪ್ತಿಯಲ್ಲಿ 87,915 ಪುರುಷರು, 95,612 ಮಹಿಳೆಯರು ಮತ್ತು ಇತರೆ 1 ಸೇರಿ ಒಟ್ಟು 1,83,528 ಮತದಾರರಿದ್ದಾರೆ.
ಇನ್ನು ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿ ವಿಧಾನಸಭಾ ಕ್ಷೇತ್ರದ 256 ಮತಗಟ್ಟೆ ವ್ಯಾಪ್ತಿಯಲ್ಲಿ 81,605 ಪುರುಷರು, 83,889 ಮಹಿಳೆಯರು ಮತ್ತು ಇತರೆ 4 ಸೇರಿ ಒಟ್ಟು 1,65,498, ಮೂಡಿಗೆರೆ ಕ್ಷೇತ್ರದ 231 ಮತಗಟ್ಟೆ ವ್ಯಾಪ್ತಿಯಲ್ಲಿ 83,054 ಪುರುಷರು, 85,711 ಮಹಿಳೆಯರು ಮತ್ತು ಇತರೆ 9 ಮಂದಿ ಸೇರಿ ಒಟ್ಟು 1,68,774 ಮತದಾರರಿದ್ದಾರೆ.
ಚಿಕ್ಕಮಗಳೂರು ವಿಧಾನಸಭಾ ಕ್ಷೇತ್ರದ 257 ಮತಗಟ್ಟೆ ವ್ಯಾಪ್ತಿಯಲ್ಲಿ 1,06,964 ಪುರುಷರು, 1,07,971 ಮಹಿಳೆಯರು ಮತ್ತು ಇತರೆ 23 ಸೇರಿ ಒಟ್ಟು 2,19,958 ಹಾಗೂ ತರೀಕೆರೆ ಕ್ಷೇತ್ರದ 228 ಮತಗಟ್ಟೆ ವ್ಯಾಪ್ತಿಯಲ್ಲಿ 92,183 ಪುರುಷರು, 91,406 ಮಹಿಳೆಯರು ಸೇರಿದಂತೆ ಒಟ್ಟು 1,83,589 ಮತದಾರರಿದ್ದಾರೆ.
ಒಟ್ಟಾರೆಯಾಗಿ ಉಡುಪಿ- ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದಲ್ಲಿ ಒಟ್ಟು 8 ವಿಧಾನಸಬಾ ಕ್ಷೇತ್ರದ 1,837 ಮತಗಟ್ಟೆ ವ್ಯಾಪ್ತಿಯಲ್ಲಿ 7,38,503 ಪುರುಷರು, 7,74,674 ಮಹಿಳೆಯರು ಹಾಗೂ 54 ಮಂದಿ ಇತರೆ ಸೇರಿ ಒಟ್ಟು 15,13,231 ಮತದಾರರಿದ್ದಾರೆ.