ದ್ವಿತೀಯ ಪಿಯುಸಿ ಫಲಿತಾಂಶ ದ್ವಿತೀಯ ಸ್ಥಾನಕ್ಕೆ ಇಳಿದ ದ.ಕ.ಜಿಲ್ಲೆ
ಮಂಗಳೂರು, ಎ.15: ಕಳೆದ ವರ್ಷ ದ್ವಿತೀಯ ಪಿಯುಸಿ ಲಿತಾಂಶದಲ್ಲಿ ಪ್ರಥಮ ಸ್ಥಾನದಲ್ಲಿದ್ದ ದ.ಕ. ಜಿಲ್ಲೆ ಈ ಬಾರಿ ದ್ವಿತೀಯ ಸ್ಥಾನಕ್ಕೆ ಇಳಿದಿದೆ. ಆ ಮೂಲಕ ಜಿಲ್ಲೆಯಲ್ಲಿ ಪರೀಕ್ಷೆ ಬರೆದ 38,069 ವಿದ್ಯಾರ್ಥಿಗಳ ಪೈಕಿ 33,088 ಮಂದಿ ತೇರ್ಗಡೆ ಹೊಂದಿದ್ದು, ಶೇ. 86.92 ಲಿತಾಂಶ ದಾಖಲಾಗಿದೆ.
ವಾಣಿಜ್ಯ ವಿಭಾಗದಲ್ಲಿ ಮೊದಲ ಮೂರು ಸ್ಥಾನಗಳು ದ.ಕ. ಜಿಲ್ಲೆಯ ಪಾಲಾಗಿದೆ. ಅಂದರೆ ಮೂಡುಬಿದಿರೆ ಆಳ್ವಾಸ್ ಪಪೂ ಕಾಲೇಜಿನ ವಿದ್ಯಾರ್ಥಿನಿ ಓಲ್ವಿಟಾ ಅನ್ಸಿಲ್ಲಾ ಡಿಸೋಜ ಹಾಗೂ ಅಳಿಕೆ ಸತ್ಯಸಾಯಿ ಲೋಕಸೇವಾ ಪಪೂ ಕಾಲೇಜಿನ ಶ್ರೀಕೃಷ್ಣ ಶರ್ಮ ಕೆ. 596 ಅಂಕ ಗಳಿಸಿ ರಾಜ್ಯಕ್ಕೇ ಪ್ರಥಮ ಸ್ಥಾನ ಪಡೆದರೆ, ಕೊಡಿಯಾಲ್ಬೈಲ್ ಕೆನರಾ ಪಪೂ ಕಾಲೇಜು ವಿದ್ಯಾರ್ಥಿನಿ ಶ್ರೀಯಾ ಶೆಣೈ 595 ಅಂಕ ಗಳಿಸಿ ರಾಜ್ಯಕ್ಕೆ ಎರಡನೇ ಸ್ಥಾನ ಗಳಿಸಿದ್ದಾರೆ. ಪುತ್ತೂರು ಸೈಂಟ್ ಫಿಲೋಮಿನ ಪಪೂ ಕಾಲೇಜಿನ ಸ್ವಸ್ತಿಕ್ ಪಿ. 594 ಅಂಕ ಗಳಿಸಿದ್ದಾರೆ.
ವಿಜ್ಞಾನ ವಿಭಾಗದಲ್ಲಿ ಪುತ್ತೂರು ವಿವೇಕಾನಂದ ಕಾಲೇಜಿನ ಜಾಗೃತಿ ಕೆ. ನಾಯಕ್ 592 ಅಂಕಗಳೊಂದಿಗೆ ರಾಜ್ಯಕ್ಕೆ ಮೂರನೇ ಸ್ಥಾನ ಪಡೆದರೆ, ಕೊಡಿಯಾಲ್ಬೈಲ್ ಶಾರದಾ ವಿದ್ಯಾಲಯದ ವಿದ್ಯಾರ್ಥಿಗಳಾದ ಪ್ರಥಮ್ ಎನ್. ಹಾಗೂ ಶಮಿತಾಕುಮಾರಿ ಎಸ್. 591 ಅಂಕಗಳೊಂದಿಗೆ ರಾಜ್ಯಕ್ಕೆ ನಾಲ್ಕನೇ ಸ್ಥಾನ ಗಳಿಸಿದ್ದಾರೆ.
ಶೇಕಡಾವಾರು ಫಲಿತಾಂಶದಲ್ಲಿ ಇಳಿಕೆ
2013ರಿಂದ 2018ರವರೆಗಿನ ದ್ವಿತೀಯ ಪಿಯುಸಿ ಲಿತಾಂಶದ ಪೈಕಿ ದ.ಕ. ಜಿಲ್ಲೆಯು ಪ್ರಥಮ ಅಥವಾ ದ್ವಿತೀಯ ಸ್ಥಾನವನ್ನು ಕಾಯ್ದುಕೊಂಡಿರುವುದು ಗಮನಾರ್ಹವಾಗಿದೆ. ದ.ಕ. ಜಿಲ್ಲೆಗೆ 2013ರಲ್ಲಿ ಶೇ.91.76 ಲಿತಾಂಶದೊಂದಿಗೆ ದ್ವಿತೀಯ ಸ್ಥಾನ, 2014, 2015, 2016ರಲ್ಲಿ ಕ್ರಮವಾಗಿ ಶೇ. 86.4, ಶೇ.93.09, ಶೇ.90.48 ಲಿತಾಂಶದೊಂದಿಗೆ ಪ್ರಥಮ ಸ್ಥಾನ, 2017ರಲ್ಲಿ ಶೇ.89. 92 ಲಿತಾಂಶದೊಂದಿಗೆ ದ್ವಿತೀಯ ಸ್ಥಾನ, 2018ನೇ ಸಾಲಿನ ಲಿತಾಂಶದಲ್ಲಿ ಶೇ.91.49 ಲಿತಾಂಶದೊಂದಿಗೆ ಪ್ರಥಮ ಸ್ಥಾನ ಮತ್ತು ಈ ಸಲ ಶೇ.90.91 ಲಿತಾಂಶದೊಂದಿಗೆ ದ್ವಿತೀಯ ಸ್ಥಾನ ಪಡೆದಿದೆ.
ದ.ಕ.ಜಿಲ್ಲೆ: 33,088 ವಿದ್ಯಾರ್ಥಿಗಳು ತೇರ್ಗಡೆ
ಮಂಗಳೂರು, ಎ.15: ದ.ಕ.ಜಿಲ್ಲೆಯ 53 ಸರಕಾರಿ ಮತ್ತು 149 ಖಾಸಗಿ ಪಿಯು ಕಾಲೇಜಿನ ದ್ವಿತೀಯ ಪಿಯು ಪರೀಕ್ಷೆಗೆ ಹಾಜರಾದ 38,069 ವಿದ್ಯಾರ್ಥಿಗಳ ಪೈಕಿ 33,088 ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ ಶೇ.86.92 ಸಾಧನೆಗೈದಿದ್ದಾರೆ. ಅದರಲ್ಲಿ 15,948 ಹುಡುಗರು ಮತ್ತು 17,140 ಹುಡುಗಿಯರು ಸೇರಿದ್ದಾರೆ. ಪರೀಕ್ಷೆ ಹಾಜರಾತಿಯಲ್ಲಿ ಹುಡುಗರ ಸಂಖ್ಯೆ 19,153 ಇದ್ದರೆ, ಹುಡುಗಿಯರ ಸಂಖ್ಯೆ 18,916 ಇತ್ತು. ತೇರ್ಗಡೆ ಹೊಂದಿದ ಹುಡುಗರ ಸಾಧನೆ ಶೇ.83.27 ಆಗಿದ್ದರೆ, ಹುಡುಗಿಯರ ಸಾಧನೆ 90.61 ಆಗಿದೆ.
ಕಲಾ ವಿಭಾಗದಲ್ಲಿ 4,831 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, ಆ ಪೈಕಿ 3,762 ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ ಶೇ.77.87 ಸಾಧನೆಗೈದಿದ್ದಾರೆ.
ವಾಣಿಜ್ಯ ವಿಭಾಗದಲ್ಲಿ 16,526 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, ಆ ಪೈಕಿ 14,347 ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ ಶೇ.86.81 ಸಾಧನೆಗೈದಿದ್ದಾರೆ.
ವಿಜ್ಞಾನ ವಿಭಾಗದಲ್ಲಿ 16,712 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು,ಆ ಪೈಕಿ 14,979 ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ ಶೇ.89.63 ಸಾಧನೆಗೈದಿದ್ದಾರೆ.
ನಗರ-ಗ್ರಾಮಾಂತರ: ನಗರ ವ್ಯಾಪ್ತಿಯ 25,408 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, 22,736 ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ 89.48 ಸಾಧನೆಗೈದಿದ್ದರೆ,ಗ್ರಾಮಾಂತರ ವ್ಯಾಪ್ತಿಯ 12,661 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, 10,352 ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ 81.76 ಸಾಧನೆಗೈದಿದ್ದಾರೆ.
ದ.ಕ. ಜಿಲ್ಲೆಯಲ್ಲಿ ಪಿಯುಸಿಯಲ್ಲಿ ಉತ್ತಮ ಲಿತಾಂಶಕ್ಕಾಗಿ ಪ್ರತಿ ಬಾರಿಯಂತೆ ಈ ಸಲವೂ ಸಾಕಷ್ಟು ಪ್ರಯತ್ನಗಳನ್ನು ಮಾಡಲಾಗಿತ್ತು. ವಾಣಿಜ್ಯ ವಿಭಾಗದಲ್ಲಿ ರಾಜ್ಯದಲ್ಲಿ ಜಿಲ್ಲೆಗೆ ಮೊದಲ ನಾಲ್ಕು ಸ್ಥಾನ ಬಂದಿದೆ. ಮುಂದೆ ಫಲಿತಾಂಶ ಹೆಚ್ಚಿಸಲು ಕ್ರಮ ಕೈಗೊಳ್ಳಲಾಗುವುದು.
-ಎಲ್ವೀರಾ ಫಿಲೋಮಿನಾ
ಪ್ರಭಾರ ಉಪ ನಿರ್ದೇಶಕಿ
ದ.ಕ. ಜಿಲ್ಲಾ ಪಪೂ ಶಿಕ್ಷಣ ಇಲಾಖೆ
ವಾಣಿಜ್ಯ ವಿಭಾಗ: ದ.ಕ.ಜಿಲ್ಲೆಯ ಇಬ್ಬರಿಗೆ ರಾಜ್ಯದಲ್ಲಿ ಪ್ರಥಮ ಸ್ಥಾನ
ದ್ವಿತೀಯ ಪಿಯು ವಾಣಿಜ್ಯ ವಿಭಾಗದ ಪರೀಕ್ಷೆಯಲ್ಲಿ ದ.ಕ. ಜಿಲ್ಲೆಯ ಇಬ್ಬರು ವಿದ್ಯಾರ್ಥಿಗಳು ಸಮಾನ ಅಂಕಗಳನ್ನು ಗಳಿಸುವ ಮೂಲಕ ರಾಜ್ಯಕ್ಕೆ ಪ್ರಥಮ ಸ್ಥಾನಿಯಾಗಿದ್ದಾರೆ.
ಮೂಡುಬಿದಿರೆ ಆಳ್ವಾಸ್ ಪಪೂ ಕಾಲೇಜಿನ ವಿದ್ಯಾರ್ಥಿನಿ ಒಲ್ವಿಟಾ ಅನ್ಸಿಲ್ಲಾ ಡಿಸೋಜ ಹಾಗೂ ವಿಟ್ಲ ಸಮೀಪದ ಅಳಿಕೆ ಸತ್ಯಸಾಯಿ ಲೋಕಸೇವಾ ಪಿಯು ಕಾಲೇಜಿನ ವಿದ್ಯಾರ್ಥಿ ಶ್ರೀಕೃಷ್ಣ ಶರ್ಮಾ ಕೆ. ತಲಾ 596 (99.33 ಶೇ.)ಅಂಕಗಳನ್ನು ಗಳಿಸಿದ್ದಾರೆ.
ಕಿನ್ನಿಗೋಳಿಯ ಒಲ್ವಿರಾ ಉಬಾಲ್ಡ್ ಡಿಸೋಜ ಹಾಗೂ ಅನಿತಾ ಮರಿಯ ಡಿಸೋಜ ದಂಪತಿಯ ಪುತ್ರಿಯಾದ ಒಲ್ವಿಟಾ ಬಿಸಿನೆಸ್ ಸ್ಟಡೀಸ್, ಅಕೌಂಟ್ಸ್, ಬೇಸಿಕ್ ಮ್ಯಾಥ್ಸ್ ಹಾಗೂ ಸ್ಟಾಟಿಸ್ಟಿಕ್ಸ್ ವಿಷಯದಲ್ಲಿ ತಲಾ 100 ಅಂಕಗಳನ್ನು ಮತ್ತು ಇಂಗ್ಲಿಷ್-ಹಿಂದಿ ವಿಷಯಗಳಲ್ಲಿ ತಲಾ 98 ಅಂಕಗಳನ್ನು ಗಳಿಸಿದ್ದಾರೆ.
ಬದಿಯಡ್ಕದ ಪೆರ್ಡಾಲ ನಿವಾಸಿಯಾಗಿರುವ ಕೃಷಿಕ ಸುಬ್ರಹ್ಮಣ್ಯ ಭಟ್ ಹಾಗೂ ಶಾರದಾ ದಂಪತಿಯ ಪುತ್ರನಾದ ಶ್ರೀಕೃಷ್ಣ ಶರ್ಮಾ ಇಂಗ್ಲಿಷ್ನಲ್ಲಿ 96, ಸಂಸ್ಕೃತ, ಬಿಸಿನೆಸ್ ಸ್ಟಡೀಸ್, ಅಂಕಿಅಂಶ ಶಾಸ್ತ್ರ, ಲೆಕ್ಕಶಾಸ್ತ್ರ ಮತ್ತು ಮೂಲ ಗಣಿತದ ಅಧ್ಯಯನದಲ್ಲಿ ತಲಾ 100 ಅಂಕಗಳನ್ನು ಗಳಿಸಿದ್ದಾರೆ.
ಮಂಗಳೂರಿನ ಕೆನರಾ ಪಿಯು ಕಾಲೇಜಿನ ವಾಣಿಜ್ಯ ವಿಭಾಗದ ವಿದ್ಯಾರ್ಥಿನಿ ಶ್ರೇಯಾ ಶೆಣೈ 595 (ಶೇ.99.16) ಅಂಕಗಳೊಂದಿಗೆ ದ್ವಿತೀಯ ಸ್ಥಾನ ಗಳಿಸಿದ್ದಾರೆ. ಪುತ್ತೂರಿನ ಸೈಂಟ್ ಫಿಲೋಮಿನಾ ಪಿಯು ಕಾಲೇಜಿನ ವಾಣಿಜ್ಯ ವಿಭಾಗದ ವಿದ್ಯಾರ್ಥಿ ಸ್ವಸ್ತಿಕ್ ಪಿ. ಸಹಿತ ಏಳು ಮಂದಿ 594 (ಶೇ.99) ಅಂಕಗಳೊಂದಿಗೆ ರಾಜ್ಯಕ್ಕೆ ತೃತೀಯ ಸ್ಥಾನಿಗಳಾಗಿದ್ದಾರೆ.
.....
ನಾನು 590ರಷ್ಟು ಅಂಕಗಳನ್ನು ನಿರೀಕ್ಷಿಸಿದ್ದೆ. ಆದರೆ, 595 ಅಂಕ ಗಳಿಸಿ ರಾಜ್ಯಕ್ಕೆ ದ್ವಿತೀಯ ಸ್ಥಾನಿಯಾಗುವೆ ಎಂದು ನಿರೀಕ್ಷಿಸಿರಲಿಲ್ಲ. ಇದರಿಂದ ನನಗೆ ತುಂಬಾ ಕುಶಿಯಾಗಿದೆ. ನಾನೇನು ಓದುವುದರಲ್ಲೇ ಹೆಚ್ಚು ಮಗ್ನನಾಗಿರಲಿಲ್ಲ. ಪರೀಕ್ಷೆಯ ಸಂದರ್ಭ ಓದಿನತ್ತ ಹೆಚ್ಚು ಗಮನ ಹರಿಸಿದ್ದೆ. ತಂದೆ-ತಾಯಿ ಸಹಿತ ಮನೆಯವರು ಮತ್ತು ಉಪನ್ಯಾಸಕ ವೃಂದದವರ ಪ್ರೋತ್ಸಾಹ, ಸಹಕಾರದಿಂದ ನನಗೆ ಈ ಸಾಧನೆ ಮಾಡಲು ಸಾಧ್ಯವಾಯಿತು. ಮುಂದೆ ಸಿಎ ಮಾಡಬೇಕು ಎಂಬ ಆಸೆ ಇದೆ.
ಇದು ವಾಣಿಜ್ಯ ವಿಭಾಗದಲ್ಲಿ ರಾಜ್ಯಕ್ಕೆ ಎರಡನೇ ಸ್ಥಾನ ಪಡೆದುಕೊಂಡ ಕೊಡಿಯಾಲ್ಬೈಲ್ ಕೆನರಾ ಪಪೂ ಕಾಲೇಜಿನ ಶ್ರೀಯಾ ಶೆಣೈಯ ಮಾತು.
ಉದ್ಯಮಿ ಬಿಕರ್ನಕಟ್ಟೆಯ ಪಿ. ಗಣೇಶ್ ಶೆಣೈ ಮತ್ತು ಗೃಹಿಣಿ ಶಾಲಿನಿ ಶೆಣೈ ದಂಪತಿಯ ಇಬ್ಬರು ಮಕ್ಕಳಲ್ಲಿ ಶ್ರೀಯಾ ಮೊದಲಿನವರು. ಸಹೋದರ ಸೋಮ್ ಪ್ರಸಾದ್ ಎಂಟನೇ ತರಗತಿ ಓದುತ್ತಿದ್ದಾರೆ. ರಾಜ್ಯಕ್ಕೆ ದ್ವಿತೀಯ ಸ್ಥಾನಿಯಾಗಿರುವ ಶ್ರೀಯಾ ಬೆಳಗ್ಗಿನ ಅವಧಿಯಲ್ಲಿ ಓದುತ್ತಿರಲಿಲ್ಲ. ರಾತ್ರಿ ಹೊತ್ತಿನಲ್ಲಿ ಅಭ್ಯಾಸ ಮಾಡಿ ತರಗತಿಯಲ್ಲಿ ಪಾಠ ಮಾಡಿದನ್ನು ನೆನಪಿಟ್ಟುಕೊಂಡೇ ಈ ಸಾಧನೆ ಮಾಡಿದ್ದಾರೆ.
ವಿಜ್ಞಾನ ವಿಭಾಗದಲ್ಲಿ ಕೊಡಿಯಾಲ್ಬೈಲ್ ಶಾರದಾ ಪಪೂ ಕಾಲೇಜಿನ ಪ್ರಥಮ್ ಎನ್. ಹಾಗೂ ಶಮಿತಾಕುಮಾರಿ ಎಸ್. 591 ಅಂಕಗಳೊಂದಿಗೆ ರಾಜ್ಯಕ್ಕೆ ನಾಲ್ಕನೇ ಸ್ಥಾನ ಗಳಿಸಿದ್ದಾರೆ.
*ಪ್ರಥಮ್ ಮಂಗಳೂರು ನಗರ ಪೊಲೀಸ್ ಆಯುಕ್ತರ ಕಚೇರಿಯ ಪ್ರಥಮ ದರ್ಜೆ ಸಹಾಯಕರಾಗಿರುವ ಪಾಂಡೇಶ್ವರದ ಎಸ್. ನಾಗರಾಜ್ ಹಾಗೂ ಕೊಲ್ಯ ಸೈಂಟ್ ಜೋಸೆಫ್ ಜೋಯ್ಲ್ಯಾಂಡ್ ಶಾಲೆಯ ಶಿಕ್ಷಕಿ ವೈಷ್ಣವಿ ದಂಪತಿಯ ಪುತ್ರ. ‘ರಜಾ ದಿನಗಳಲ್ಲಿ ಕೋಚಿಂಗ್ ಪಡೆದುಕೊಳ್ಳುತ್ತಿದ್ದೆ. ಪಠ್ಯಕ್ಕೆ ಸಂಬಂಧಿಸಿದ ಸಂಶಯವಿದ್ದರೆ ಉಪನ್ಯಾಸಕರ ಬಳಿ ಕೇಳಿ ಪರಿಹರಿಸಿಕೊಳ್ಳುತ್ತಿದ್ದೆ. ಇದರಿಂದ ನಿರೀಕ್ಷಿತ ಅಂಕ ಗಳಿಸುವುದಕ್ಕೆ ಸಾಧ್ಯವಾಯಿತು’ ಎಂದು ಪ್ರಥಮ್ ಹೇಳುತ್ತಾರೆ. ಮುಂದೆ ಇಸ್ರೋದಲ್ಲಿ ವಿಜ್ಞಾನಿಯಾಗಬೇಕು ಎಂದು ವಿಶ್ವಾಸದಿಂದ ನುಡಿಯುತ್ತಾರೆ.
*ಶಮಿತಾ ಕುಮಾರಿ ಎಸ್. ಡ್ರೆಸ್ ಡಿಸೈನರ್ ಪಾಂಡೇಶ್ವರದ ಎಸ್. ವೆಂಕಟೇಶ್ವರಕುಮಾರ್ ಹಾಗೂ ಸ್ಟೋರ್ವೊಂದರ ಉದ್ಯೋಗಿಯಾಗಿರುವ ಟಿ. ಕಲ್ಪನಾ ದಂಪತಿಯ ಪುತ್ರಿ. ಕಾಲೇಜಿನಲ್ಲೇ ಕೋಚಿಂಗ್ ಪಡೆದುಕೊಳ್ಳುತ್ತಿದ್ದ ಶಮಿತಾ, ಓದಿಗೆಂದೇ ಪ್ರತ್ಯೇಕ ವೇಳಾಪಟ್ಟಿಯನ್ನು ಸಿದ್ಧಪಡಿಸಿಕೊಂಡಿದ್ದರು. ಮುಂದೆ ಐಎಎಸ್ ಮಾಡಬೇಕೆಂಬುದು ಶಮಿತಾ ಕನಸು ಹೊತ್ತಿದ್ದಾರೆ.