ಉಡುಪಿ: 155 ಗ್ರಾಪಂಗಳ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನಗಳಿಗೆ ಮೀಸಲಾತಿ ಮಾರ್ಗಸೂಚಿ ಪ್ರಕಟ
ಉಡುಪಿ, ಜ.3: ಗ್ರಾಮ ಪಂಚಾಯತ್ಗಳ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಗಳಿಗೆ ಮೀಸಲಾತಿ ಮಾರ್ಗಸೂಚಿಯನ್ನು ರಾಜ್ಯ ಚುನಾವಣಾ ಆಯೋಗ ಪ್ರಕಟಿಸಿದ್ದು, ಅದರಂತೆ ಉಡುಪಿ ಜಿಲ್ಲೆಯ ಒಟ್ಟು ಏಳು ತಾಲೂಕು ಒಟ್ಟು 155 ಗ್ರಾಪಂಗಳ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಗಳನ್ನು ತಲಾ 80 ಮಹಿಳೆ ಯರು ಅಲಂಕರಿಸಲಿದ್ದಾರೆ.
ಜಿಲ್ಲಾಧಿಕಾರಿಗಳು ತಾಲೂಕಿನಲ್ಲಿರುವ ಎಲ್ಲ ಗ್ರಾಪಂಗಳನ್ನು ಗಣನೆಗೆ ತೆಗೆದು ಕೊಂಡು ಆಯೋಗವು ವರ್ಗಾವಾರು ನಿಗದಿಪಡಿಸಿರುವ ಎಲ್ಲ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಹುದ್ದೆಗಳನ್ನು ಹಂಚಿಕೆ ಮಾಡಲು ಕ್ರಮ ತೆಗೆದುಕೊಳ್ಳಲಿದ್ದಾರೆ.
ಕುಂದಾಪುರ ತಾಲೂಕಿನ ಹೊಸಾಡು ಗ್ರಾಪಂ, ಬ್ರಹ್ಮಾವರ ತಾಲೂಕಿನ ಕೋಡಿ ಕನ್ಯಾನದಲ್ಲಿ ಚುನಾವಣೆ ನಡೆಯದಿದ್ದರೂ ಈ ಮೀಸಲಾತಿ ಇಲ್ಲಿಗೂ ನಿಗದಿಯಾಗಲಿದೆ. ಮುಂದೆ ಚುನಾವಣೆ ನಡೆದರೆ ಇದೇ ಮೀಸಲಾತಿ ಮುಂದು ವರಿಯಲಿದೆ.
ಉಡುಪಿ ತಾಲೂಕಿನ 16 ಗ್ರಾ.ಪಂ.ಗಳಲ್ಲಿ ಎಂಟು ಗ್ರಾಪಂಗಳಲ್ಲಿ ಅಧ್ಯಕ್ಷರು ಮತ್ತು ಎಂಟು ಉಪಾಧ್ಯಕ್ಷರು ಮಹಿಳೆಯರಾಗಲಿದ್ದಾರೆ. ಒಂದು ಅನುಸೂಚಿತ ಜಾತಿ ಮಹಿಳೆ, ಒಂದು ಅನುಸೂಚಿತ ಪಂಗಡ ಮಹಿಳೆ, ಹಿಂದುಳಿದ ವರ್ಗ ಅ ವರ್ಗದ ನಾಲ್ಕರಲ್ಲಿ ಎರಡು ಮಹಿಳೆಯರು, ಹಿಂದುಳಿದ ವರ್ಗ ಬ ವರ್ಗ ದಲ್ಲಿ ಒಬ್ಬರು ಮಹಿಳೆಯರು, 9 ಸಾಮಾನ್ಯದಲ್ಲಿ ಮೂವರು ಮಹಿಳೆಯರು.
ಕಾಪು ತಾಲೂಕಿನ 16 ಗ್ರಾಪಂಗಳಲ್ಲಿ ಎಂಟು ಅಧ್ಯಕ್ಷ, ಎಂಟು ಉಪಾಧ್ಯಕ್ಷರ ಸ್ಥಾನ ಮಹಿಳೆಯರ ಪಾಲಾಗಲಿದೆ. ಒಂದು ಅನುಸೂಚಿತ ಜಾತಿ ಮಹಿಳೆ, ಒಂದು ಹಿಂದುಳಿದ ವರ್ಗ ಬ ವರ್ಗ ಮಹಿಳೆ, ನಾಲ್ಕು ಹಿಂದುಳಿದ ವರ್ಗ ಅ ವರ್ಗದಲ್ಲಿ ಎರಡು ಮಹಿಳೆ, ಸಾಮಾನ್ಯ 10ರಲ್ಲಿ ನಾಲ್ಕು ಮಹಿಳೆಯರು.
ಬ್ರಹ್ಮಾವರದ 27ರಲ್ಲಿ 14 ಅಧ್ಯಕ್ಷ, ಉಪಾಧ್ಯಕ್ಷರ ಸ್ಥಾನ ಮಹಿಳೆಯರ ಏರ ಲಿದ್ದಾರೆ. ಇಲ್ಲಿ ತಲಾ ಒಂದು ಅನುಸೂಚಿತ ಜಾತಿ, ಪಂಗಡಕ್ಕೆ ಮಹಿಳೆಯರು, ಹಿಂದುಳಿದ ವರ್ಗ ಅ ಏಳರಲ್ಲಿ ನಾಲ್ಕು, ಹಿಂದುಳಿದ ವರ್ಗ ಬ ಎರಡರಲ್ಲಿ ಒಂದು, ಸಾಮಾನ್ಯ 16ರಲ್ಲಿ ಏಳು ಮಹಿಳೆ.
ಕುಂದಾಪುರದ 45 ಗ್ರಾಪಂಗಳಲ್ಲಿ 23 ಅಧ್ಯಕ್ಷ, ಉಪಾಧ್ಯಕ್ಷರ ಸ್ಥಾನವನ್ನು ಮಹಿಳೆಯರು ಅಲಂಕರಿಸಲಿರುವರು. ಅನುಸೂಚಿತ ಜಾತಿ ಮೂರು ಸ್ಥಾನಗಳಲ್ಲಿ ಎರಡು ಮಹಿಳೆ, ಅನುಸೂಚಿತ ಪಂಗಡದ ಒಂದು ಮಹಿಳೆ, ಹಿಂ. ವರ್ಗ ಅ 12ರಲ್ಲಿ ಆರು ಮಹಿಳೆ, ಹಿಂ. ವರ್ಗ ಬ ಮೂರರಲ್ಲಿ ಎರಡು ಮಹಿಳೆ, ಸಾಮಾನ್ಯ 26ರಲ್ಲಿ 12 ಮಹಿಳೆ.
ಬೈಂದೂರಿನ 15 ಗ್ರಾಪಂಗಳಲ್ಲಿ 8 ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನ ಮಹಿಳೆಯರಿಗೆ ಮೀಸಲಿರಿಸಲಾಗಿದೆ. ಅನುಸೂಚಿತ ಜಾತಿ ಒಂದು ಮಹಿಳೆ, ಅನುಸೂಚಿತ ಪಂಗಡ ಒಂದು ಮಹಿಳೆ, ಹಿಂ.ವರ್ಗ ಬ ವರ್ಗದಲ್ಲಿ ಒಂದು ಮಹಿಳೆ, ಹಿಂ. ವರ್ಗ ಅ ನಾಲ್ಕರಲ್ಲಿ ಎರಡು ಮಹಿಳೆ, ಸಾಮಾನ್ಯದ ಎಂಟರಲ್ಲಿ ಮೂರು ಸ್ಥಾನ ಮಹಿಳೆ.
ಕಾರ್ಕಳದ 27 ಗ್ರಾಪಂಗಳಲ್ಲಿ 14 ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನಕ್ಕೆ ಮಹಿಳೆಯರ ಪಾಲಾಗಲಿದೆ. ಅನುಸೂಚಿತ ಜಾತಿಯ ಮೂರರಲ್ಲಿ ಎರಡು ಮಹಿಳೆ, ಒಂದು ಅನುಸೂಚಿತ ಪಂಗಡ ಮಹಿಳೆ, ಹಿಂ.ವರ್ಗ ಅ 7ರಲ್ಲಿ ನಾಲ್ಕು ಮಹಿಳೆ, ಹಿಂ. ವರ್ಗ ಬ ಎರಡರಲ್ಲಿ ಒಂದು ಮಹಿಳೆ, ಸಾಮಾನ್ಯ 14ರಲ್ಲಿ ಆರು ಮಹಿಳೆ.
ಹೆಬ್ರಿಯ 9 ಗ್ರಾಪಂಗಳಲ್ಲಿ ಐದು ಅಧ್ಯಕ್ಷ ಸ್ಥಾನ, ಐದು ಉಪಾಧ್ಯಕ್ಷ ಸ್ಥಾನ ಮಹಿಳೆಯರ ಪಾಲಾಗಲಿದೆ. ಒಂದು ಅನುಸೂಚಿತ ಪಂಗಡ ಮಹಿಳೆ, ಎರಡು ಹಿಂ. ವರ್ಗ ಅ ಮಹಿಳೆ, ಸಾಮಾನ್ಯ 5ರಲ್ಲಿ ಎರಡು ಮಹಿಳೆಯರು, ಹಿಂ. ವರ್ಗ ಬ ಒಂದು ಸ್ಥಾನ ಪುರುಷರು.