varthabharthi


ಅಂತಾರಾಷ್ಟ್ರೀಯ

ಅಫ್ಘಾನ್ ನಿಂದ ಹೊರಹೋದ ಬಳಿಕ ಅಮೆರಿಕ ಟರ್ಕಿಯನ್ನು ಅವಲಂಬಿಸಬಹುದು: ಟರ್ಕಿ ಅಧ್ಯಕ್ಷ ಎರ್ದೊಗಾನ್

ವಾರ್ತಾ ಭಾರತಿ : 13 Jun, 2021

ಇಸ್ತಾಂಬುಲ್ (ಟರ್ಕಿ), ಜೂ. 13: ಅಫ್ಘಾನಿಸ್ತಾನದಿಂದ ಅಮೆರಿಕದ ಸೈನಿಕರು ಹೊರಹೋದ ಬಳಿಕ, ಟರ್ಕಿಯು ಆ ದೇಶದಲ್ಲಿ ಉಳಿಯುವ ‘ಏಕೈಕ ನಂಬಿಕಸ್ತ’ ದೇಶವಾಗಿರುತ್ತದೆ ಎಂದು ಟರ್ಕಿ ಅಧ್ಯಕ್ಷ ರಿಸೆಪ್ ತಯ್ಯಿಪ್ ಎರ್ದೊಗಾನ್ ರವಿವಾರ ಹೇಳಿದ್ದಾರೆ. ಆ ಮೂಲಕ ಅಮೆರಿಕವು ತನ್ನ ನ್ಯಾಟೊ ಮಿತ್ರ ದೇಶವಾಗಿರುವ ಟರ್ಕಿಯನ್ನು ಅವಲಂಬಿಸಬಹುದಾಗಿದೆ ಎಂಬ ಇಂಗಿತವನ್ನು ಅವರು ವ್ಯಕ್ತಪಡಿಸಿದ್ದಾರೆ.

ಬ್ರಸೆಲ್ಸ್ ನಲ್ಲಿ ಸೋಮವಾರ ನಡೆಯಲಿರುವ ನ್ಯಾಟೋ ಶೃಂಗ ಸಮ್ಮೇಳನದ ನೇಪಥ್ಯದಲ್ಲಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ರನ್ನು ತಾನು ಮುಖಾಮುಖಿ ಭೇಟಿಯಾದಾಗ ಈ ವಿಷಯದ ಬಗ್ಗೆ ಅವರೊಂದಿಗೆ ಚರ್ಚೆ ನಡೆಸುವುದಾಗಿ ಎರ್ದೊಗಾನ್ ಹೇಳಿದ್ದಾರೆ. ಅಮೆರಿಕ ಮತ್ತು ಟರ್ಕಿ ದೇಶಗಳ ನಡುವಿನ ಸಂಬಂಧ ಈಗ ತಳಮಟ್ಟದಲ್ಲಿದೆ.

‘‘ಅಫ್ಘಾನಿಸ್ತಾನದಿಂದ ಶೀಘ್ರವೇ ಹೊರಹೋಗಲು ಅಮೆರಿಕ ಸಿದ್ಧತೆಗಳನ್ನು ನಡೆಸುತ್ತಿದೆ. ಅವರು ಹೊರಹೋದ ತಕ್ಷಣದಿಂದ ಆ ದೇಶದಲ್ಲಿ ಉಳಿಯುವ ಏಕೈಕ ನಂಬಿಕಸ್ತ ದೇಶ ಟರ್ಕಿಯಾಗಿರುತ್ತದೆ’’ ಎಂದು ಬ್ರಸೆಲ್ಸ್ ಗೆ ಹೊರಡುವ ಮುನ್ನ ರವಿವಾರ ಇಸ್ತಾಂಬುಲ್ ವಿಮಾನ ನಿಲ್ದಾಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಎರ್ದೊಗಾನ್ ಹೇಳಿದರು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)