varthabharthi


ರಾಷ್ಟ್ರೀಯ

ದೇಶದ ನ್ಯಾಯಾಂಗದಲ್ಲಿ ಮಹಿಳೆಯರಿಗೆ 50 ಶೇ. ಮೀಸಲಾತಿ ಬೇಕು: ಮುಖ್ಯ ನ್ಯಾಯಮೂರ್ತಿ ರಮಣ

ವಾರ್ತಾ ಭಾರತಿ : 26 Sep, 2021

ಹೊಸದಿಲ್ಲಿ: ದೇಶದ ನ್ಯಾಯಾಂಗದಲ್ಲಿ ಮಹಿಳೆಯರಿಗೆ ಶೇ .50 ರಷ್ಟು ಮೀಸಲಾತಿ ನೀಡುವಂತೆ ಮುಖ್ಯ ನ್ಯಾಯಮೂರ್ತಿ ಎನ್.ವಿ.ರಮಣ ರವಿವಾರ ಕರೆ ನೀಡಿದರು ಹಾಗೂ  ದೇಶಾದ್ಯಂತ ಕಾನೂನು ಕಾಲೇಜುಗಳಲ್ಲಿ ಇದೇ ರೀತಿಯ ಮೀಸಲಾತಿಯ ಬೇಡಿಕೆಯನ್ನು ಬೆಂಬಲಿಸಿದರು.

ಸುಪ್ರೀಂ ಕೋರ್ಟ್‌ನ ಮಹಿಳಾ ವಕೀಲರನ್ನು ಉದ್ದೇಶಿಸಿ ಮುಖ್ಯ ನ್ಯಾಯಾಧೀಶರು ಮಾತನಾಡಿದರು. ರಮಣ ಹಾಗೂ ಹೊಸದಾಗಿ ನೇಮಕಗೊಂಡ ಒಂಬತ್ತು ನ್ಯಾಯಾಧೀಶರಿಗೆ ಅಭಿನಂದನಾ ಸಮಾರಂಭವನ್ನು ಆಯೋಜಿಸಲಾಗಿತ್ತು

 "ಇದು ನಿಮ್ಮ ಹಕ್ಕು ... ನ್ಯಾಯಾಂಗ ಹಾಗೂ  ಕಾನೂನು ಕಾಲೇಜುಗಳಲ್ಲಿ ಮೀಸಲಾತಿ ಬೇಡಿಕೆ ಇಡಲು ನಿಮಗೆ ಅರ್ಹತೆ ಇದೆ.  ನ್ಯಾಯಾಂಗದಲ್ಲಿ ಮಹಿಳೆಯರಿಗೆ 50 ಪ್ರತಿಶತ ಮೀಸಲಾತಿ ಅಗತ್ಯವಿದೆ.  ಇದು ಸಾವಿರಾರು ವರ್ಷಗಳ ದಬ್ಬಾಳಿಕೆಯ ಸಮಸ್ಯೆ ... ಕೆಳ ನ್ಯಾಯಾಲಯದಲ್ಲಿ ಮಹಿಳೆಯರು   30 ಶೇ ಕ್ಕಿಂತ ಕಡಿಮೆ ಇದ್ದರೆ ... ಹೈಕೋರ್ಟ್‌ಗಳಲ್ಲಿ ಇದು 11.5 ಶೇ. ಇದೆ. ಸುಪ್ರೀಂ ಕೋರ್ಟ್‌ನಲ್ಲಿ ಕೇವಲ 11-12  ಶೇ. ಮಾತ್ರ ಮಹಿಳೆಯರಿದ್ದಾರೆ" ಎಂದು ಅವರು ಹೇಳಿದರು.

"ದೇಶದ 1.7 ಮಿಲಿಯನ್ ವಕೀಲರಲ್ಲಿ ... ಕೇವಲ 15 ಪ್ರತಿಶತ ಮಹಿಳೆಯರಿದ್ದಾರೆ. ರಾಜ್ಯ ಬಾರ್ ಕೌನ್ಸಿಲ್‌ಗಳಲ್ಲಿ ಕೇವಲ ಎರಡು ಪ್ರತಿಶತದಷ್ಟು ಚುನಾಯಿತ ಪ್ರತಿನಿಧಿಗಳು ಮಹಿಳೆಯರು. ಬಾರ್ ನ್ಯಾಷನಲ್ ಕಮಿಟಿಯ ರಾಷ್ಟ್ರೀಯ ಸಮಿತಿಯಲ್ಲಿ  ಏಕೆ ಒಂದೂ  ಮಹಿಳಾ ಪ್ರತಿನಿಧಿ ಹೊಂದಿಲ್ಲ ಎಂಬ ವಿಷಯವನ್ನು ನಾನು ಪ್ರಸ್ತಾಪಿಸಿದ್ದೆ. ಸಮಸ್ಯೆಗಳಿಗೆ ತುರ್ತು ತಿದ್ದುಪಡಿ ಅಗತ್ಯವಿದೆ'' ಎಂದು ಮುಖ್ಯ ನ್ಯಾಯಮೂರ್ತಿ ಹೇಳಿದರು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)