varthabharthi


ರಾಷ್ಟ್ರೀಯ

ಪಂಜಾಬ್: ಕೊಳವೆ ಬಾವಿಗೆ ಬಿದ್ದ 6 ವರ್ಷದ ಬಾಲಕ‌

ವಾರ್ತಾ ಭಾರತಿ : 22 May, 2022

ಚಂಡಿಗಢ, ಮೇ 22: ಪಂಜಾಬ್ನ ಹೋಶಿಯಾರ್ಪುರದ ಗದ್ರಿವಾಲಾ ಗ್ರಾಮದಲ್ಲಿ 300 ಅಡಿ ಆಳದ ಕೊಳವೆ ಬಾವಿಗೆ ರವಿವಾರ 6 ವರ್ಷದ ಬಾಲಕನೋರ್ವ ಬಿದ್ದಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ. ಬಾಲಕನ ರಕ್ಷಣಾ ಕಾರ್ಯಾಚರಣೆಗೆ ಸೇನೆಗೆ ಕರೆ ನೀಡಲಾಗಿದೆ. ಕೊಳವೆ ಬಾವಿ ಸಮೀಪ ಸುರಂಗ ತೋಡಲು ಜೆಸಿಬಿಯ ಸೇವೆಯನ್ನು ಬಳಸಿಕೊಳ್ಳಲಾಗುತ್ತಿದೆ ಎಂದು ವರದಿ ತಿಳಿಸಿದೆ. ಈ ಜೆಸಿಬಿ ಯಂತ್ರ ಒಂದೂವರೆ ಗಂಟೆಯಲ್ಲಿ ಕೇವಲ 15 ಅಡಿ ಮಾತ್ರ ಅಗೆಯುವ ಸಾಮರ್ಥ್ಯ ಹೊಂದಿದೆ. ಬಾಲಕ ಕೊಳವೆ ಬಾವಿಯ 95 ಅಡಿ ಆಳದಲ್ಲಿ ಸಿಲುಕಿದ್ದಾನೆ ಎಂದು ಅದು ತಿಳಿಸಿದೆ. ಬಿಡಾಡಿ ನಾಯಿಯೊಂದರಿಂದ ರಕ್ಷಿಸಿಕೊಳ್ಳುವ ಸಂದರ್ಭ ಬಾಲಕ ಕೊಳವೆ ಬಾವಿಯೊಳಗೆ ಬಿದ್ದಿದ್ದಾನೆ. ಈ ಘಟನೆ ಬೆಳಗ್ಗೆ 9 ಗಂಟೆಗೆ ಸಂಭವಿಸಿದೆ ಎಂದು ಮೂಲಗಳು ತಿಳಿಸಿವೆ. ಈ ನಡುವೆ ಬಾಲಕನಿಗೆ ಉಸಿರಾಟದ ಸಮಸ್ಯೆ ಉದ್ಭವಿಸದಂತೆ ಕೊಳವೆ ಬಾವಿಯೊಳಗೆ ಆಮ್ಲಜನಕವನ್ನು ಪೂರೈಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)