ಕಾಪು: ಮೀನು ಸಾಗಾಟದ ಲಾರಿ ಪಲ್ಟಿ

ಕಾಪು: ಮೀನು ಸಾಗಾಟದ ಲಾರಿ ಪಲ್ಟಿಯಾಗಿ ರಸ್ತೆಯಲ್ಲಿ ಮೀನುಗಳು ಚೆಲ್ಲಾಪಿಲ್ಲಿಯಾದ ಘಟನೆ ಉಚ್ಚಿಲದಲ್ಲಿ ಮಂಗಳವಾರ ಸಂಜೆ‌ ನಡೆದಿದೆ.

ಮಂಗಳೂರಿನಿಂದ ಉಡುಪಿ ಕಡೆಗೆ ಸಾಗುತ್ತಿದ್ದ ಮೀನು ಟ್ರೇ ತುಂಬಿದ ಲಾರಿ ಉಚ್ಚಿಲ ಮೂಳೂರು ಮಧ್ಯೆ ರಸ್ತೆ ಕಾಮಗಾರಿ ಸಲುವಾಗಿ ಡೈವರ್ಶನ್ ಇದ್ದುದನ್ನು ಗಮನಿಸದೆ ಚಲಿಸಿದ ಕಾರಣ ಮೀನು ಲಾರಿ ರಸ್ತೆಯಲ್ಲಿ ಮಗುಚಿ ಬಿದ್ದಿದೆ. ಲಾರಿಯಲ್ಲಿದ್ದ ಮೀನು ರಸ್ತೆಯಲ್ಲಿ ಚೆಲ್ಲಾಪಿಲ್ಲಿಯಾಗಿ ಬಿದ್ದಿದೆ. ಲಾರಿ ಚಾಲಕ ಅಪಾಯದಿಂದ ಪಾರಾಗಿದ್ದು, ನಿರ್ವಾಹಕ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.