ಮಸ್ಕ್ ಮಾಲಕತ್ವದ ಬಳಿಕ ನಿಷೇಧಗೊಂಡಿದ್ದ ಕೆಲವು ಟ್ವಿಟರ್ ಖಾತೆಗಳ ಮರುಸ್ಥಾಪನೆ
ಸ್ಯಾನ್ಫ್ರಾನ್ಸಿಸ್ಕೊ,ನ.19: ಸಾಮಾಜಿಕ ಜಾಲತಾಣ ಟ್ವಿಟರ್ ನಿಂದ ನಿಷೇಧಿಸಲ್ಪಟ್ಚಿದ್ದ ಕೆಲವು ನಿರ್ದಿಷ್ಟ ಖಾತೆಗಳನ್ನು ಮರುಸ್ಥಾಪಿಸಿರುವುದಾಗಿ ಅದರ ಮಾಲಕ ಎಲಾನ್ ಮಸ್ಕ್ ತಿಳಿಸಿದ್ದಾರೆ. ಆದಾಗ್ಯೂ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೆ ಟ್ವಿಟರ್ ನಿಂದ ವಿಧಿಸಲಾಗಿದ್ದ ನಿಷೇಧವನ್ನು ರದ್ದುಪಡಿಸುವ ಬಗ್ಗೆ ಈವರೆಗೆ ಯಾವುದೇ ನಿರ್ಧಾರವನ್ನು ಕೈಗೊಂಡಿಲ್ಲೆಂದು ಅವರು ಸ್ಪಷ್ಪಪಡಿಸಿದ್ದಾರೆ.
ಖ್ಯಾತ ಹಾಸ್ಯನಟಿ ಕ್ಯಾಥಿ ಗ್ರಿಫಿನ್,ಮನಶಾಸ್ತ್ರಜ್ಞ ಜೋರ್ಡಾನ್ ಪೀಟರ್ಸನ್ ಹಾಗೂ ಸಂಪ್ರದಾಯವಾದವನ್ನು ವಿಡಂಬಿಸುವ ಜಾಲತಾಣ ‘ಬ್ಯಾಬಿಲೊನ್ ಬಬೀನಾ’ ಖಾತೆಗಳನ್ನು ಮರುಸ್ಥಾಪಿಸಲಾಗಿದೆಯೆಂದು ಮಸ್ಕ್ ಟ್ವೀಟಿಸಿದ್ದಾರೆ.
20 ಲಕ್ಷಕ್ಕೂ ಅಧಿಕ ಟ್ವಿಟರ್ ಫಾಲೊವರ್ಗಳನ್ನು ಹೊಂದಿರುವ ಕ್ಯಾಥಿ ಗ್ರಿಫಿನ್ ಅವರನ್ನು ತೀರಾ ತನ್ನ ಯೂಸರ್ನೇಮ್ ಅನವ್ನ ಎಲಾನ್ ಮಸ್ಕ್ ಎಂದು ಬಳಸಿದ್ದಕ್ಕಾಗಿ ಟ್ವಿಟರ್ನಿಂದ ಇತ್ತೀಚೆಗೆ ನಿಷೇಧಿಸಲಾಗಿತ್ತು.
ಲಿಂಗಾಂತರಿ ನಟ ಎಲಿಯಟ್ ಪೇಜ್ ಬಗ್ಗೆ ಮಾಡಿದ್ದ ಪೋಸ್ಟ್, ದ್ವೇಷನಡವಳಿಕೆಯ ವಿರುದ್ಧದ ಟ್ವಿಟ್ಟರ್ನ ನಿಯಮಾವಳಿಗಳನ್ನು ಉಲ್ಲಂಘಿಸಿದ ಆರೋಪದಲ್ಲಿ ಕೆನಡದ ಮನಶಾಸ್ತ್ರಜ್ಞ ಜೋರ್ಡಾನ್ ಪೀಟರ್ಸನ್ ಅವರ ಖಾತೆಯನ್ನು ಜೂನ್ನಲ್ಲಿ ಅಮಾನತುಗೊಳಿಸಲಾಗಿತ್ತು. ್ನ ಟ್ರಂಪ್ ಟ್ವಿಟರ್ ಖಾತೆಯ ಮರುಸ್ಥಾಪನೆಗೆ
ಮಸ್ಕ್ ರಿಂ ಜನಮತ ಸಮೀಕ್ಷೆ
ಟ್ವಿಟರ್ ನಿಂದ ನಿಷೇಧಿಸಲ್ಪಟ್ಟಿರುವ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ಈ ಸಾಮಾಜಿಕ ಜಾಲತಾಣದಲ್ಲಿ ಮರುಸ್ಥಾಪಿಸಬೇಕೇ ಅಥವಾ ಬೇಡವೇ ಎಂಬ ಬಗ್ಗೆ ಬಳಕೆದಾರರಿಂದ ಅಭಿಪ್ರಾಯ ಸಂಗ್ರಹವನ್ನು ಸಂಸ್ಥೆಯ ವರಿಷ್ಠ ಎಲಾನ್ ಮಸ್ಕ್ ಆರಂಭಿಸಿದ್ದಾರೆ.
ಸಮೀಕ್ಷೆ ಮುಕ್ತಾಯಕ್ಕೆ 22 ತಾಸುಗಳು ಬಾಕಿಯಿರುವಾಗಲೇ, ಈ ಬಗ್ಗೆ 20 ಲಕ್ಷಕ್ಕೂ ಅಧಿಕ ಮಂದಿ ಅಂದರೆ ಸಮೀಕ್ಷೆಯಲ್ಲಿ ಪಾಲ್ಗೊಂಡ ಶೆ.60ರಷ್ಟು ಜನರು ಹೌದು ಎಂಬುದಾಗಿ ಉತ್ತರಿಸಿದ್ದಾರೆ.
2020ರ ಅಧ್ಯಕ್ಷೀಯ ಚುನಾವಣಾ ಫಲಿತಾಂಶವನ್ನು ಅಮಾನ್ಯಗೊಳಿಸಬೇಕೆಂದು ಆಗ್ರಹಿಸಿ ಅಮೆರಿಕದ ಸಂಸತ್ ಭವನದ ಕಟ್ಟಡ ಕ್ಯಾಪಿಟಲ್ ಹಿಲ್ ಮೇಲೆ ದಾಳಿಗೆ ಟ್ರಂಪ್ ಪ್ರಚೋದನೆ ನೀಡಿದ್ದಾರೆಂದು ಆರೋಪದ ಹಿನ್ನೆಲೆಯಲ್ಲಿ ಅವರ ಟ್ವಿಟರ್ ಖಾತೆಯನ್ನು ನಿಷೇಧಿಸಲಾಗಿತ್ತು.