ಬೆಂಗಳೂರು: ಕಾಂಗ್ರೆಸ್ ಪ್ರಜಾಧ್ವನಿ ಯಾತ್ರೆ ವೇಳೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್​ ಅವರು ಅಂಬೇಡ್ಕರ್​ ಪುತ್ಥಳಿಗೆ ಬಸ್​ನಿಂದಲೇ ಹಾರ ಎಸೆದಿರುವ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಬಿಜೆಪಿ ಖಂಡನೆ ವ್ಯಕ್ತಪಡಿಸಿದೆ. 

2 ದಿನದ ಹಿಂದೆ ಚಿತ್ರದುರ್ಗದಲ್ಲಿ  ನಡೆದ ಪ್ರಜಾಧ್ವನಿ ಯಾತ್ರೆಯದ್ದು ಎನ್ನಲಾದ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಈ ವಿಡಿಯೋವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿರುವ ಬಿಜೆಪಿ, ''ಬಾಬಾಸಾಹೇಬರನ್ನು ರಾಜಕೀಯವಾಗಿ ಮುಗಿಸಬೇಕೆಂದು ಅವರ ವಿರುದ್ಧ ಅಭ್ಯರ್ಥಿ ಹಾಕಿದ ಕಾಂಗ್ರೆಸ್  ಪಕ್ಷದವರು ಇನ್ನೇನು ಮಾಡಿಯಾರು, ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್ ರ ಈ ವರ್ತನೆ ನಾಚಿಕೆಗೇಡು, ಖಂಡನೀಯ'' ಎಂದು ಹೇಳಿದೆ.

''ದಲಿತರನ್ನು ಅಪಮಾನ ಮಾಡುವುದು ಕಾಂಗ್ರೆಸ್ ನ ಹುಟ್ಟುಗುಣ ಈ ದಲಿತವಿರೋಧಿ ಮಾನಸಿಕತೆಗೆ ಚುನಾವಣೆಯಲ್ಲಿ ತಕ್ಕ ಶಾಸ್ತಿಯಾಗಲಿದೆ'' ಎಂದು ಬಿಜೆಪಿ ಟ್ವಿಟರ್ ನಲ್ಲಿ ಬರೆದುಕೊಂಡಿದೆ. 

ಬಾಬಾಸಾಹೇಬರನ್ನು ರಾಜಕೀಯವಾಗಿ ಮುಗಿಸಬೇಕೆಂದು ಅವರ ವಿರುದ್ಧ ಅಭ್ಯರ್ಥಿ ಹಾಕಿದ @IncKarnataka ಪಕ್ಷದವರು ಇನ್ನೇನು ಮಾಡಿಯಾರು, @dkshivakumarರ ಈ ವರ್ತನೆ ನಾಚಿಕೆಗೇಡು, ಖಂಡನೀಯ. ದಲಿತರನ್ನು ಅಪಮಾನ ಮಾಡುವುದು ಕಾಂಗ್ರೆಸ್ ನ ಹುಟ್ಟುಗುಣ ಈ ದಲಿತವಿರೋಧಿ ಮಾನಸಿಕತೆಗೆ ಚುನಾವಣೆಯಲ್ಲಿ ತಕ್ಕ ಶಾಸ್ತಿಯಾಗಲಿದೆ. #DalitVirodhiCongress pic.twitter.com/XoTRxNQ10w

— BJP Karnataka (@BJP4Karnataka) February 8, 2023