ಬೆಂಕಿ ಅವಘಡ: ಮಹಿಳೆ ಮೃತ್ಯು

ಹೆಬ್ರಿ : ಬೆಂಕಿ ಅವಘಡದಿಂದ ಮಹಿಳೆಯೊಬ್ಬರು ಮೃತಪಟ್ಟ ಘಟನೆ ಮಾ.23ರಂದು ರಾತ್ರಿ ವೇಳೆ ನಾಲ್ಕೂರು ಗ್ರಾಮದ ಮುದ್ದೂರು ಎಂಬಲ್ಲಿ ನಡೆದಿದೆ.

ಮೃತರನ್ನು ಮುದ್ದೂರು ನಿವಾಸಿ ನಾರಾಯಣ ಶೆಟ್ಟಿಗಾರ್ ಎಂಬವರ ಪತ್ನಿ  ರತ್ನಾ (58) ಎಂದು ಗುರುತಿಸಲಾಗಿದೆ.

ಬಚ್ಚಲು ಮನೆಯಿಂದ ಸ್ನಾನ ಮುಗಿಸಿ ಬರುತ್ತಿದ್ದ ಇವರು, ಲೋ ಬಿಪಿಯಿಂದ ಬಿದ್ದರೆನ್ನಲಾಗಿದೆ. ಈ ವೇಳೆ ಅಲ್ಲೇ ಪಕ್ಕದಲ್ಲಿದ್ದ ಒಲೆಯ ಬೆಂಕಿ ತಾಗಿ ಸುಟ್ಟು ಇದರಿಂದ ಗಂಭೀರವಾಗಿ ಗಾಯಗೊಂಡ ಅವರು ಬ್ರಹ್ಮಾವರ ಸರಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗುವ ದಾರಿ ಮಧ್ಯೆ ಮೃತಪಟ್ಟರು.

ಈ ಬಗ್ಗೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.