‘ಗದರ್ 2’ ಬಿಡುಗಡೆ: ಚಿತ್ರಮಂದಿರಕ್ಕೆ ಟ್ರ್ಯಾಕ್ಟರ್ ಏರಿ ಬಂದ ಸನ್ನಿ ಡಿಯೋಲ್‌ ಅಭಿಮಾನಿಗಳು; ವಿಡಿಯೋ ವೈರಲ್
Screengrab: Twitter/@Gagan4344
ಜೈಪುರ: ಸನ್ನಿ ಡಿಯೋಲ್‌ ಅಭಿನಯದ ಗದರ್ 2 ಚಿತ್ರವನ್ನು ನೋಡಲು ಅಭಿಮಾನಿಗಳು ಚಿತ್ರಮಂದಿರಕ್ಕೆ ಟ್ರ್ಯಾಕ್ಟರ್‌ನಲ್ಲಿ ಬಂದಿದ್ದು, ಇದರ ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ.
ತಾರಾ ಸಿಂಗ್ ಪಾತ್ರದಲ್ಲಿ ಮೋಡಿ ಮಾಡಿದ್ದ ಸನ್ನಿ ಡಿಯೋಲ್‌ ರನ್ನು ದೊಡ್ಡ ತೆರೆಯಲ್ಲಿ ಮತ್ತೊಮ್ಮೆ ಕಾಣಲು ಅಭಿಮಾನಿಗಳು ತಂಡೋಪತಂಡವಾಗಿ ಟ್ರಾಕ್ಟರ್‌ಗಳಲ್ಲಿ ಆಗಮಿಸಿದ್ದಾರೆ.
ಚಿತ್ರದ ಮೊದಲ ಭಾಗ (ಗದರ್: ಏಕ್ ಪ್ರೇಮ್ ಕಥಾ) 2001 ರಲ್ಲಿ ಬಿಡುಗಡೆಯಾಗಿತ್ತು.
ಗದರ್ 2 ಅನ್ನು ಅನಿಲ್ ಶರ್ಮಾ ಅವರು ನಿರ್ದೇಶಿಸಿದ್ದು, ಅಮೀಶಾ ಪಟೇಲ್ ಮತ್ತು ಉತ್ಕರ್ಷ್ ಶರ್ಮಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಭಾರತದ ವಿಭಜನೆಯ ಸಮಯದಲ್ಲಿ ನಡೆದ ಪ್ರೇಮಕಥೆಯನ್ನು ಕೇಂದ್ರೀಕರಿಸಿ ನಿರ್ಮಿಸಲಾಗಿದೆ ಎಂದು ಹೇಳಲಾಗಿದೆ.
2001 ರಲ್ಲಿ ಬಿಡುಗಡೆಯಾದ ಮೊದಲ ಭಾಗವು ಗಲ್ಲಾಪೆಟ್ಟಿಗೆಯಲ್ಲಿ ಭರ್ಜರಿ ಕಲೆಕ್ಷನ್‌ ಗಳಿಸಿ ಇತಿಹಾಸವನ್ನು ಸೃಷ್ಟಿಸಿತು. ಈ ಚಿತ್ರದಲ್ಲಿ ದಿವಂಗತ ಅಮರೀಶ್ ಪುರಿ ಗಮನಾರ್ಹ ಪಾತ್ರದಲ್ಲಿ ನಟಿಸಿದ್ದರು.
Sunny Deol fans arrived on tractors to watch the movie ‘Gaddar 2’ at the cinemas. #Gaddar2 #SunnyDeol pic.twitter.com/hEqZ25Twys
— Gagandeep Singh (@Gagan4344) August 12, 2023
