ಸೆ.17: ಕಿನ್ಯದಲ್ಲಿ ಹುಬ್ಬುರ್ರಸೂಲ್ ಸಮಾವೇಶ
ಉಳ್ಳಾಲ, ಆ.28: ಮೀಲಾದುನ್ನೆಬಿ ಪ್ರಯುಕ್ತ ಕರ್ನಾಟಕ ಮುಸ್ಲಿಂ ಜಮಾಅತ್,ಎಸ್.ವೈ.ಎಸ್ ಮತ್ತು ಎಸ್ಸೆಸ್ಸೆಫ್ ಜಂಟಿ ಆಶ್ರಯದಲ್ಲಿ ಸೆ.17 ರಂದು ಕಿನ್ಯದಲ್ಲಿ "ಹುಬ್ಬುರ್ರಸೂಲ್ ಸಮಾವೇಶ" ನಡೆಯಲಿದೆ.
ಹಾಜಿ ಬಿ.ಎಂ.ಇಸ್ಮಾಈಲ್ ಪರಮಾಂಡ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಸೈಯದ್ ಅಲವಿ ತಂಙಳ್ ಮೀಂಪ್ರಿ ದುಆಗೈದರು. ಸೈಯದ್ ಶಿಹಾಬುದ್ದೀನ್ ತಂಙಳ್ ಉದ್ಘಾಟಿಸಿದರು.
ಕಾರ್ಯಕ್ರಮದ ಯಶಸ್ವಿಗಾಗಿ ಸ್ವಾಗತ ಸಮಿತಿಯನ್ನು ರಚಿಸಲಾಯಿತು.
ಚೇರ್ ಮ್ಯಾನ್ ಆಗಿ ಪರಮಾಂಡ ಹಾಜಿ ಬಿ.ಎಂ.ಇಸ್ಮಾಈಲ್, ಜನರಲ್ ಕನ್ವೀನರ್ ಕುರಿಯ ಉಸ್ಮಾನ್ ಝುಹ್ರಿ, ಕೋಶಾಧಿಕಾರಿಯಾಗಿ ಇರ್ಫಾನ್ ಸಖಾಫಿ ಖುತುಬಿನಗರ, ಉಪಾಧ್ಯಕ್ಷರಾಗಿ ನೌಫಲ್ ಸಖಾಫಿ ಮೀಂಪ್ರಿ , ಕನ್ವೀನರ್ ಆಗಿ ಕೆ.ಎಂ ಇಸ್ಮಾಈಲ್ ಸಾಗ್ ಹಾಗೂ ಮೂವತ್ತೆರಡು ಮಂದಿಯನ್ನು ಸಮಿತಿ ಸದಸ್ಯರಾಗಿ ಆರಿಸಲಾಯಿತು.
ಕರ್ನಾಟಕ ಮುಸ್ಲಿಂ ಜಮಾಅತ್ ಕಿನ್ಯ ಸರ್ಕಲ್ನ ಪ್ರಧಾನ ಕಾರ್ಯದರ್ಶಿ ಕೆ.ಎಂ ಇಸ್ಮಾಈಲ್,ಎಸ್.ವೈ.ಎಸ್ ಕಿನ್ಯ ಸರ್ಕಲ್ ಪ್ರಧಾನ ಕಾರ್ಯದರ್ಶಿ ಅಬ್ದುಸ್ಸಲಾಂ ಬಾಕಿಮಾರ್, ಕೋಶಾಧಿಕಾರಿ ಅಬ್ದುಲ್ ಹಮೀದ್ ಮೀಂಪ್ರಿ, ಎಸ್ಸೆಸ್ಸೆಫ್ ಕಿನ್ಯ ಸೆಕ್ಟರ್ ಅಧ್ಯಕ್ಷ ಇರ್ಫಾನ್ ಸಖಾಫಿ ಖುತುಬಿನಗರ, ಪ್ರಧಾನ ಕಾರ್ಯದರ್ಶಿ ಮುಹಮ್ಮದ್ ಸ್ವಾದಿಖ್ ಕುರಿಯ, ಕೋಶಾಧಿಕಾರಿ ಜಲೀಲ್ ಖುತುಬಿನಗರ ಮುಂತಾದವರು ಉಪಸ್ಥಿತರಿದ್ದರು.
