ಶಿವಮೊಗ್ಗ ಲೋಕಸಭಾ ಕ್ಷೇತ್ರದಲ್ಲಿ ಈ ಬಾರಿ ಗೆದ್ದೇ ಗೆಲ್ಲತ್ತೇವೆ ಎನ್ನುವ ಅತ್ಮವಿಶ್ವಾಸವಿದೆ : ನಟ ಶಿವ ರಾಜಕುಮಾರ್‌

ದಾವಣಗೆರೆ : ಶಿವಮೊಗ್ಗ ಲೋಕಸಭಾ ಕ್ಷೇತ್ರದಲ್ಲಿ ಈ ಬಾರಿ ಗೆದ್ದೇ ಗೆಲ್ಲತ್ತೇವೆ ಎನ್ನುವ ಅತ್ಮವಿಶ್ವಾಸವಿದೆ ಎಂದು ನಟ ಶಿವರಾಜಕುಮಾರ ಹೇಳಿದರು.

ತಮ್ಮ ಅಭಿನಯದ ‘ಕರಟಕ-ದಮನಕ’ ಚಿತ್ರ ಪ್ರದರ್ಶನಗೊಳ್ಳುತ್ತಿರುವ ದಾವಣಗೆರೆಯ ತ್ರಿಶೂಲ್ ಚಿತ್ರಮಂದಿರಕ್ಕೆ ಭೇಟಿ ನೀಡಿ, ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ‘ಗೀತಾ ಅವರು ರಾಜಕೀಯ ಹಿನ್ನೆಲೆಯ ಕುಟುಂಬದಿಂದ ಬಂದವರು. ಶಿವಮೊಗ್ಗ ಅವರ ತವರೂರು, ಅಲ್ಲಿನ ಸಮಸ್ಯೆಗಳ ಬಗ್ಗೆ ಅವರಿಗೆ ಅರಿವಿದೆ. ಕ್ಷೇತ್ರದ ವಿಚಾರ ಬಂದಾಗ ಯಾರ ಭದ್ರಕೋಟೆ ಎಂಬುದಕ್ಕಿಂತ ಸ್ಪರ್ಧಿಸುವುದು ಮುಖ್ಯ ಎಂದರು.

‘‘ಬರಗಾಲದ ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ಕುಡಿಯುವ ನೀರಿನ ಸಮಸ್ಯೆ ಎದುರಾಗಿದೆ. ಚಿತ್ರದ ಕತೆಯಲ್ಲೂ ಈ ವಿಷಯದ ಬಗ್ಗೆ ಜಾಗೃತಿ ಮೂಡಿಸಲಾಗಿದೆ. ನಾವೆಲ್ಲರೂ ನೀರು ಉಳಿಸುವ ಜತೆಗೆ ಪರಿಸರ ಸಂರಕ್ಷಣೆ ಕುರಿತು ಅರಿವು ಮೂಡಿಸಬೇಕಿದೆ. ಈ ನಿಟ್ಟಿನಲ್ಲಿ ಸಿನಿಮಾದ ಮೂಲಕ ಒಂದು ಪ್ರಯತ್ನ ಮಾಡಲಾಗಿದೆ’’ ಎಂದರು.