ಯುಎಇ: ಫೆ.11ರಂದು ಕೆಸಿಎಫ್ ಮಹಬ್ಬ ಫ್ಯಾಮಿಲಿ ಫೆಸ್ಟ್

ಯುಎಇ: ಕರ್ನಾಟಕ ಕಲ್ಚರಲ್ ಫೌಂಡೇಶನ್ (ಕೆಸಿಎಫ್) ಯುಎಇ ವತಿಯಿಂದ 'ಮಹಬ್ಬ' ಫ್ಯಾಮಿಲಿ ಫೆಸ್ಟ್-24 ಕಾರ್ಯಕ್ರಮವು ಫೆ.11ರಂದು ಶಾರ್ಜಾ ಅಲ್ ಬತೀಹ್ ಪಾಕ್೯‌ನಲ್ಲಿ ನಡೆಯಲಿದೆ ಎಂದು ಕೆಸಿಎಫ್ ಯುಎಇ ರಾಷ್ಟ್ರೀಯ ಸಮಿತಿ ಕಾರ್ಯದರ್ಶಿ ಮೂಸಾ ಹಾಜಿ ಬಸರ ತಿಳಿಸಿದ್ದಾರೆ.

ಅವರು ಫೆ.4 ರಂದು ದುಬೈನ ಅಲ್ ಖಿಸೈಸಿನಲ್ಲಿರುವ ಸಅದಿಯ್ಯ ಭವನದಲ್ಲಿ ಏರ್ಪಡಿಸಲಾದ ಸುದ್ದಿಗೋಷ್ಟಿಯಲ್ಲಿ ಮಾತನಾಡುತ್ತಿದ್ದರು.

ಕಾರ್ಯಕ್ರಮದಲ್ಲಿ ಕರ್ನಾಟಕ ವಿಧಾನಸಭೆ ಸ್ಪೀಕರ್ ಯು.ಟಿ.ಖಾದರ್, ಸೈಯದ್ ಜಾಫರ್ ಸ್ವಾದಿಕ್ ತಂಙಳ್ ಕುಂಬೋಳ್, ಉಧ್ಯಮಿಗಳಾದ ಯು.ಟಿ. ಇಫ್ತಿಖಾರ್, ಮುಮ್ತಾಝ್ ಅಲಿ ಮಂಗಳೂರು, ಕೆಸಿಎಫ್ ಅಂತರಾಷ್ಟ್ರೀಯ ಸಮಿತಿ ಅಧ್ಯಕ್ಷ ಡಿಪಿ ಯೂಸುಫ್ ಸಖಾಫಿ ಬೈತಾರ್, ಕಾರ್ಯದರ್ಶಿ ಪಿ.ಎಂ. ಎಚ್. ಅಬ್ದುಲ್ ಹಮೀದ್, ಕೋಶಾಧಿಕಾರಿ ಅಲಿ ಮುಸ್ಲಿಯಾರ್ ಬಹ್ರೈನ್, ಶಿಕ್ಷಣ ವಿಭಾಗ ಅಧ್ಯಕ್ಷ ಹಮೀದ್ ಸಅದಿ ಅಬುಧಾಬಿ, ವೆಲ್ಫೇರ್ ಅಧ್ಯಕ್ಷ ಅಬೂಬಕರ್ ಹಾಜಿ ರೈಸ್ಕೋ, ಕಾರ್ಯದರ್ಶಿ ಇಕ್ಬಾಲ್ ಬರಕ, ಸಂಘಟನಾ ಅಧ್ಯಕ್ಷ ಜಲೀಲ್ ನಿಝಾಮಿ ಸೇರಿದಂತೆ ಹಲವು ಗಣ್ಯ ಅತಿಥಿಗಳು ಭಾಗವಹಿಸಲಿದ್ದಾರೆ ಎಂದು ಅವರು ಮಾಹಿತಿ ನೀಡಿದರು.

ಕೆಸಿಎಫ್ ಯುಎಇ ರಾಷ್ಟ್ರೀಯ ವತಿಯಿಂದ ಎರಡು ವರ್ಷಕ್ಕೊಮ್ಮೆ ನಡೆಸಲ್ಪಡುವ 'ಮಹಬ್ಬ' ಕಾರ್ಯಕ್ರಮವು ಈ ಬಾರಿ ಬೆಳಗ್ಗೆ 8 ಗಂಟೆಯಿಂದ ರಾತ್ರಿ 8ರವರೆಗೆ ನಡೆಯಲಿದೆ ಎಂದರು.

ಯುಎಇಯ ಏಳು ವಲಯಗಳಿಂದ 500 ಕ್ಕೂ ಮಿಕ್ಕ ಕನ್ನಡಿಗ ಕುಟುಂಬಗಳು ಹಾಗೂ 1,500 ಕ್ಕೂ ಮಿಕ್ಕ ಸ್ಪರ್ಧಾರ್ಥಿ ಗಳು ವಿವಿಧ ಸ್ಪರ್ಧೆಗಳು, ಚಟುವಟಿಕೆಗಳು, ಧಾರ್ಮಿಕ ತರಗತಿಗಳು ಹಾಗೂ ಆಟೋಟ ಸ್ಪರ್ಧೆಗಳಲ್ಲಿ ಭಾಗವಹಿಸಲಿದ್ದಾರೆ ಎಂದು ಅವರು ಹೇಳಿದರು.

ಕೆಸಿಎಫ್ ಯುಎಇ ರಾಷ್ಟ್ರೀಯ ಅಧ್ಯಕ್ಷ ಇಬ್ರಾಹಿಂ ಸಖಾಫಿ ಮಾತನಾಡಿ, ಕಾರ್ಯಕ್ರಮದಲ್ಲಿ ದಶವಾರ್ಷಿಕವನ್ನು ಆಚರಿಸು ತ್ತಿರುವ ಕೆಸಿಎಫ್ ತನ್ನ ಹತ್ತು ವರ್ಷಗಳ ಪಯಣದ ಸಾಧನೆಗಳ ಕುರಿತಾದ ಕಿರು ಹೊತ್ತಗೆಯು ಬಿಡುಗಡೆಗೊಳ್ಳಲಿದೆ. ಅಲ್ಲದೆ ಸಮಾರಂಭದಲ್ಲಿ 40 ವರ್ಷಗಳ ಕಾಲ ಯುಎಇಯಲ್ಲಿ ನೆಲೆಸಿದ ಕನ್ನಡಿಗರನ್ನು ಗುರುತಿಸಿ ಸನ್ಮಾನಿಸಲಾಗುವುದು ಎಂದು ತಿಳಿಸಿದರು.

ಸುದ್ದಿಗೋಷ್ಠಿಯಲ್ಲಿ ಕೆಸಿಎಫ್ ಐಸಿ ಪಬ್ಲೀಕೇಶನ್ ಕನ್ವೀನರ್ ಕರೀಂ ಮುಸ್ಲಿಯಾರ್, ಕೆಸಿಎಫ್ ಐಸಿ ಸಮಿತಿ ಸದಸ್ಯ ಉಸ್ಮಾನ್ ಹಾಜಿ ನಾಪೊಕ್ಲು, ಮಹಬ್ಬ-2024 ಚೇಯರ್ ಮೆನ್ ಝೈನುದ್ದೀನ್ ಹಾಜಿ, ಬೆಳ್ಳಾರೆ ಕನ್ವೀನರ್ ಇಬ್ರಾಹಿಂ ಹಾಜಿ ಬ್ರೈಟ್, ಕೆಸಿಎಫ್ ಯುಎಇ ಶಿಕ್ಷಣ ಸಮಿತಿ ಅಧ್ಯಕ್ಷ ಶಾಹುಲ್ ಹಮೀದ್ ಸಖಾಫಿ ಹಾಗೂ ಶುಕೂರು ಉಳ್ಳಾಲ ಉಪಸ್ಥಿತರಿದ್ದರು.