ಸೌದಿ ಅರೇಬಿಯಾ: ಗೂಡಿನಬಳಿ ವೆಲ್ಫೇರ್ ಅಸೋಸಿಯೇಶನ್ ನಿಂದ ಕಮ್ಯೂನಿಟಿ ಗೆಟ್ ಟುಗೆದರ್

ಸೌದಿ ಅರೇಬಿಯಾ, ಫೆ.26: ಗೂಡಿನಬಳಿ ವೆಲ್ಫೇರ್ ಅಸೋಸಿಯೇಶನ್, ಸೌದಿ ಅರೇಬಿಯಾ ಇದರ ವತಿಯಿಂದ ದಮ್ಮಾಮ್ - ಜುಬೈಲ್ ಹೆದ್ದಾರಿಯಲ್ಲಿರುವ ಉಮ್ಮ್ ಅಲ್ ಸಾಹಿಕ್ ನ ಸ'ಅದಿ ರೆಸಾರ್ಟ್ ನಲ್ಲಿ ಕಮ್ಯೂನಿಟಿ ಗೆಟ್ ಟುಗೆದರ್ ಕಾರ್ಯಕ್ರಮವು ಇತ್ತೀಚೆಗೆ ನಡೆಯಿತು.

ಕಾರ್ಯಕ್ರಮದಲ್ಲಿ 1000ಕ್ಕಿಂತಲೂ ಅಧಿಕ ಅನಿವಾಸಿ ದ.ಕ. ಹಾಗೂ ಆಸುಪಾಸಿನ ಜನರು ಭಾಗವಹಿಸಿದ್ದರು. ಕವಿಗೋಷ್ಠಿ, ವಾಕ್ಸಮರ ಹಾಗೂ ಖವಾಲಿ ಪ್ರದರ್ಶನಗಳು ಕಾರ್ಯಕ್ರಮದ ವಿಶೇಷ ಆಕರ್ಷಣೆಯಾಗಿತ್ತು. ಗೂಡಿನಬಳಿಯ ಬೌಗೋಳಿಕ ಹಾಗೂ ಐತಿಹಾಸಿಕ ಪರಂಪರೆಯನ್ನು ವಿವರಿಸುವ, ಗೂಡಿನಬಳಿ ವೆಲ್ಫೇರ್ ಅಸೋಸಿಯೇಶನ್ ಇದುವರೆಗೆ ನಡೆದು ಬಂದ ದಾರಿ, ಭವಿಷ್ಯದ ಯೋಜನೆಗಳನ್ನು ಒಳಗೊಂಡ ಡಾಕ್ಯುಮೆಂಟರಿಯನ್ನು ಇದೇ ವೇಳೆ ಪ್ರದರ್ಶಿಸಲಾಯಿತು.

ಇದೇ ವೇಳೆ ಅಲ್ ಜುಬೈಲ್ ನಲ್ಲಿರುವ ಅಲ್-ಮುಝೈನ್ ಕಾಂಟ್ರಾಕ್ಟಿಂಗ್ ಕಂಪೆನಿಯ ಸಿಇಒ ಝಕರಿಯಾ ಬಜ್ಪೆ, ಅವರನ್ನು 'ಪೇಟ್ರನ್ ಆಫ್ ದಿ ಕಮ್ಯೂನಿಟಿ ಅವಾರ್ಡ್' ನೀಡಿ ಗೌರವಿಸಲಾಯಿತು.