ಕೆನಡಾ | ಖಾಲಿಸ್ತಾನಿಗಳ ವಿರುದ್ಧ ಪ್ರತಿಭಟನೆ ಸಂದರ್ಭ ಮೂವರ ಬಂಧನ

ಟೊರಂಟೊ: ಹಿಂದು ಸಭಾ ಮಂದಿರ ದೇವಸ್ಥಾನದಲ್ಲಿ ಹಿಂದುಗಳ ಮೇಲೆ ಖಾಲಿಸ್ತಾನಿ ಬೆಂಬಲಿಗರು ನಡೆಸಿದ ಹಲ್ಲೆಯನ್ನು ಖಂಡಿಸಿ ಸೋಮವಾರ ನಡೆದ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ಮೂವರನ್ನು ಕೆನಡಾ ಪೊಲೀಸರು ಬಂಧಿಸಿರುವುದಾಗಿ ಎಎನ್ಐ ಸುದ್ದಿಸಂಸ್ಥೆ ವರದಿ ಮಾಡಿದೆ.

ಖಾಲಿಸ್ತಾನಿಗಳ ಬೆದರಿಕೆಯನ್ನು ವಿರೋಧಿಸಿ `ಉತ್ತರ ಅಮೆರಿಕದ ಹಿಂದುಗಳ ಸಂಘಟನೆ'ಯ ನೇತೃತ್ವದಲ್ಲಿ ಬ್ರಾಂಪ್ಟನ್ ಮತ್ತು ಸರ್ರೆಯಲ್ಲಿ ಪ್ರತಿಭಟನೆ ನಡೆಸಲಾಗಿದೆ. ಪ್ರಾರ್ಥನಾ ಮಂದಿರದ ಬಳಿ ನಡೆದ ಪ್ರತಿಭಟನೆಯ ಹಿನ್ನೆಲೆಯಲ್ಲಿ ಮೂವರನ್ನು ಬಂಧಿಸಿ ಅವರ ವಿರುದ್ಧ ಕ್ರಿಮಿನಲ್ ಪ್ರಕರಣ ದಾಖಲಿಸಲಾಗಿದೆ. ಹಲವಾರು ಕಾನೂನು ಬಾಹಿರ ಕೃತ್ಯಗಳ ಬಗ್ಗೆ ನಮ್ಮ ಕ್ರಿಮಿನಲ್ ಪ್ರಕರಣಗಳ ತನಿಖಾ ಬ್ಯೂರೊ ತನಿಖೆಯನ್ನು ನಡೆಸಲಿದೆ ಎಂದು ಪೀಲ್ ಪ್ರಾಂತದ ಪೊಲೀಸ್ ಇಲಾಖೆಯ ಹೇಳಿಕೆ ತಿಳಿಸಿದೆ.