ಚೀನಾದಲ್ಲಿ ಗಣಿದುರಂತ ; 11 ಮಂದಿ ಮೃತ್ಯು

ಬೀಜಿಂಗ್: ಚೀನಾದ ಈಶಾನ್ಯ ಹಿಲಾಂಗ್ಜಿಯಾಂಗ್ ಪ್ರಾಂತದಲ್ಲಿ ಮಂಗಳವಾರ ನಡೆದ ಕಲ್ಲಿದ್ದಲ ಗಣಿ ದುರಂತದಲ್ಲಿ 11 ಮಂದಿ ಮೃತಪಟ್ಟಿರುವುದಾಗಿ ಸರಕಾರಿ ಸ್ವಾಮ್ಯದ `ಸಿಸಿಟಿವಿ' ಮಾಧ್ಯಮ ಸಂಸ್ಥೆ ವರದಿ ಮಾಡಿದೆ.

ಶುಯಾಂಗ್ಯಾಂಗ್ ಕಲ್ಲಿದ್ದಲ ಗಣಿಯಲ್ಲಿ ಮಂಗಳವಾರ ಬೆಳಿಗ್ಗೆ 3 ಗಂಟೆಗೆ ದುರಂತ ಸಂಭವಿಸಿದ್ದು ಗಣಿಯ ಬಳಿ ಬಂಡೆಕಲ್ಲು ಸ್ಫೋಟಿಸಿದ್ದು ದುರಂತಕ್ಕೆ ಕಾರಣ ಎಂದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿದೆ. ಗಣಿಯಲ್ಲಿ ಇನ್ನೂ ಕೆಲವರು ಸಿಕ್ಕಿಬಿದ್ದಿರುವ ಸಾಧ್ಯತೆಯಿದ್ದು ಶೋಧ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.