ಈಜಿಪ್ಟ್ ಬಳಿ ಮುಳುಗಿದ ದೋಣಿ: 15 ಪ್ರವಾಸಿಗರು ನಾಪತ್ತೆ

ಕೈರೊ: ಈಜಿಪ್ಟ್ ನಗರ ಮರ್ಸ ಅಲಾಮ್ ಬಳಿ ಕೆಂಪು ಸಮುದ್ರದ ಕರಾವಳಿಯಲ್ಲಿ 31 ಪ್ರವಾಸಿಗರಿದ್ದ ದೋಣಿಯೊಂದು ಮುಳುಗಿದ್ದು 16 ಪ್ರವಾಸಿಗರನ್ನು ರಕ್ಷಿಸಿರುವುದಾಗಿ ಈಜಿಪ್ಟ್ ಅಧಿಕಾರಿಗಳನ್ನು ಉಲ್ಲೇಖಿಸಿ `ರಾಯ್ಟರ್ಸ್' ಸೋಮವಾರ ವರದಿ ಮಾಡಿದೆ.

ದೋಣಿಯಲ್ಲಿ 31 ಪ್ರವಾಸಿಗರು, 14 ಸಿಬ್ಬಂದಿಗಳ ಸಹಿತ 45 ಮಂದಿಯಿದ್ದು ಉಳಿದ 29 ಮಂದಿಯ ಶೋಧ ಕಾರ್ಯಕ್ಕೆ ಹೆಲಿಕಾಪ್ಟರ್ ಬಳಸಲಾಗಿದೆ. ಈಜಿಪ್ಟ್‍ನ ಸೇನೆ ಮತ್ತು ನೌಕಾಪಡೆಯೂ ರಕ್ಷಣಾ ಕಾರ್ಯಾಚರಣೆಗೆ ಕೈಜೋಡಿಸಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.