ಅಮೆರಿಕ: ಭಾರತ ಮೂಲದ ದಂಪತಿ ಮತ್ತು ಇಬ್ಬರು ಮಕ್ಕಳ ಮೃತದೇಹ ಪತ್ತೆ

ವಾಷಿಂಗ್ಟನ್ : ಭಾರತ ಮೂಲದ ದಂಪತಿ ಹಾಗೂ ಅವರ 2 ಮಕ್ಕಳ ಮೃತದೇಹ ಅಮೆರಿಕದ ನ್ಯೂಜೆರ್ಸಿ ರಾಜ್ಯದಲ್ಲಿರುವ ಅವರ ಮನೆಯಲ್ಲಿ ಪತ್ತೆಯಾಗಿದ್ದು, ಇದು ನರಹತ್ಯೆಯ ಪ್ರಕರಣ ಎಂದು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ತೇಜ್‍ಪ್ರತಾಪ್ ಸಿಂಗ್, ಸೋನಾಲ್ ಪರಿಹಾರ್ ದಂಪತಿ ಹಾಗೂ 10 ಮತ್ತು 6 ವರ್ಷದ ಮಕ್ಕಳ ಮೃತದೇಹ ನ್ಯೂಜೆರ್ಸಿ ರಾಜ್ಯದ ಪ್ಲೈನ್ಸ್‍ಬರೊದಲ್ಲಿನ ಮನೆಯಲ್ಲಿ ಕಂಡುಬಂದಿದೆ. `ಪ್ಲೈನ್‍ಬರೊದ ಮನೆಯಲ್ಲಿ ಪರಿಶೀಲನೆ ನಡೆಸುವಂತೆ ತೇಜ್‍ಪ್ರ ತಾಪ್‍ನ ಸಂಬಂಧಿಕರು ಬುಧವಾರ ಸಂಜೆ ಕರೆ ಮಾಡಿದ ಹಿನ್ನೆಲೆಯಲ್ಲಿ ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದಾಗ 4 ಮಂದಿಯ ಮೃತದೇಹ ಪತ್ತೆಯಾಗಿದೆ. ಮರಣೋತ್ತರ ಪರೀಕ್ಷೆಯಿಂದ ಹೆಚ್ಚಿನ ಮಾಹಿತಿ ಲಭಿಸಬಹುದು. ಇದೊಂದು ಹತ್ಯೆಯ ಪ್ರಕರಣವಾಗಿರುವ ಶಂಕೆಯಿದ್ದು ಪರಿಸರದಲ್ಲಿರುವ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಲಾಗುತ್ತಿದೆ' ಎಂದು ಪ್ಲೈನ್ಸ್‍ಬರೊ ಪೊಲೀಸ್ ಇಲಾಖೆಯ ಹೇಳಿಕೆ ತಿಳಿಸಿದೆ.