ಹಮಾಸ್ ದಾಳಿಯನ್ನು ಬೆಂಬಲಿಸಿದ ಇರಾನ್

ಟೆಹ್ರಾನ್ : ಇಸ್ರೇಲ್ ವಿರುದ್ಧ ಶನಿವಾರ ಹಮಾಸ್ ನಡೆಸಿದ ದಾಳಿಯನ್ನು ಬೆಂಬಲಿಸುವುದಾಗಿ ಇರಾನಿನ ಸರ್ವೋಚ್ಛ ಮುಖಂಡ ಅಯತುಲ್ಲಾ ಅಲಿ ಖಾಮಿನೈಯವರ ಹಿರಿಯ ಸಲಹೆಗಾರ ಹೇಳಿದ್ದಾರೆ.

ಹಮಾಸ್ನ ಹೆಮ್ಮೆಯ ಕಾರ್ಯಾಚರಣೆಯನ್ನು ನಾವು ಬೆಂಬಲಿಸುತ್ತೇವೆ. ಈ ಕಾರ್ಯಾಚರಣೆಯನ್ನು ನಾವು ಬೆಂಬಲಿಸುತ್ತೇವೆ ಎಂದು ಖಾಮಿನೈ ಅವರ ಹಿರಿಯ ಸಲಹೆಗಾರ ರಹೀಮ್ ಸಫಾವಿ ಹೇಳಿದ್ದಾರೆ. ಫೆಲೆಸ್ತೀನ್ ಮಕ್ಕಳಿಗೆ ನೆರವು ಕ್ರೋಢೀಕರಿಸುವ ಉದ್ದೇಶದಿಂದ ನಡೆದ ಸಭೆಯಲ್ಲಿ ಅವರು ಮಾತನಾಡುತ್ತಿದ್ದರು.