ಬೈರೂತ್‍ನಲ್ಲಿ ವಿದ್ಯುತ್ ಜನರೇಟರ್ ಸ್ಫೋಟ; ಹಲವು ವಾಹನಗಳು ಬೆಂಕಿಗೆ ಆಹುತಿ

ಬೈರುತ್: ಲೆಬನಾನ್ ರಾಜಧಾನಿ ಬೈರೂತ್‍ನ ಹಮ್ರಾ ಜಿಲ್ಲೆಯಲ್ಲಿ ಶನಿವಾರ ಸಂಭವಿಸಿದ ವಿದ್ಯುತ್ ಜನರೇಟರ್ ಸ್ಫೋಟದಲ್ಲಿ ಹಲವು ವಾಹನಗಳು ಹಾಗೂ ಕಟ್ಟಡಗಳು ಬೆಂಕಿಗೆ ಆಹುತಿಯಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ಸ್ಫೋಟದ ಬಳಿಕ ಪ್ರದೇಶದಾದ್ಯಂತ ಹೊಗೆಯ ಕಾರ್ಮೋಡ ವ್ಯಾಪಿಸಿದೆ. ಸ್ಫೋಟದಿಂದ ಬೆಂಕಿ ಕಾಣಿಸಿಕೊಂಡು ಕ್ಷಣಮಾತ್ರದಲ್ಲಿ ಅಕ್ಕಪಕ್ಕದ ಕಟ್ಟಡಗಳಿಗೆ ಹರಡಿದೆ. ಒಂದು ಕಟ್ಟಡ ಸಂಪೂರ್ಣ ನಾಶಗೊಂಡಿದ್ದು ಇತರ ಕೆಲವು ಕಟ್ಟಡಗಳಿಗೆ ವ್ಯಾಪಕ ಹಾನಿಯಾಗಿದೆ. ಸ್ಥಳಕ್ಕೆ ಧಾವಿಸಿದ ಅಗ್ನಿಶಾಮಕ ತಂಡ ಬೆಂಕಿಯನ್ನು ನಿಯಂತ್ರಿಸಿದೆ ಎಂದು ವರದಿಯಾಗಿದೆ. ಬೆಂಕಿಯಿಂದ ಹಲವು ವಾಹನಗಳು, ಕಟ್ಟಡಗಳು ಬೆಂಕಿಯಲ್ಲಿ ಉರಿಯುತ್ತಿರುವ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮಗಳು ಪ್ರಸಾರ ಮಾಡಿವೆ.