ರಶ್ಯ ವಿರುದ್ಧದ ನಮ್ಮ ಸಂಕಲ್ಪವನ್ನು ಯಾವುದೂ ದುರ್ಬಲಗೊಳಿಸದು: ಝೆಲೆನ್ಸ್ಕಿ

ಕೀವ್ : ರಶ್ಯ ವಿರುದ್ಧದ ತಮ್ಮ ಸಂಕಲ್ಪವನ್ನು ಯಾವುದೂ ದುರ್ಬಲಗೊಳಿಸಲು ಸಾಧ್ಯವಿಲ್ಲ ಎಂದು ಉಕ್ರೇನ್ ಅಧ್ಯಕ್ಷ ವೊಲೊದಿಮಿರ್ ಝೆಲೆನ್ಸ್ಕಿ ಹೇಳಿದ್ದಾರೆ.

ಅಮೆರಿಕದ ಹೆಚ್ಚುವರಿ ನೆರವು ಪೂರೈಕೆಗೆ ಸಂಸತ್ ತಡೆ ನೀಡಿರುವ ಬಗ್ಗೆ ಪ್ರತಿಕ್ರಿಯಿಸಿರುವ ಝೆಲೆನ್ಸ್ಕಿ ‘ ಉಕ್ರೇನಿನ ಸ್ಥಿರತೆ, ಸಹಿಷ್ಣುತೆ, ಶಕ್ತಿ ಮತ್ತು ಧೈರ್ಯವನ್ನು ಯಾರೂ ಶಟ್ಡೌನ್ ಮಾಡಲು ಸಾಧ್ಯವಿಲ್ಲ. ನಮ್ಮ ವಿಜಯದ ದಿನದಂದು ನಾವು ಹೋರಾಟ ನಿಲ್ಲಿಸಲಿದ್ದೇವೆ. ನಾವು ಪ್ರತೀ ದಿನ ಗೆಲುವಿನತ್ತ ಸಾಗುತ್ತಿದ್ದೇವೆ ಮತ್ತು ಇದನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ ’ ಎಂದರು.

ಇನ್ನಷ್ಟು ಮಿಲಿಟರಿ ನೆರವು ಒದಗಿಸುವುದಾಗಿ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಭರವಸೆ ನೀಡಿರುವುದಾಗಿ ಉಕ್ರೇನ್ನ ರಕ್ಷಣಾ ಸಚಿವ ರುಸ್ತೆಮ್ ಉಮೆರೋವ್ ಹೇಳಿದ್ದಾರೆ. ನಾವು ಮುನ್ನಡೆಯಲಿದ್ದೇವೆ ಮತ್ತು ಯುದ್ಧಭೂಮಿಯಲ್ಲಿ ಉಕ್ರೇನಿನ ಹೋರಾಟಗಾರರಿಗೆ ಬಲಿಷ್ಟ ಬೆಂಬಲ ದೊರಕಲಿದೆ’ ಎಂದವರು ಟ್ವೀಟ್ ಮಾಡಿದ್ದಾರೆ.