ಬ್ರೆಝಿಲ್‍ನಲ್ಲಿ ವಿಮಾನ ಪತನ: 14 ಮಂದಿ ಮೃತ್ಯು
Photo: twitter
ಮನೋಸ್, ಬ್ರೆಝಿಲ್: ಅಮೆರಿಕದ ಪ್ರವಾಸಿಗರನ್ನು ಕರೆದೊಯ್ಯುತ್ತಿದ್ದ ವಿಮಾನ ಬ್ರೆಝಿಲ್ ನ ಬಾರ್ಸೆಲೋಸ್ ಪ್ರಾಂತ್ಯದ ಉತ್ತರ ಅಮೆಜಾನ್ ರಾಜ್ಯದಲ್ಲಿ ಅಪಘಾತಕ್ಕೀಡಾಗಿ ವಿಮಾನದಲ್ಲಿದ್ದ ಎಲ್ಲ 14 ಮಂದಿ ಮೃತಪಟ್ಟಿದ್ದಾರೆ.
"ಬಾರ್ಸೆಲೋಸ್‍ನಲ್ಲಿ ಶನಿವಾರ ನಡೆದ ವಿಮಾನ ಅಪಘಾತದಲ್ಲಿ 12 ಮಂದಿ ಪ್ರಯಾಣಿಕರು ಮತ್ತು ಇಬ್ಬರು ಸಿಬ್ಬಂದಿ ಮೃತಪಟ್ಟಿರುವ ಬಗ್ಗೆ ಅತೀವ ದುಃಖವಾಗುತ್ತಿದೆ" ಎಂದು ಅಮೆಝನ್ ರಾಜ್ಯ ಗವರ್ನರ್ ವಿಲ್ಸನ್ ಲಿಮಾ ಎಕ್ಸ್‍ನಲ್ಲಿ ಹೇಳಿದ್ದಾರೆ. ಅಗತ್ಯ ನೆರವು ಒದಗಿಸಲು ನಮ್ಮ ತಂಡ ಶ್ರಮಿಸುತ್ತಿದೆ. ಮೃತರ ಕುಟುಂಬಕ್ಕೆ ಹಾಗೂ ಸ್ನೇಹಿತರಿಗೆ ಸಾಂತ್ವನ ಹೇಳುತ್ತಿದ್ದೇನೆ ಎಂದು ವಿವರಿಸಿದ್ದಾರೆ.
ಈ ಅಪಘಾತವನ್ನು ಮನೋಸ್ ಏರೊಟ್ಯಾಕ್ಸಿ ಏರ್‍ಲೈನ್ ದೃಢಪಡಿಸಿದ್ದು, ಈ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಸ್ಪಷ್ಟಪಡಿಸಿದೆ. ಆದರೆ ಸಾವು ನೋವು ಅಥವಾ ಗಾಯಗೊಂಡವರ ಬಗ್ಗೆ ಯಾವುದೇ ವಿವರಗಳನ್ನು ನೀಡಿಲ್ಲ.
"ಈ ಕಠಿಣ ಸಂದರ್ಭವನ್ನು ಎದುರಿಸುತ್ತಿರುವವರ ಖಾಸಗಿತನವನ್ನು ನಾವು ಗೌರವಿಸುತ್ತೇವೆ ಹಾಗೂ ತನಿಖೆ ಪ್ರಗತಿಯಾದಂತೆಲ್ಲ ಎಲ್ಲ ಅಗತ್ಯ ಮಾಹಿತಿ ಮತ್ತು ಬೆಳವಣಿಗೆಗಳನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ" ಎಂದು ಸಂಸ್ಥೆ ಹೇಳಿದೆ. ವಿಮಾನದಲ್ಲಿ ಅಮೆರಿಕನ್ ಪ್ರವಾಸಿಗರು ಇದ್ದರು ಎಂದು ಬ್ರೆಜಿಲ್ ಮಾಧ್ಯಮಗಳು ವರದಿ ಮಾಡಿದ್ದು, ರಾಯ್ಟರ್ಸ್ ಇದನ್ನು ದೃಢಪಡಿಸಿದೆ.
