ಖಾರ್ಕೀವ್ ನಲ್ಲಿ ರಶ್ಯದ ದಾಳಿ: 5 ಮಂದಿ ಮೃತ್ಯು, 6 ಮಂದಿಗೆ ಗಾಯ

ಕೀವ್: ಪೂರ್ವ ಉಕ್ರೇನ್ನ ಖಾರ್ಕಿವ್ ನಗರದ ಮೇಲೆ ಬುಧವಾರ ರಾತ್ರಿ ರಶ್ಯ ನಡೆಸಿದ ವೈಮಾನಿಕ ದಾಳಿಯಲ್ಲಿ 5 ಮಂದಿ ಮೃತಪಟ್ಟಿದ್ದು ಇತರ 6 ಮಂದಿ ಗಾಯಗೊಂಡಿರುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ.

ಖಾರ್ಕಿವ್ನಲ್ಲಿ ಜನವಸತಿ ಕಟ್ಟಡದ ಮೇಲೆ ರಶ್ಯ ದಾಳಿ ನಡೆಸಿದೆ. ಈ ದಾಳಿಗೂ ಮುನ್ನ ಖಾರ್ಕಿವ್ನ ಟೆರೆಖೋವ್ ಜಿಲ್ಲೆಯ ಜನನಿಬಿಡ ಪ್ರದೇಶದ ಮೇಲೆ ಬಾಂಬ್ಗಳ ಸುರಿಮಳೆಗರೆದಿದೆ. ಈ ದಾಳಿಗೆ ಇರಾನ್ ನಿರ್ಮಿತ ಡ್ರೋನ್ ಬಳಸಿರುವುದು ಸ್ಪಷ್ಟವಾಗಿದೆ ಎಂದು ಖಾರ್ಕಿವ್ ಗವರ್ನರ್ ಒಲೆಗ್ ಸಿನೆಗುಬೊವ್ ಹೇಳಿದ್ದಾರೆ.